【職場性騷擾】旅館職員被客人要求陪酒 仲被追問有無男朋友……

從事服務業，很多時都實行以客為先，盡力滿足顧客的需要。即使是多麻煩的客人，都要「食得鹹魚抵得渴」做到最好，以保持專業形象。不過遇上某些事情，就不能夠百般忍耐。在網上討論區有打工仔指出，自己在旅館擔任職員，最近被客人要求陪酒，事主不禁反問：「可否給我一點尊重？」

延伸閱讀：【平等機會】女同事患抑鬱症成日喊 被老闆要求主動辭職？

點圖了解更多事主經過：

+11

+10

1/我喺旅館返工嘅，身為服務業嘅一份子，當然知道態度友善，專業對應係基本，不過偶爾都會遇到啲情況係需要「硬食」。
2/某一日有兩個客人行咗入嚟旅館，係一個光頭嘅男人同佢嘅朋友，後者係要嚟住宿，前者就係嚟陪佢嘅，
3/光頭客人問：「你哋有無幫忙叫陪酒小姐嘅服務啊？」我就答：「唔好意思，我哋無啲咁嘅服務。」
4/點知個光頭客人話：「唔係你嚟陪酒都可以啊……係啦，你有無男朋友啊？」
5/我聽到嗰陣心諗「想點啊，可唔可以畀啲尊重啊」其實我完全唔想理佢，但佢係客人真係無辦法。
6/於是我就咬牙切齒咁答，「有啊」朋友就叫光頭客人：「唔好再搞人啦」
7/光頭客人回應：「我話佢可以陪酒，同佢有無男朋友又無關係」佢朋友就無出聲。
8/見朋友無出聲，光頭客人就即刻話：「好啦好啦，同你講笑咋，想同你講你對眼好靚，你應該係個靚女嚟。」
9/我全程都無回應過佢，我都喺度用緊電腦，然後就送咗佢朋友上樓。全程個心都好唔舒服，希望會撞到啲好啲嘅客人。
 

網民回應：
A/真係「無髮無天」，好唔要面啫
B/佢係唔係欠打？其實可以告佢性騷擾
C/呢啲人真係好討人厭
D/客人好多都係一面之緣，呢啲時候笑住帶過就算
E/呢啲時候，你可以送佢去最嘈最鬧鬼嗰間房，然後佢問問題嗰陣就大聲回應佢，「吓？先生唔好意思啊，可唔可以麻煩你講多次？公司好注重服務品質，櫃台有錄音錄影嘅，可以清楚記錄顧客嘅需求，費事誤會你意思就唔好啦」

延伸閱讀：【平等機會】懷孕女性難搵工 面試遭歧視 求職者：單身先返得工？

客人可能已觸犯性騷擾
根據《性別歧視條例》，性騷擾劃分為兩種情況，分別是「有特定對象」，以及「沒有特定對象」。「有特定對象」的情況下，向某人作出任何性相關嘅行為，而不受到該人士歡迎；一個合理的人在顧及所有情況後，應會預期該人感到被冒犯、侮辱或威嚇；可包括（但不限於）向該人提出性方面要求，或要求獲得性方面好處。

條例適用於公共範疇，包括僱傭；共同工作場所；教育；貨品、服務及設施的提供等等。如果性騷擾於這些範疇裡面發生，而相關人士又屬於法例所指的關係，該行為即屬違法。

個案中的客人的行為涉及法律定義提及的行為之餘，還屬於條例提及的範疇，需要負上刑事責任。事主可以向平機會求助，要求客人提供金錢賠償、書面道歉，或者是要求有關機構制定、改善政策等等。

⏩⏩  需要請人？立即刊登招聘廣告！  ⏪⏪