【職場文化】老細請食tea 只買5個墨西哥包 但全層有十幾個人 老細:將1個分做4份啦!

【職場文化】老細請食tea 只買5個墨西哥包 但全層有十幾個人 老細:將1個分做4份啦!
各位打工仔的上司或老細,試過萬歲請食下午茶嗎?通常請食甚麼呢?又有沒有一些孤寒老闆,扮闊佬卻又要員工細分不足夠的下午茶呢?其實如果如此孤寒,不好別請好了,無謂出醜……

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

有網民在社交平台專頁「奴工處」上以「老細請食下午茶,點知……」為題投稿,分享道:「有日,老闆買咗下午茶畀我哋,佢將一袋嘢交畀我同事,同事打開睇吓,見到得5個墨西哥包,問題係,全層樓有1X個同事,老闆見到同事打開,跟住就話:『係呀,得5個,你將1個分做4個喇!』墨西哥包本身已經難切,一切就碎晒,仲要切4份,真係考起同事!既然得5個,不如老闆唔好請食下午茶好過喇 !」

不少網民都大呼:「難道是五餅二魚嗎?」實在令人驚訝!
 
即睇網民回應:﹙按圖了解﹚
-孤寒鬼佬老闆,送咗一個貨辦杯墊畀我,仲同我講:「don’t say the company didn’t give you anything!」 係咪英式笑話我唔知?但我當時人工6000 (2008年)。
-五餅二魚咩真係?但我都試過前公司喺中秋節時,話老闆請果籃,一個果籃要一層50幾個同事分……
-五餅二魚真係笑死我,講開小家,我試過有個老細要我哋30幾人分一個月餅,真係難為切碎月餅嗰個同事……
-似係同人去食嘢,食剩打包。
-你以為真係專登買畀你食?可能借花獻佛,又或者執返嚟咋!
-一個桃分畀7個dept head都見過,分包呢單嘢嚇我唔到嘅!
-我舊老細試過送一個佢試用過嘅粉餅畀我,個粉餅仲要係公司個客送嘅,一打開勁大個手指印係入面。
-我哋老細買咗兩條聖安娜卷蛋,廿個同事分。
-「老細!放心交畀我!個垃圾桶放得落㗎啦!」
-老闆點會唔知自己請咗十幾個伙記,買5個包分明就係玩你哋啦……
-以前試過大老細升職請兩盒叉燒,廿幾個人分,跟住叫我哋自己夾錢買嘢食!
-拎返入老闆房,話同事孝敬佢,叫佢當場食晒5個。
-幼稚園茶點都大份過佢!
孤寒卻要裝大方
有時實在想不透,為甚麼如此不大體的事情,老闆都會做得出。可能他們覺得已經請了大家食,大家不應該有所要求吧?可是,將心彼己,如此請員工食小量低價食物,還為難員工要平分,是多麼的難看呢!

如果遇到如此的情況,可能還是不吃算了。大家又會怎樣做呢?

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感
延伸閱讀:【另類職人】劍擊十年 由運動員到社工 轉職感言:兩者最着重同是「溝通」
延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統
延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……
延伸閱讀:【職場戀愛】男上司同男下屬打機 情到濃時鍚咗啖 網民:快啲表白!

延伸閱讀:【職場戀愛】男上司追男下屬 結局竟然反轉? 網民:sweet過睇BL!
 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】老闆大呼員工係公司最大資源 補充:因為公司最大支出係人工!

  • 【職場熱話】婚姻狀況對搵工有冇影響? 網民:結咗婚獲聘嘅機率會低啲?

  • 【職場兩性】睇牙被靚仔牙醫吸引 點樣認識先好? 網民:日日去洗牙檢查!

  • 【職場熱話】做荀工好定做同本科相關工作好? 網民:讓返個位出嚟畀我哋爭!

  • 【行業辛酸】以為做cafe好chill? 員工大爆:沖嘢飲、洗碗、拖地一腳踢!

  • 【職場文化】老細鍾意放假突擊返公司 check大家有冇遲到 網民:唔偷懶咪唔怕佢查囉!

  • 【職場熱話】網民公司褔利排行逐個數 雙糧、生理假、彈性上班邊個最重要?

  • 【職場熱話】未返工先課金買衫?服裝店sales:返工要畀錢買公司衫真係好貴…

  • 【職場熱話】工作事事上心冇好結果 網民慨歎:慢慢變成自己初初最憎嗰啲人…

  • 【職場熱話】請假去Staycation 老細要睇酒店証明先批 網民:肚疴請病假咪要影OO?

Jobs You Maybe Interested In

刊登招聘廣告