【勞工合約】返新工被合約嚇倒 無試用期、離職通知期半年 網民:多數超惡頂

【勞工合約】返新工被合約嚇倒 無試用期、離職通知期半年 網民:多數超惡頂

第一天上班工作前會簽約是很常見,簽署合約可保障勞資雙方。有網民在香港討論區發文表示,原本懷着憧憬上新公司簽約,卻發現合約沒有試用期,以及離職要早半年通知,隨即拒絕簽約,最終負責HR變得黑口黑面。

延伸閱讀︰【加薪技巧】滿試用期向上司求加人工注定失敗?網民直斥事主犯1大忌!「冇炒你算係咁!」

按圖睇吓事主及網民點講:

 

樓主:「噚日去咗新公司諗住返新工,去到嗰陣HR畀咗份合約叫我簽。我自問英文唔算好好,所以我真係好認真睇,一有唔明就查吓翻譯睇吓點解,點知睇睇吓發現咗佢寫冇試用期,同埋離職最少6個月通知,我嗰吓問個HR有冇寫錯,佢話冇,佢哋公司一直以嚟都係咁。

我問佢如果真係唔啱做……我咪要賠錢?佢答我係……

之後我同佢講,我唔簽呢份合約,同覺得佢哋公司唔啱我。

個HR黑晒口面,但都冇點出到聲,好彩自己睇清楚,你話間公司好就話啫,唔好做……我又唔走得真係搵嚟搞!」

網民A:射夠佢6個月波咪得。

網民B:其實如果炒人都係六個月通知,咁無乜唔合理呀。

網民C:呢啲公司通常都係超級惡頂!個個做一頭半個月就辭職嗰隻,佢為咗唔想嘥時間磨合咗,轉頭又走又要重新嚟過,所以咁做要你同佢做足半年。

網民D:正常咁重要嘅Term一定會同你講。

網民E:呢啲公司唔方好,福利都係差,做未夠7日,可能1日通知!搵勞工處了解吓。

網民F:呢啲其實公司HR有責任講清楚㗎喎。

網民G:完全浪費雙方時間,咁非一般的條款應該第一次面試已通知。

網民H:通常公司高層超高人工就要6個月通知, 你係咪𢭃咗佢幾十萬月薪呀?

網民I:6個月通知期,你都好高級吓。

延伸閱讀︰【面試攻略】見工被問上一份工離職原因 6大模範答案得HR歡心

「試用期」安排影響通知期

根據《僱傭條例》(香港法例第57章)第6條(3A)款,在試用期內,「即使合約已訂明通知期,任何一方仍可在該僱傭的首個月內隨時終止該合約,無須給予通知或代通知金」。

值得留意,法例並沒有要求僱主須給予僱員試用期,新員工將視為正式員工。如遇上這個情況,前述的「首個月可以即走」並不適用。

(資料參考:勞工處)

【辭職跳槽】網民細數辭職警號 有呢啲狀況就要加倍注意!你又有冇中?

延伸閱讀︰【職場熱話】辭職被老細威脅封殺 成功轉工加薪3倍 打工仔:完美復仇!


【辭職跳槽】打工仔新入職一個月 慘變一人團隊?!事主:上司帶晒成Team人走晒⋯⋯


最新專訪片︰

【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行?!

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【辭職學問】00後用WhatsApp講辭職被指「0尊」!辭職信要點遞先正確? (內附辭職信範本)

  • 【職場熱話】老細唔肯寫Reference Letter點算好?你識唔識分前者同推薦信嘅分別?

  • 【職場趨勢2024】大辭職潮再現!比2022年高峰期更強?原因係向公司「復仇」?

  • 【辭職學問】遞信後都有嘢袋落袋?10件在辭職後學到的事!

  • 【辭職學問2024】打工仔離職難開口?僅6.8%人和盤托出辭職原因!調查揭加薪最能挽留員工!

  • 【見工面試】辭咗職之後搵唔到工 又想搵返同一行 點同HR解釋先好?

  • 【職場熱話】打工仔有意離職 見公司正招聘自己職位:應該主動辭職定等佢炒?

  • 【職涯規劃】捱3年終獲升職 卻想直接離職?打工仔:因為呢4個理由做得唔開心⋯⋯

  • 【職場熱話】唔過試用期 公司竟然要求簽離職聲明?網民:因為可以唔使賠7日糧畀你!

  • 【世代差異】00後用WhatsApp辭職 打工仔直斥離譜!網民反指:時代唔同啦!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow