僱主謹慎處理扣薪 維持良好勞資關係

僱主謹慎處理扣薪 維持良好勞資關係
 
資料提供: 勞工處勞資協商促進科
 

阿強早前因太太緊急入院做手術,匆忙間忘記打電話向公司請假。根據公司政策,如果僱員無事前通知下缺勤,事後又沒有解釋,公司可能會扣薪,人事部主任Mandy向洪老闆匯報事件。

Mandy:「老闆,阿強上個月最後一日冇返工又冇通知,公司已計埋嗰日人工準時出糧,即係出多咗人工。我提過阿強要補番證明解釋,雖然佢一直未交番證明,但又唔似講大話……老闆,我哋會唔會扣番佢嗰日人工?」

洪老闆﹕「Mandy,人工唔可以亂扣,你記得《僱傭條例》點寫嗎?」

Mandy:「記得,《僱傭條例》列明幾種僱主可扣人工嘅情況,例如只能扣除僱員實際缺勤時間嘅人工;僱員因疏忽或失職而損壞或遺失僱主嘅貨品、設備或財產,每次只可按值扣除,最多$300,總額亦唔能夠超過人工嘅四分之一;僱主預支或多畀嘅人工,可按數扣除,但不得超過人工嘅四分之一。除咗缺勤同未畀贍養費而扣除外,扣薪總額唔可以多過人工嘅一半。阿強今次冇打電話請假,公司嘅政策視為無故缺勤,我哋可以扣番多畀嘅人工。」

洪老闆﹕「啱,但除咗睇法例,我哋亦應以良好人事管理嘅原則處理,要情理兼備。阿強因為太太急病入院返唔到工,實屬情有可原。你再提醒阿強今個月出糧日前,交番有關證明,以符合公司嘅政策。如果佢到時仍交唔到證明,我就按佢平時表現,再考慮係咪酌情唔扣人工。」

兩日後Mandy向洪老闆匯報:「阿強已補交太太住院醫生紙副本,證明冇返工當日佢太太入院。」

洪老闆:「好,有文件證明佢嘅特別情況,我哋就酌情唔扣人工。我哋體諒阿強嘅情況,貫徹公司嘅良好人事管理文化,相信同事對公司會更有歸屬感!」

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【返工血淚史】HR要求完成檢測始復工 打工仔︰返工攞OO出嚟畀客鬧

  • 【兩性關係】老公唔畀老婆打工仲要鬧爆 網民︰一世WFH就OK

  • 【HR要醒覺】一人一個公司最黐線規則 「抹手紙要晾乾再用」

  • 【職場生存術】睇清被炒6個先兆 HR動作頻繁成疑點之一

  • 【職場熱話】新上任Manager信錯人被跣向HR求救 「同我搵方法炒佢」

  • 【人力趨勢】18個正名職位你聽過未?網民︰乜都加個「師」字

  • 【職場熱話】拆解心機同事7個特質 連HR都頂唔順?

  • 【職場熱話】乜都同HR講結果出事?見工、返工不能向HR提的6件事

  • 【職場遊世界】俄羅斯職場文化好搞笑?開工似去咗演唱會、收工大過天

  • 【職場人際】返工生存10條潛規則 HR︰有啲求職者面試已經表現到

Jobs You Maybe Interested In

刊登招聘廣告