【員工福利】公司是否有規模靠睇飲水機?打工仔︰冇飲水機好伏!

【員工福利】公司是否有規模靠睇飲水機?打工仔︰冇飲水機好伏!
有人話,一間公司好與壞,可從辦公室的設計和設置略知一二。有打工仔則認為,公司是否有規模,可以透過公司人員選擇了哪一種類型的飲水機,當中他指出公司擁有不用換水的飲水機,屬「最強筍工」,而沒有飲水機的,是被視為「伏工之最」。你又認同他的看法嗎?
  打工仔對公司飲水機的看法︰
1/ 沒有飲水機
「公司年資通常超過15年,公司細,人少少,辦公室好亂,沒有前途。基本上屬於等倒閉的公司,不視員工是人。 不過這種公司,很多時都需要外出工作,如果大家見工遇到這些公司,可以不用太花心機面試,因為公司無法開出高價,二來間公司很快倒閉。

2/ 要換水的飲水機
「這類公司多數為中小企,對剛畢業的大學生可以考慮做一年。如果公司寧願員工花時間換水,都不願花錢換部水機,即係公司不介意你浪費時間,儲經驗不錯,不過個老闆就會比較保守,工作會限手限腳。」

3/ 不用換水的飲水機
這類公司分兩種,一種是普通放在枱面,一般只需幾千蚊左右。

「另一種座地接水喉有濾芯的飲水機,我見過有間大公司的飲水機價值過萬元更不只得一部。呢啲公司一般都對員工不差,飲水是基本需要,公司都不想你花太多時間和用力,反而添置飲水機。如果遇到以上公司,打醒十二分精神,因為人工一定夠高。」 延伸閱讀︰【員工福利】打工仔盤點最難頂公司設施 手動升降機上榜?

7日年假+6天工作都未算慘!網民盤點10大伏工特徵
伏工到處都有,很多僱主為了「慳得一蚊得一蚊」,不惜用盡方法剝削員工。最近有網民在討論區分享伏工的特徵,希望可以警惕一眾打工仔,遇到以下情況時盡快搵工執包袱走人。 1/ 返工食飯要打卡
返工食飯遲到一分鐘都係罪,仲要逐分鐘扣錢。公司會睇打卡記錄,每月糧單寫埋遲到幾多分鐘,喺WhatsaApp群組公布排行榜,「溫馨提示」員工唔好再遲,當全部人係小學生咁管。

2/ 返5日半或6日
返5日半同返6日基本上無咩分別,明明公司唔係忙到咁,但總要迫人返去扮工。完全失去私人時間,星期五晚唔敢Happy Friday,星期日又要補眠,長久下去心理極度不平衡。

3/ 得7日大假
公司用人用到盡,得7日大假,仲要每次都要提早3個月申請。如果同經理撞假,一定要讓佢放先。仲要跟勞工假制度,復活節同佛誕照返工,慘無人道。

4/ MPF當係福利
公司幫員工供強積金係天經地義,好似講到好心施捨畀你咁;不設有薪病假,無論咩原因都要扣錢,病都係一種罪。而且無提供醫療保險,慳得一蚊係一蚊。

5/ 港資中小型公司
全間公司少過10人,除咗老闆之外全部坐豬肉檯,一眼望晒大家做緊咩,私隱度極低。公司入面無廁所,要拎鎖匙行出走廊用公家廁所,仲要成日排隊爭崩頭。

6/ 家族式經營
成間公司員工都係皇親國戚,老闆係阿爺,經理係阿叔,三姑六婆係會計同Admin,再放個孫入嚟你部門學下嘢,根本上自己人玩晒。

7/ 15吋電腦螢幕
公司20年都唔換一次電腦設備,仲用緊15吋正方形電腦螢幕,打字睇到眼都盲。唔肯畀錢update軟件,部電腦慢過蝸牛,一星期死幾次機,save唔切要重頭做過。

8/ 迫人扣大假
老闆極迷信風水,農曆年要擇日開年,試過初七啟市,迫員工扣自己大假;又會星期六搞Team Building或Annual Dinner,奉旨唔會補假,但唔出席又會畀面色你睇。

9/ 勤工獎制度
美其名鼓勵員工準時返工、減少射波,揚言底薪加上獎金,收入相當豐厚。不過發放條件相當苛刻,可能請一日病假就即刻取消資格。經常盤算如何走法律漏洞,以各式各樣原因剝削員工。

10/ 試用期長
試用期半年或以上,仲會成日搵藉口挑剔你,想畀機會你進步而延長試用期。根本純粹因為度縮,唔想畀你請假同埋享有正式員工福利。萬一你唔願意,就是旦搵個理由炒你。
延伸閱讀︰【員工福利】老細送按摩椅但「貨不對辦」? 打工仔鬧爆︰點解要咁做!

延伸閱讀︰【職場熱話】入職滿一年先可享員工福利?網民:一般公司都係……


 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【員工福利】機構鼓勵接種疫苗!有公司代員工捐100萬?

  • 【員工福利】老細送按摩椅但「貨不對辦」? 打工仔鬧爆︰點解要咁做!

  • 【政府工略】IT畢業生轉考ACO?自稱過來人列公務員12大好處

  • 【見工奇遇記】打工仔被懷疑請假面試 全因新HR打電話去原公司核實資料?

  • 【職場熱話】做藥房都要跑數? 唔夠數要大懲罰:放無薪假、仲有…

  • 【職場熱話】夏天返office以為去咗汗蒸幕 員工:沖涼、吹頭乜都有…

  • 【職場熱話】港女去Staycation屈蛇被趕 大鬧酒店員工冇人情味 被網民鬧爆!

  • 【職場熱話】工作後難識另一半 女網民:人生一定係買樓、結婚、生BB?

  • 【絕世筍工】呢份工被稱「人生勝利組」?網民︰返工釣魚被投訴多年都唔炒

  • 【見工奇遇記】面試曾被HR問有冇拍拖 返工先知原來有原因?

Jobs You Maybe Interested In

刊登招聘廣告