Next
【見工面畀私人資料？｜私隱專員公署查詢詳情】見工似「查家宅」被要求提供私人資料 HR教︰求職者可咁樣講 （內附公司要求檢查員工手機、閉路電視監控員工、隨意給予客戶私人電話等有否觸反法例詳情）
【個人私隱】HR新人睇晒全公司同事地址人工資料 仲要周圍同人講！出賣同事資料有冇違反法例？
【個人私隱】HR新人睇晒全公司同事地址人工資料 仲要周圍同人講！出賣同事資料有冇違反法例？
2025-03-04
HR掌握公司所有同事的人事資料，是公司其中一個不可或缺的職位。然而，有權力並不代表可以濫用！近日有網民在社交媒體專頁「奴工處」投稿，控訴一名HR新人以「想認識公司同事」為由，竟逐個點開同事資料查看，更甚的是他竟然向相熟同事披露其他同事的人工、遲到狀況等資料，而上司竟然視若無睹。
Table of Content
故事分享｜HR睇晒同事資料仲要周圍講
樓主：做咗HR差唔多20年，雖然可以睇晒全公司啲個人資料，但唔會主動去睇同講公司同事個人資料。
但係有個HR新人，話見到公司有人同佢一班車，但唔識人，所以走去開公司同事個人File，一個一個睇相、睇地址認人，仲話順便認識吓公司同事。個人File有年資、人工等重要資料，佢都一齊睇埋，不過阿姐又冇出聲話佢。
全公司都唔夠100人，做多兩、三個月，都差唔多識得晒啦，使唔使咁樣認人？
佢仲會同相熟同事，講其他人嘅遲到、人工資料，係咪得我呢啲老海鮮先會睇唔過眼？
網民A：操守問題囉。啲資料知還知，都唔係咁樣拎出嚟周圍講㗎！
網民B：搜集證據，同私隱專員公署投訴，佢周圍講係可以告佢！
網民C：公司 Access control好有問題，唔應該靠員工自律去保護敏感資料，你自律唔等於所有人自律。應該要由部門主管Control，有需要先可以查閱敏感資料！
網民D：咁多人憎HR唔係冇原因㗎。
網民E：係真嘅話，你阿Head都幾有問題吓喎。由得個新人以非工作嘅理由去Access人哋啲個人資料，仲要任由個新人咁樣Disclose個人資料……
網民F：做HR唔係要負責保護經手嘅資料咩？非工作原因下查閱職員資料本身已經好有問題啦。
延伸閱讀：【面試定查家宅？】求職面試竟然畀HR問父母職業？網民：唔使寫，直接走人！
查看同事個人資料後，向他人披露敏感資料有否觸犯法例？
其實在未經事主同意下，向他人披露事主的敏感資料，已會觸犯《個人資料（私隱）條例》，根據該條例，任何人控制、收集或使用個人資料時，必須遵循一系列的法律要求，以保障資料當事人的私隱權利。
根據《私隱條例》第64條，任何人在未經資料當事人同意的情況下，披露其個人資料，即屬犯罪。此行為可能會導致刑事責任，最高可被判處罰款及監禁。具體來說，如果披露是出於獲取金錢或其他利益的目的，或導致資料當事人受到損失或心理傷害，則情況會更為嚴重。
另外，如果有人故意向他人披露個人資料而未獲得同意，並且該行為造成了損害，該行為者可能面臨最高可達500,000港元的罰款及三年的監禁。
7個職場上有可能觸犯《私隱條例》的情況
未經同意洩露同事的個人資料
例如，員工在未獲得同事同意的情況下，向其他人透露該同事的健康狀況或家庭背景等敏感信息。
收集過多的個人資料
在招聘過程中，僱主要求求職者提供與工作無關的私人信息，如婚姻狀況或宗教信仰，而這些信息並不影響其工作能力。這可能違反保障資料第1原則，即只能收集與工作直接相關的個人資料。
未告知監控措施
公司在辦公室安裝閉路電視或使用監控軟件，但未告知員工這些設備的存在及其用途，從而侵犯了員工的私隱。這可能違反保障資料第1(2)原則，即以公平合法的方式收集個人資料。
不當使用個人資料
例如，員工在未經授權的情況下，將客戶的聯絡資料用於個人目的，如推銷自己的產品或服務，有可能違反條例第64條，即使用個人資料作直接促銷的新規定。
不當處理離職員工的資料
公司在離職後仍保留前僱員的個人資料，並未按照法律要求妥善銷毀或保護這些資料。這可能違反保障資料第2原則，即個人資料只能保存達到收集目的所需的時間。
未遵循數據安全措施
公司未能妥善保護存儲在伺服器上的個人資料，導致數據洩漏或被黑客攻擊，便已經違反保障資料第4原則，即採取切實可行的安全措施保護個人資料。
利用個人資料進行直接營銷
公司在未獲得客戶同意的情況下，使用其個人資料進行直銷活動，違反了《私隱條例》的相關規定。2014年一名保險代理在未經客戶同意的情況下，利用其個人資料推銷保險產品，被判觸犯《私隱條例》，成為首宗因觸犯此條例而被判監的個案。
睇埋：同事有咩咁神秘？
延伸閱讀：【個人私隱｜返工最癲做過乜？】公司得返自己 打工仔自爆曾全裸吹冷氣 網民：冇cam咩？
延伸閱讀：【見工面畀私人資料？｜私隱專員公署查詢詳情】見工似「查家宅」被要求提供私人資料 HR教︰求職者可咁樣講 （內附公司要求檢查員工手機、閉路電視監控員工、隨意給予客戶私人電話等有否觸反法例詳情）
Look out for further updates on our Facebook fan page!
Latest IT Salary Trend
-
View Jobs42.5kMedian Salary
-
View Jobs25kMedian Salary
-
View Jobs22kMedian Salary
-
View Jobs22kMedian Salary
- More IT Salary
Related Articles
Follow CTgoodjobs for the latest career news, hot topics and recommended jobs!