Next
【聖誕職場】老細送同事一人一隻急凍火雞做節 員工：都唔知好嬲定好笑！
【聖誕職場】老細送同事一人一隻急凍火雞做節 員工：都唔知好嬲定好笑！
2022-12-19
聖誕節是不少人都喜歡的節日，因為可以暫時放下工作，與家人和朋友共聚一堂，好好享受節日的氣氛。有不少公司老闆都希望與員工們歡度聖誕，而舉辦派對或贈予員工聖誕禮物，希望可以送上祝福，大家又有一個如此的好老細或上司嗎？
延伸閱讀：【聖誕職場】疫情加流感 公司仍想搞party 提議叫到會喺位食、用視像抽獎！
有網民在「香港討論區」網站上發文分享，自己的老細每年都會送員工禮物，不過今人的禮物似乎真的叫人不知所措……中國過節要食雞，外國過節都要食火雞，本着這個理念，老細竟然送大家每人一隻急凍火雞……
即睇事主分享及網民回應：（按圖了解）
事主：「老細每年聖誕都會送啲嘢畀同事慶祝聖誕節，星期一嗰陣佢話同事收工唔好走住，佢話就嚟聖誕想送啲嘢畀大家賀吓佢。我哋就嚟收工嗰陣都傾緊老細會派啲咩畀我哋，點知佢叫同事拎咗一大個紙皮箱入嚟，入面全部都係上網訂嘅急凍火雞……
仲好記得第一個拎嗰個同事打開個箱嗰陣呆咗咁企咗喺度，跟住同我哋對望咗幾秒……我哋見到佢嘅眼神都心知不妙……
有啲同事上網check吓，先知原來一隻急凍火雞都唔算平，老細真係好有心，但我哋個個拎住隻火雞企咗喺度你眼望我眼，都唔知好嬲定好笑好，可能老細驚我哋今年冇火雞食，於是一人買定一隻畀我哋做節……」
網民：「你老細好好人！仲請唔請人呀？」
網民：「好有心，俾心機做啦！」
網民：「禽流感雞？」
網民：「生定熟？」
網民：「難得的老細。」
網民：「急凍火雞一隻都唔平！」
網民：「因住聖誕節送火雞，農曆年送無情雞。」
網民：「咁有心買定咁多日，會唔會有啲同事冇雪櫃放唔到？」
網民：「有好多日日叫外賣嗰啲，都唔識處理。」
網民：「咁真係要多謝老細啦，咁有心。」
網民：「送急凍火雞畀同事，老闆其實係咪想玩你哋？」
網民：「出年一人一棵聖誕樹。」
網民：「通常外國先興，不過都係好老細，抵讚！」
網民：「外國唔會送急凍火雞囉！火雞喺外國係平嘢，整先係最煩，我住咁耐未見過人送急凍火雞。」
網民：「都係一份心意，好過乜都冇呀！」
網民勁讚好老細
雖然事主與同事都感到挺無奈，因為香港不太多人喜歡食火雞，而且火雞體積大、難處理，不是個個人家中都有適合的雪櫃和焗爐去烹調火雞，亦有網民表示火雞的肉質不太好，其實並非電影電視劇中般吸引。不過網民們都大讚老細對員工很好，就算不合胃口，這也是一份很大的心意，應該欣賞。
大家的公司或者上司老闆，有沒有表達甚麼聖誕心意呢？
延伸閱讀：【聖誕職場】疫情加流感 公司仍想搞party 提議叫到會喺位食、用視像抽獎！
延伸閱讀：【職場文化】同事愛健身 買埋器材返公司 同事：我喺pantry見到佢舉鐵…
延伸閱讀：【職業抉擇】高人工一年合約VS低人工長工 你會點樣揀？
延伸閱讀：【辦公時間】同事一係深夜講公事 一係清晨send訊息 同事：佢係咪太大壓力？
Look out for further updates on our Facebook fan page!
Follow CTgoodjobs for the latest career news, hot topics and recommended jobs!