【職場溝通】被要求做討厭嘅前同事推薦人！唔想幫佢可以點樣做？

CTgoodjobs' Editor

Published: 2023-07-05

Updated: 2023-07-05 17:02

職場上，每個人都擁有獨特的經歷，處事手法都不一樣，難免需要磨合。幸運地捱過「磨合期」，你跟同事或能成為「最佳拍檔」；相反，磨合不果的話，誤會及紛爭就難以排解，對方甚至會成為你討厭的同事。

假如你被要求，成為討厭的前同事推薦人，你會怎樣做？早前美國媒體CNBC Make it有打工仔投稿，指自己正面臨這道難題，希望能夠得對相關的意見，資深作家Hanna Howard提出建議，讓打工仔能好好參考。（點圖了解更多）

+12

+11

打工仔：「我最近收到公司其他部門經理嘅訊息，想問吓我嘅意見。話說我有個前同事Apply咗佢哋某個位，佢想知嗰位前同事適唔適合。事實上，我已經有好幾年，無同嗰位有問題嘅前同事共事，我知道佢再嚟呢間公司見工，感覺有啲唔舒服。其他部門嘅同事好好，但有得揀我唔想再同嗰個人合作。我應該點樣委婉地拒絕佢會比較好？最好嘅處理方法係點？」

Hanna Howard：「我嘅建議有3點，首先係『講真話』及『態度友善』，如果你兩樣都做唔到，就『保持安靜』。

面對工作有問題的同事：

首先，如果你已經好幾年，無同嗰位有問題嘅前同事做嘢嘅話，代表呢段時間佢可能已經改變咗嘅地方，然後解釋吓點解你唔推薦佢哋做呢份工。不過，請你確保你提出嘅內容，係同相關職位有關。

例如：你講佢成日會嚼香口膠滋擾同事，開會會遲到，呢啲問題對返Office嘅人嚟講，係好大影響；相反，在家工作嘅職位嚟講係無關係。如果你相關人士要求，你就詳細解釋點解嗰人唔適合嗰個位。盡量唔好講八卦嘢，如果唔係會令人對你留下唔好嘅印象。

面對單純唔鍾意嘅同事：

只係唔鍾意呢個同事，你就唔想推薦佢畀人？咁你可以簡單地同對方講：『曾經有同嗰個人合作幾年，我唔可以準確地評估佢哋而家嘅技能適唔適合份工。』好多時，其他人都可以從你嘅用字同態度感覺到，你想唔想推薦嗰位同事。

討厭嘅前同事直接聯絡你：

如果你嘅前同事直接聯絡你，希望你推薦自己，你要記住你無義務為佢做呢件事。

你可以直接拒絕佢，禮貌同佢講『因為我哋已經有一段時間無共事，所以我覺得自己唔可以準確地評價同推薦你。』

如果你同嗰位前同事關係好好，只係覺得佢哋唔適合份工，你可以主動話佢知，你可以分享自己喺公司嘅經歷，用唔同嘅方法幫吓佢手。無論係對住討厭定友好嘅同事，都要講，『祝你求職順利！』」

見工的時候，Office環境有甚麼啟示？（點圖了解更多）

+10