【打工仔薪酬】月入5萬生活質素其實唔好？打工仔大呻活得差！網民反駁：月入10萬你仲慘！

打工仔每天辛勞上班，為的是愛還是責任？其實大家都只求工作安穩，過更好的生活。收入高低，是否與生活的質素成正比？有打工仔在香港討論區分享個人經歷，坦言月入5萬，卻自覺活得很差，對此網民不禁反駁，「月入10萬的話，你會更慘！」

點圖了解更多事主分享：

+22

+21

事主：「月入5萬嘅生活質素係咪好好？其實唔係，月入5萬可以養車，不過香港養車好貴，平均一個月使$7,000，搭的士更化算，結果唔養車仍然係迫巴士同地鐵。

月入5萬可以供樓，不過壓力測試下只借到400萬，根本買唔起咩樓，只有大西北幾百呎嘅舊樓，再加埋啲管理費水電煤差餉，一個月只係剩低萬幾兩萬蚊，結果仍然係每日迫巴士返工放工，放假都係冇得食好嘢。

所以香港月入5萬，生活質素都係冇提升到；月入10萬啦，咁先可以叫活得好！」

網民回應：

A/睇你個樣，似乎未真係月入過5萬喎，連最基本嘅都唔記得？你係單身定有小朋友先？有冇阿爸阿媽要養先？

單係強積金，每月都去咗你$2,500，仲有交稅，如果冇咩免稅額，年尾你預一個月糧多啲出嚟交稅啦，係大約6至7萬，查實你5萬人工，你知唔知其實只得約4萬左右使㗎咋？仲要你唔係啱啱5萬入息，如果你係今年先至5萬，年尾預繳你都未必少。

我2000年開始養車，公司有車位，每個月都成要，而家仲係$6000？除非你公司或屋企其中一處唔使錢泊車啦。當時啲油仲係$12起咋……

不過，同意你講，的確唔係可以好好生活質素，但其實好唔好又唔可以一概而論嘅，多有多使，少有少使。有錢時好多錢就使得冤枉啲。

B/月入5萬已經好好啦，10萬你自己做唔做到先？

C/我覺得月入5萬已經好好，如果係我就好滿足，原來養部車好貴。

D/日日都係不斷提升標準，但係普遍香港人個人月入只係2萬，家庭月入4萬左右，咁已經可以討論完！

E/香港有車都可能最後又係迫地鐵！係呀！

F/到你月入10萬，又想有15萬啦，知足啦！

G/香港月入5萬，如果得你一個人搵錢，要供樓或租樓，有仔女、請工人，養埋車，加上有年老雙親要照顧嘅話，其實都幾吃力。講真冇乜條件養車。

H/ 我月入3萬，都又車又供樓！睇你買啲乜樓姐！西灣河350呎，三百幾萬！月供$8,000幾，管理費$350！有乜唔夠？唯一係首期囉！

I/咁冇車冇樓嘅生活，唔代表冇質素嘅！

J/如果兩公婆都月入5萬，夾埋10萬好好使啦！

K/月入10萬仲慘過你！

L/月入5萬喺香港冇物業，都係窮人一名，正常喺香港生活得好，最少都要過億！

M/10萬有10萬嘅生活壓力，以前我上司係就係搵10萬一個月，但有兩個小朋友讀幼稚園（8年前），一人$9,600一個月，供樓無咗3萬，工人姐姐$5,000，自己同老婆父母（$20,000），供車養車停車場……仲有少不了小朋友興趣班！

N/睇晒咁多留言，想問吓搵2萬嘅人係咪唔使生活。

事主的帖文一出，引來不少網民回應。有人嘲笑事主不像是每月賺5萬收入的人，全因他沒有提及打工仔的基本使費，如稅款、供養父母及孩子的費用等等。不過該網民又指，生活好不好總不能一概而論，有時收入高，錢會使得冤枉。

對於事主指要10萬才有好生活，有網民直言，「當你月入10萬，又想有15萬啦！」。認同事主的網民表示，如果事主的家庭中，只有一人工作，要供樓或租樓，有子女、工人要養，加上有年老雙親要照顧，幾乎沒有養車的條件。

即使你的收入有多高也好，假如你在花錢時好好想清楚，最後只會錢一元也不剩，同時過着未必好的生活。與其埋怨自己的收入不夠高，不如思考一下，甚麼才是提升自己生活素質的主要消費，再想辦法減低其他不必要的費用。

30歲才儲錢，是否已經太遲？（點圖了解更多）

+11

+10

即睇6大財務治療師嘅慳錢秘訣！

+22

+21

延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者

用你3分鐘！快啲填！🥳🥳🥳

《CTgoodjobs 2024年第一季薪酬趨勢調查》

👉https://bit.ly/CTgoodjobs2024年第一季薪酬趨勢調查 

最新專訪片︰

【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！

⏩⏩  需要請人？立即刊登招聘廣告！  ⏪⏪