【職場文化】細公司唔複雜?大公司好福利?網民齊論兩者優劣

【職場文化】細公司唔複雜?大公司好福利?網民齊論兩者優劣

作為世界舉足輕重的金融中心,香港商貿蓬勃,就業機會處處,跨國企業與一眾中小企一直在勞工市場上爭奪人才。許多人求職期間也會考慮公司規模與前景,因而會考慮到大公司工作,以創造更好的職涯發展。大公司與細公司的選擇有時也困擾不少打工仔,究竟兩者有甚麼分別呢?最近,「香港討論區」有一貼文聚集了眾多網民討論大小公司的優劣之處。

延伸閱讀:【職涯規劃】三十而立 10個改變助你奠定成功基礎

即睇事主分享及網民回應:(按圖了解)

發文者:大細兩種公司我都返過,覺得各有各好,大公司福利多,出去搵其他工都易啲;細公司就人事上比較簡單,大家相處融洽好多。

細公司如何?

網民:細公司比較自由無咁多規範!

網民:老闆如果態度溫和會好好做,老闆如果火氣盛會好惡頂……

網民:細公司要睇boss臉色。

網民:細公司人事方面問題都有,但非山頭主義,簡單好多。

網民:細公司未必人事比較簡單,細公司老闆多數鍾意請自己人(例如親戚),仲難做……

網民:細公司,有乜就隨手叫人做,皇親國戚多,只要老闆唔like你,你好快走得!

網民:好容易成日利用公事去玩嘢,令你好難集中精神做嘢,所以都未必一定好做……

網民:細公司隨時一個人可能要做兩三個職位嘅嘢。

網民:有好多細公司好要面子,得幾丁友但出卡片個title就會嚇窒你。

網民:細公司唔穩陣,分分鐘摺埋。

網民:好容易一hea就hea足十年八年,好難同外界接軌,適應唔到出面嘅公司,咁就一世……

大公司如何?

網民:大公司員工的保障較全面,而且管理上更完善,學習到的知識和經驗更好。

網民:大公司,有規有矩,做嘢範疇比較細。

網民:大公司有規矩,各人有各人職務,分得好清楚!

網民:大公司好啲,通常只係做返自己職位嘅嘢,而且福利好啲。

網民:論制度,大公司可給予員工一定保障和穩定。

網民:大公司制度好僵化,無乜發揮空間。

網民:大公司門派多,山頭多,要好小心選擇,埋錯邊就係咁先。

網民:我自己就好憎大公司啲員工training,同埋要開埋啲無謂會。

網民:如果你係學霸,CV滿滿,咁大公司正常易上位啲。

網民:準時出糧最重要 中小企聘用近半就業人口

發文者認為細公司的同事關係會比較融洽,但眾多網民則持相反意見,表示員工需顧及老闆的想法,以免欠佳關係影響前途。雖然網民留言較多數算細公司在人事問題上的不足之處,但有人則認為不論大小企業,「最重要係睇拍到啲乜人做嘢」,如果工作能夠「避開啲麻煩人就煩少好多」。

工作首要目的是賺取薪金維持生活,某留言一針見血地指:「公司大細無所謂,準時出糧最重要。」話雖如此,求職者選擇公司還會看周邊福利,普遍網民皆認為大型企業能給予較好的員工保障。

無疑,大型企業擁有較多資源,普遍能提供較佳的員工福利,但這是否等於小型企業一無是處、無人問津呢?非也。有網民認為小型企業文化較自由,不如大公司般出現制度僵化的問題。

政府工業貿易署中小企業支援與諮詢中心網站引述的資料顯示,截至2021年3月,本港中小企共有約34萬家,佔本港商業單位總數逾98%,聘用了逾120萬人,約佔香港總就業人數(公務員除外)的四成半。

延伸閱讀:【職場環境】公司靜過太空的5大壞處

延伸閱讀:【職場熱話】去爸爸公司玩 女職員竟扮太子女 網民:你係二房定三房?

延伸閱讀:【職場熱話】老闆以為自己係明星?親筆簽名相當抽獎禮物!

延伸閱讀:【區區打工仔】返工選擇金鐘定觀塘?網民幾乎一致選擇○○

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工面試】見工做Written Test開Google算唔算出貓?網民反應兩極

  • 【職場辛酸史】散工大王分享工作辛苦程度!警局認人戲子、寺廟拔香

  • 【花紅雙糧】公司幾時派花紅?企業財政年度各有不同!

  • 【2021職場回顧】打工仔年度關注議題 觀塘返工、地盤術語、「人生勝利組」上榜

  • 【職場熱話】失業唔敢同家人講 諗住扮工再搵工 網民齊勸事主應坦白

  • 【展望2022】審視不足與成就 8條問題準備年度自評

  • 【見工面試】打工仔煩惱應否申請曾拒絕的工作 僱主可保留求職者資料多久?

  • 【浸大調查】企業文化對僱員影響 留住人才的關鍵

  • 【聖誕熱話】公司聖誕聚會 二百蚊交換禮物提案!網民:日本米一包

  • 【職場貼士】站著開會能增加創意?世界知名CEO的5個成功特質

Jobs You Maybe Interested In

刊登招聘廣告