【年尾轉工】年底辭工係諗唔開?HR打工仔:工作量太多負荷唔到……

【年尾轉工】年底辭工係諗唔開?HR打工仔:工作量太多負荷唔到……

提及轉工旺季,很多人都認為是農曆新年後的數個月,因為有不少公司企業,會選擇在這段時間發放雙糧或花紅,打工仔領取獎金後,就能安心離開公司。要是在旺季以外的時間離職,又是否代表選擇不理智?網上討論區Dcard有台灣打工仔分享自己的故事,指自己有意在年末辭職,卻又害怕自己做錯決定:「工作量太多負荷唔到…」

點圖了解更多事主分享:

延伸閱讀:【職場貼士】待業期間無所事事?5個規劃有效降低求職焦慮
延伸閱讀:【職場貼士】5個開會不再浪費時間的方法

「我做HR嘅,入職就嚟3個月,喺1,500人以上嘅公司做嘢,公司只有兩個同事負責招募,而我除咗要負責招募(包埋Interview),仲要處理埋新人報到要用到嘅資料,咁都唔止,有其他嘢做,好似做埋團體保險嘅工作。

我自己覺得工作量好大,每日都畀工作追住咁,一堆緊急嘅代辦事項。感覺我哋部門就算填補咗相應嘅人手,始終都係唔足夠,睇得出大家都係咁忙,甚至習慣性開OT。

好想繼續喺呢個行業發展,想搵間公司好好學嘢,但呢個工作量要長期做,我真係負荷唔到,唔知道係呢邊工作量太大,定係自己抗壓力唔夠。但年底辭職,會唔會好諗唔開?唔係好有利於搵工,亦都因為咁,蝕咗份花紅。」

網民回應:

A/唔係年尾嘅問題,係搵到份工再走

B/係唔係好嘅時間點,唔係應該嚟問我哋,而係得你知道答案。你想走,可以直接辭職,唔使問人,但喺職場生存,最好都係負責任,交接好啲嘢先,唔係喺最忙嘅時間走,到下間公司,對方睇你履歷嗰陣都唔太好

C/先三個月,肯定無花紅,一般嚟講,未滿一年都只係按比例計,你計吓先,如果好少嘅就算

D/我自己入咗去做HR唔係好耐,但以我經驗嚟睇,建議年底呢段時間要做埋,因為年底係HR編列下年預算、訓練計劃等等嘅重要時間,如果可以趁呢段時間學晒啲嘢,即使未來轉工,你都有相關嘅經驗,其他公司就會對你加分,而透過年底呢段時間,你可以了解吓公司成年嘅人事運作,我覺得幾好啊!雖然好忙,成日都要OT,但只要你捱過呢段時間,啲知識就係你嘅。不過如果你身心已經出現問題,有憂鬱、焦躁嚴重情況出現,最好都係搵過份工或者休息一段時間再做

E/工作唔好影響到自己嘅身體,唔值得

F/如果未到返唔到工嘅程度,我建議你可以做到搵到第二份為止,搵工唔順利都好,出年一、二月都有唔少假,可以唞唞。但如果祼辭,人哋開心放假嗰陣,你就會好焦慮,咁樣唔化算

G/邊做邊搵,安心啲,搵搵下就過年

辭職前先審視自己
對於事主的個案,普遍網民都認為事主可以先留下來學習HR相關的工作,待找到另一份工作再辭職也不算遲。另外,亦有網民勸喻事主,要是撐不住就不要勉強,否則可能會影響身心健康。辭職之前,我們都應該審視自己的工作,看無法應付工作,是因為自己的能力不足、時間分配不充份,還是問題真的出自於工作本身,調整自己的步伐,到最後即使真的要辭職,也不至於會後悔。

辭職有甚麼Do’s and Don’ts?(點圖了解更多)

 

即睇計算最後上班日的方法:

延伸閱讀:【見工面試】想由小薯晉身成管理層 面試可以點樣凸顯管理技能?
延伸閱讀:【職場文化】如何收服下屬的心?後疫情時代「好上司」必備5個特質

 

免費「銀行業前線職位懶人包」

CTgoodjobs特別為有意投身銀行業的打工仔準備「銀行業前線職位懶人包」,內容涵蓋銀行櫃員、客戶關係經理及分行經理的職責、入職門檻、晉升階梯及月入中位數等實用資訊,還提供市場上熱門職位空缺,幫你裝備好自己,入行無難度!

立即按此下載:https://bit.ly/3DCfVPj


最新專訪片︰

組合MIRROR、COLLAR填詞人Oscar︰「我好享受辛苦的創作過程」

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;