【公司假期】見工話有9日大假 入職之後話做夠1年先會有?網民:細公司就係咁孤寒!

【公司假期】見工話有9日大假 入職之後話做夠1年先會有?網民:細公司就係咁孤寒!

打工仔每天工作繁忙,有時需要請假,好讓自己能夠獲得喘息空間。雖然每間公司給予的有薪年假(AL)都不盡相同,但大體而言都會有10至12日有薪年假。近日,有網民於連登討論區發文,指自己入職新公司時,發現自己需任職1年後才可享有有薪假期,與面試時所承諾的完全不同,並質疑此舉是否正常。

延伸閱讀:【公司福利】老細問假期係咪真係咁重要 網民:Work-life balance呀,梗係重要啦!

按圖了解事主及網民回應:

事主:前排我去咗間細公司見工,面試嗰陣個HR講1年會有9日大假,之後我就take咗offer。第1日返工簽約嗰陣,見到份約話做夠1年先會有大假,我見到就問個HR,佢話同事入職第1年得8日無薪假,第2年先會有9日AL。想問吓正常公司唔係第1年入職就已經有AL放咩?

網民A:勞工法例要求最少做夠1年先有7日AL,公司可以要求你做足1年先畀你放。

網民B:細公司就係咁孤寒,建議你搵定後路,我估你應該都唔會有心機想喺呢間公司長做落去。

網民C:正常公司一過試用期就會畀晒AL你,到你辭職先會計返有冇用多到AL,有就會扣返你錢。孤寒啲嘅公司就會跟你工作日數,按比例計返你有幾多日AL。最孤寒嘅公司就係樓主你呢間,跟足最刻薄嘅勞工法例。

網民D:樓主辭職啦,連AL都可以咁刻薄,真係諗唔到間公司其他嘢可以有幾惡劣!

網民E:公司係無錯嘅,不過就比較衰,所以一定係要轉工。

網民F:早走早着啦,2024年仲有呢啲咁嘅公司。只要好多求職者願意抵制,孤寒嘅公司就會肯改善吓公司福利。

網民G:呢啲公司應該係驚啲員工一早請晒AL,之後就辭職。我公司都係規定做夠1年先會有AL,但我頭1年請假,老細都係照批畀我放。

網民H:其實一開始同你講得9日AL嗰陣,就唔應該take offer啦,得9日咁少。

網民I:你間公司跟足勞工法嘅話,懷疑會唔畀你揀邊日放假,印象中勞工法例好似係話僱主可以指定僱員邊日放假。

網民J:我之前做過一間公司係得8日AL,勞工假係會扣AL,SL 1日都要畀醫生紙。間公司最孤寒係,明明入職嗰陣話SL係有薪假嚟,到我辭職先話SL係無薪,倒扣返我人工……

網民K:基本上12日AL以下嘅細公司會樣樣嘢同你計到盡,如果唔係特別高人工嘅話,真係唔建議去做。

延伸閱讀:【無良僱主】公司內私人物品於病假期間被僱主扔出街 網民:即刻報警啦!

大部分網民對事主的遭遇感到同情,並指出正常公司只要員工通過了試用期,便會發放全部有薪假期給員工使用,而事主的公司雖然做法刻薄,但仍屬合法,依照勞工法例最低要求。大部分網民表示事主公司福利相當「孤寒」,相信企業文化有過之而無不及,因此紛紛建議事主應該早日辭職,應徵願意善待員工的企業方為上策。

《僱傭條例》怎樣說?

根據《僱傭條例》,僱員按連續性合約受僱每滿12個月,便可享有有薪年假。有薪年假的日數按僱員受僱年資由7天遞增至最高14天。在受僱每滿12個月後,僱員須於隨後12個月之內放取應得的有薪年假。

年假日期應由僱主在徵詢僱員或其代表後指定。由此可見,在法例最低標準下,僱主有權決定僱員年假的所有日期,僱員只可以提出意見,所以自訂年假日期屬高於法定標準的「員工福利」。

(資料來源:勞工處)

延伸閲讀:【病假申請】公司規定SL一定要醫生紙 經期想唞一日都唔得?有病就要睇醫生 VS 一日唔使病假紙!

按圖即看3個求職者對假期政策的常見誤解:

延伸閲讀:【男士侍產假】男同事想請AL陪太太過預產期 中年單身女上司竟然話OOOOO!網民:勞工處見!

按圖即看10個最少假期的國家:

延伸閲讀:【請假心理】打工仔覺得請AL會影響同事好內疚 網民:同事唔請假?


最新專訪片︰

【Office豪華旅行團】領展辦公室佔地10萬平方呎! 重視員工工作與生活平衡

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工面試】HR無聯絡突然「放飛機」 應徵者做1件事再獲面試機會

  • 【職場熱話】HR派錯糧單!! 發現下屬人工竟同自己相近 打工仔:接受唔到…

  • 【招納賢才】全球最吸引人才國家 瑞士連續10年第1名 跟隨其後嘅國家係OOO?

  • 【職場技能】7成僱主最想請呢類人 金融服務業最睇好呢個職場技能!人工升幅高達28%!

  • 【政府工空缺2024】保安局招聘多媒體主任 做小編人工$37,540!

  • 【見工面試丨內附攻略】Interview完幾耐先收到Offer?究竟HR出Offer有冇時限?HR︰1星期、1個月、3個月都有

  • 【辭職學問│轉工跳槽】辭職轉工應該點寫farewell email?內附3個farewell email範例

  • 【政府工空缺2024】水務署招聘全職二級監工(木工) 中三學歷 月薪$24,380

  • 【會計熱話】Big4有機會變Big3?Big4行業人工、工時同出路好過以前?一文睇清2024年最新big4薪金、工時同發展前景

  • 【政府工空缺2024】環境保護署招聘減廢主任 月薪$47,915 負責制定廢物源頭分類和回收策略

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow