【打工仔辛酸】大老細係超級控制狂 有同事竟做到OOOO?網民:快啲裸辭保平安啦!

【打工仔辛酸】大老細係超級控制狂 有同事竟做到OOOO?網民:快啲裸辭保平安啦!

在職場上,打工除了害怕遇到「豬隊友」外,更害怕遇到控制狂上司。一旦遇上他們,相信打工仔都會感到喘不過氣,甚至會因工作壓力過大而導致身心出現問題。

近日,有網民於香港討論區發文,指老闆是一個超級控制狂,前上司因承受不住壓力而辭職,甚至有同事因工作壓力過大而患上精神分裂,使事主感到惶恐,思考應否裸辭來脫離有毒職場。

延伸閱讀:【職場文化】睇個位就知公司對員工好唔好?網民一致贊成坐OOO最差

按圖了解網民回應:

事主:返咗份文職半年,大老細係一個超級控制狂,直屬上司頂唔順佢所以離咗職,然後老細一直話未請到人為由,將原本上司做緊嘅嘢分派畀我哋成班同事做,有個同事最近仲做到精神分裂。我而家日日返工都好大壓力,每日收工都頭痛加腰酸背痛。我好驚下個做到有精神病嘅人係自己,係唔係應該祼辭唞吓算……

網民A:你無錢要返工就要做老細奴隸,痴埋線老細都唔會可憐你!

網民B:等錢使就邊做邊搵工;唔等錢使就裸辭先再搵,中間呢段時間當係休息。我之前個老細唔只係控制狂,仲好鍾意教書,經常捉班員工入佢房上堂,要所有人一式一樣咁跟佢嗰套嚟做,之後做咗3個月我就頂唔順裸辭咗……

網民C:人工唔高就即走啦。

網民D:我直屬上司就係控制狂,而且係工作狂。上司成日同我講只要我表現一唔好就要降職,仲話唔好諗住可以喺公司做到退休,可以隨時降職或調我去另一度。

我依家返工日日都喺徨恐之中,有時聽到佢叫我名,我個心就會跳得好快,好驚又唔知因為咩事而畀佢話。每樣嘢我都睇完又睇,睇完又睇,到再send出街又再睇,好驚會被佢捉到錯處而被斥訓。

佢講過佢唔怕煩,一定要咩都問過佢先可以做,但當問佢嘅時候,佢又會話:「你做咁耐都唔知㗎咩?」仲會表現得好唔耐煩,黑晒面,個表情惡到我會驚。但如果唔問佢,佢又會嬲,話我自把自為。只要一出現啲好微細嘅錯漏,佢就會白紙黑字寫入discipline record要我簽名。

我有時夜晚諗起佢講嘅嘢,會失眠瞓唔到、頭暈、頭痛,我唔知自己可以頂得住呢種精神壓力幾耐,好想搵心理輔導傾,但上網睇完啲收費咁貴之後,就打消咗個念頭……

網民E:有啲咁嘅老細,最好早走早着。如果要裸辭嘅話,前提一定要儲夠一筆錢(大約3個月嘅薪金)先至好裸辭。

網民F:而家個個老闆都係控制狂!如果唔太過份,都只可以忍氣吞聲。

網民G:應付唔到就唔好令自己咁辛苦!

網民H:快啲裸辭保平安啦!

網民I:我上份工個上司都係控制狂,連着咩衫、枱面上嘅嘢點擺都要管,結果我同另外6位同事頂唔順一齊辭職。大老細最後同上司商量,叫佢提早退休,我哋就留低同加人工。

網民J:有啲老細係鬧人為樂,可能佢以前做下屬經常畀人鬧,老咗就心理唔平衡。但唔係個個老細都會經常鬧人,唔夾就搵過第2份,失業率咁低,搵工相對容易。如果有屋企人要養,就千祈唔好裸辭啦。

網民K:文職其實好易搵,我有好多舊同事都話公司請唔到文員,真係唔知點解咁兩極……你試吓睇吓搵唔搵到工先啦。

延伸閱讀:【職場熱話】最惡劣打工經驗係點樣?返六日、免費OT未算嚴重 更有僱主或觸犯法例

對於事主的經歷,不少網民都有所共鳴,紛紛分享自己曾遇到的控制狂上司,例如工作的方法要完全跟照上司做法、上司要下屬事無大小都要一一報告、控制下屬衣着及辦公桌上物品的擺放位置等,每件事情都要插手,完全控制他們的一舉一動,令員工每天都需承受龐大的工作及心理壓力。

有部分網民表示,工作只是賺取金錢的其中一個方法,加上市場上仍有不少職位空缺,事主無需因這一份工作令自己出現精神及情緒問題,因此鼓勵事主「裸辭保平安」,讓自己休息一段時間,再另覓新工作。

延伸閲讀:【職場熱話】打工仔斥新公司「微管理」好難頂 出去見客要填表 遲到逐分鐘扣錢 仲要員工喺OO自拍!?

按圖即看7個有效策略來應對控制狂上司:

延伸閲讀:【職場八卦】遇過最難頂嘅上司係點?網民:Micromanage一定係極品中嘅極品!

按圖即看網民列舉的「變態公司」行為:

延伸閲讀:【職場文化】香港老細有咩通病?網民指:全間公司裝滿OOOO!


最新專訪片︰

【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【打工仔被炒】請病假去見工被公司發現!HR批打工仔無誠信決定即時解僱 網民:你下次都係請AL去見工啦!

  • 【極品上司好難頂!】上司經常送禮請食飯然後勞役員工 同事差啲無埋條命同婚姻 網民:做人最緊要有底線 唔好公司叫你做咩就做咩!

  • 【職辭照被鬧】打工仔已辭職 事後仍遭到上司大鬧特鬧!事主:更加確定當初遞信係無遞錯到!

  • 【返工VS.讀書】細個想返工 出嚟做嘢先發現讀書嘅美好 事主慨嘆:成日以為讀書辛苦,其實根本就係呃自己

  • 【無良老闆】返工突然暈低發現身患大病 公司以經濟不景為由不再續約!網民:你返得合約工就預咗㗎啦

  • 【面試奇怪事】見見吓工 HR突然要求求職者展示歌喉!事主大嘆:我又唔係要做歌手 叫我唱歌係咩事……

  • 【拖欠薪金】返兼職1個月 份糧竟出少咗三分之二!網民:直接搵勞工處備案!

  • 【打工真係好大壓力!|壓力大徵狀】一人一個返工壓力大徵狀!晚晚失眠、極不願意入公司門口、電話一響就焦慮……

  • 【扮工扮出禍|WFH|銀行熱話】銀行員工扮工扮出禍?美富國銀行突炒10多名員工 因為用咗OOO神器!一文睇清僱主可以點樣有效防止員工「扮工」

  • 【月入幾多先正常!】香港生活成本高 究竟要月入幾多先夠生活?網民:唔使供樓月入$2萬至$2.2萬就夠!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow