【祼辭生活】因情緒問題祼辭 驚覺壓力煙消雲散 事主:開心真係無價!

【祼辭生活】因情緒問題祼辭 驚覺壓力煙消雲散 事主:開心真係無價!

香港職場工作壓力龐大,打工仔不堪壓力患上情緒病的例子時有發生,輕則會使患者心情悲傷、難以思考;重則更會感到絕望、萌生自殺念頭,而且治療時間漫長,需要花費大量精神時間重新調整心態。有網友於連登討論區發文,指自己因為情緒問題,決定祼辭在家休養生息,每日起床、煮早餐、健身、看戲,作息規律,赫然發現原來無業的休閒生活正是使自己舒緩情緒問題的良藥⋯⋯

即睇事主詳細經歷:

事主:小弟一直都有情緒問題,近排頂唔順終於裸辭咗,發現原來辭職嘅生活真係好舒服。

事主:每日就係起身煮早餐、做Gym、睇Netflix,差不多夜晚就煮晚餐等老婆返嚟食。

事主:呢啲咁簡單嘅生活,原來辭職已經可以做到,心情都好似好咗。

事主:不過最大壓力其實都係食穀種無收入,但係開心真係無價!

事主:老婆都幾支持我,叫我休息吓先。不過休息多排都要搵工,如果唔係會脫節。

即睇網民回覆:

網民:諗落都覺得好笑,咁辛苦工作就係為咗六、七十歲後可以享受類似咁嘅休閒寧靜生活。原來無業已經可以做到,人生真係可笑。

網民:到你再搵工搵唔到、攞綜緩住公屋,日日落樓下做Gym仲爽!

網民:其實裸辭好唔正常咩?唔Hea返一兩個月去吓旅行勁浪費,仲有幾十年工慢慢你返喎!

網民:最長試過唞咗3個月,真係太悶搞唔掂決定搵工。

網民:香港唔返工就會被人當異類,自己做開奴隸就唔抵得人哋過得舒服。其實最緊要自己開心,人生流流長,最多咪唞一排再開始過。

網民:喺香港,好彩就可以六、七十歲退休後享受人生,但有幾多做到四、五十就周身病痛。

網民:上一代打工個個都係要衝捱拼搏,我就偏向平衡啲,夠食就算,好過捱到爆廠,就幾多錢都醫唔斷尾/有後遺症。人出嚟只係為咗搵錢好悲哀⋯⋯

網民:其實成3年無飛過,個人真係好壓抑好辛苦,真係好需要休息,畀自己唞一唞。

網民:我又係上個月裸辭咗,日日就係打機、睇劇、做Gym,啲Game之前買落無時間玩,而家可以狂煲;返工時間Gym Room又唔使同人逼,唔使諗第二朝要起身返工真係好正!

網民:最佩服係好多人都有本錢唔使返工。我就要供樓、水電煤、家用,想唔返都唔得!

 

抑鬱症自救錦囊
盡早求醫是抑鬱症患者自救的最佳方法。然而治療抑鬱症所需的時間漫長,患者可以參考以下幾個自療方法,幫助控制病情及穩定情緒:

定時用餐、定時睡眠

對自己有耐性,花時間識別自己的情緒波動

與身邊親友保持溝通

在抑鬱症患者治療期間,身邊人的陪伴及支持同樣重要。與患者同行,擔當其傾訴的對象,讓他重新接受一個新的自己。

即刻按圖了解更多職場離職趣聞。

【職場貼士】年尾忙到唞唔到氣 點樣增強抗壓能力?

延伸閱讀︰【辭職學問】想辭職 應該騎牛搵馬定係祼辭?網民大辯論!

延伸閱讀︰【轉工跳槽】頂唔順廢柴上司 收到Offer即日辭職

延伸閱讀︰【職場熱話】祼辭使人後悔?事主:辭工後發現自己無專長…


最新專訪片︰
【星級斜槓族】港隊劍擊運動員吳諾弘專訪 中五停學決心打劍 東奧後卻遇職業生涯最低潮

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【投考ACO丨全年招聘2024】考咗3次ACO都失敗 事主究竟衰喺邊?一文睇清助理文書主任入職條件/人工/晉升/申請程序

  • 【投行排名】行內人士票選!頭25間最值得加入嘅投行!摩根大通排第17 艾維克排第2 第1名係OOO?

  • 【職場熱話】好工可遇不可求!點樣先叫做好工?網民:老闆好、同事融洽已經好難得!

  • 【職場趨勢】做管理層唔一定要有自信識表達 調查:擁有呢個特質嘅人先啱做管理

  • 【見工面試】見工被人碎咗張畢業證書 事主:有無得叫佢賠錢?

  • 【職場矛盾】唔加人工被逼轉部門 事主:僱主有權咁對我?

  • 【職場辛酸】問責制、無人帶、人工低仲要同公司共渡時艱?事主:捱到依家先走算係咁!

  • 【職場八卦】網民盤點鬧客鬧上司職業 咩工可以鬧完人仲要對方道歉?

  • 【貓咪咖啡館】光顧貓Cafe驚覺「貓如人生」 事主:完全體會到貓貓被逼湊客嘅感受!

  • 【職場八卦】男上司暗斥女同事婚後繼續返工好麻煩 事主:結咗婚就應該留喺屋企等老公養?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow