【人際關係】打工仔一定要外向、擅長社交?事主:老闆要求我改性格⋯

【人際關係】打工仔一定要外向、擅長社交?事主:老闆要求我改性格⋯

職場是需要團隊合作的地方,若成為獨行俠就難以完成工作,因此不少公司撰寫招聘廣告時,都會加入「性格外向」要求。投身社會、變成打工仔後,是否一定要擁有活潑開朗的性格?在網上討論區Dcard有打工仔分享自己的故事,他指自己本來是個內向的人,因為這種性格被上司「照肺」:「他讓我改掉性格。」

點圖了解更多事主經歷:

延伸閱讀:【職場貼士】待業期間無所事事?5個規劃有效降低求職焦慮
延伸閱讀:【職場貼士】5個開會不再浪費時間的方法

事主分享:「我啱啱畢業,好好彩搵到一份對自己嚟講唔錯嘅工作,啱啱做咗一個月左右,講真啊份工嘅工作量真係幾大、幾複雜,我自己仲係上緊手嘅階段,好多嘢都唔敢畀好肯定嘅答覆。加上,我個性比較內向,唔太鍾意社交,唔識應該要點講嘢,尤其係同我上司講嘢嗰陣,會好容易緊張,講嘢都表達得唔係幾好。

最近我被上司「照肺」,私底下同佢傾偈,佢話我嘅態度要改進,佢話我已經唔係學生,做嘅唔係助理工作,要可以獨立,唔可以怯場。雖然我都明白我上司嘅意思,但我反而因為咁,更怕自己做得唔好,而家返工大壓力咗好多,工作上嘅嘢又複雜咗好多。

我都已經盡力去處理工作上嘅嘢,但成日都被人話我心態有問題。喺工作內容上,我幾乎可以獨自工作,只係少數唔係我業務範圍嘅事無辦法自己解決,感覺我上司係想我改性格,呢件事令我覺得好煩躁。可能因為性格同係一個新人嘅關係,我特別細膽,好多事我都唔敢落判斷,因為我唔知道呢啲事要搵邊個幫手,喺之前又係點解決,而且有時要處理嘅事,係來自其他部門嘅鑊,真係覺得好兩難,想拒絕又唔知點講好,感覺份工好綁手綁腳,然後上司又一直喺度指責我,壓力又變大咗,根本就係惡性循環。如果我讀書讀得唔夠快同認真,我至少知道要點做。而家真係唔知點算,唔通就唔可以維持我自己嘅個性咩?一定要將職場氣氛變成咁咩?」

A/同我一樣,而且我新公司步伐好快,而我讀書又唔叻,所以每日都好大壓力。甚至成日都畀老闆問我係咪好攰

B/可以理解,我而家都入職咗一個星期,感覺好挫敗,對於工作嘅熟悉度同人際都係,希望我哋一切順利

C/我之前試過見工,面試官叫我形容吓自己嘅性格,我就話自己個性好文靜,好內向。然後返工返咗三日,佢就同我講,希望我活潑啲,我心諗:「吓?你想搵個活潑嘅人,做咩要請我。」

D/其實唔使諗咁多,有咩唔識就直接問,表達自己嘅意見,加上而家戴口罩,可以用眼去微笑,增加人哋對你嘅好感

E/我覺得係你上司唔係好好嘅人,唔識因應不同員工嘅特質去做調配,而且工作上推卸責任,唔關你事,佢唔肯幫你係咩事,如果覺得工作唔合理,唔敢當面拒絕,就試吓Send Message

獨自處事前 先了解指引
在辦公室與其他人工作,難免要學會與別人溝通,打工仔的性格未必要非常懂得社交,不過要擺出姿勢,讓人知道你樂於與人溝通,否則其他人未必敢跟你討論工作上的細節。遇上不懂的事情,應該首先向上司、同事了解處理的指引,硬着頭皮向他們詢問,用適當方法處理,總比做錯事後收拾爛攤子好得多。

不想被其他人誤會,有甚麼方法處理?(點圖了解更多)

 

即睇8個上司信任你的線索:

延伸閱讀:【見工面試】想由小薯晉身成管理層 面試可以點樣凸顯管理技能?
延伸閱讀:【職場文化】如何收服下屬的心?後疫情時代「好上司」必備5個特質

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告