【職場關係】返工着得靚、化妝精緻即被圍攻！事主感嘆：純粹想自己開心唔得咩？

職場上有一種壓力叫「今日扮咁靚去邊呀？」不少打工仔為了讓自己心情變好，偶爾會花心思打扮一番，但換來的往往不是讚美，而是全公司連環炮發式的「盤問」。近日有網民在社交平台Threads上訴苦，指自己只是返工着靚少少或妝容精緻一點，全日就會不停被問：「見邊個呀？」、「去邊度玩呀？」，搞到好似要向全公司交代行蹤咁。令她大感無奈：「我扮靚只係為咗自己開心 OK？」
打工仔熱話速遞：伯伯跌穿頭途人自發幫手｜日本遊客暈倒車廂｜發咗達仲會唔會返工？

返工着得靚就會被同事盤問？

事主：其實我唔明點解返工着靚少少，或者個妝化靚少少就好似好大件事咁，全日喺公司不停俾人問「今日扮咁靚去邊呀？」、「見邊個呀？」搞到個個都要同佢交代咁！但其實我根本冇約人，亦冇人約，收工就返屋企，我扮靚只係為咗自己開心，OK？
網民A：化妝都係想自己照鏡嗰陣心情好啲啫，我返工用咩色全睇心情，有人讚就多謝。
網民B：純粹無話題搵話題講，勿上心。
網民C：有時只係換咗隻唇膏色都勁大反應，明明只係由淺色轉顯色少少啫，化妝一定要有目的咁！？
網民D：正面啲諗，你輕輕化個妝就令沉悶嘅office充滿生氣！
網民E：間接證明你成功吸引人注意囉！
網民F：呢啲無聊問題值得無聊答案，勿認真。同事成日問呢啲問題，我都係亂咁答佢哋。
網民G：因為落差太大啫，如果日日都係咁靚，就唔會有人問啦。
面對同事盤問的 3 招「神回覆」
如果不想再因為扮靚而要向全公司「交代」，可以學識以下幾招話術，既得體又可以終止話題：
幽默自嘲型： 「今日心情好，想對自己好啲，費事個樣太殘嚇親大家嘛！」
反問引導型： 「我每日都係咁專業㗎啦，係咪你平時太少留意我呀？」
直截了當型： 「冇呀，收工就返屋企㗎啦，純粹係件衫買咗好耐未著過，想今日著下。」

其實，職場溝通的核心是相互尊重。打工仔返工已經要面對各種 KPI 和老細壓力，扮靚作為一種減壓和提升效能的方法，實在不應被視為「大件事」。
🔥最熱門地區職位空缺🔥
🔗職位空缺傳送門🔗
▶️【中環】工作機會
▶️【上環/金鐘】工作機會
▶️【銅鑼灣/灣仔】工作機會
▶️【鰂魚涌/太古/北角】工作機會
▶️【觀塘區】工作機會
延伸閱讀：【裁員潮】老細話炒人因為AI太勁？原來只係搵藉口！揭開裁員潮背後嘅殘酷真相
 

延伸閱讀：【職場階級】OL搭順風車慘遭老細嘲諷：「住OO邨滑雪可以有幾叻？」 $150咕嚕肉被批拜金？揭露辦公室勢利文化

延伸閱讀：【年後離職潮】星級員工突然「變乖」？3大徵兆揭示辭職先機！專家：越安靜走得越狠！

延伸閱讀：【開工利是2026】幾時拆好？做上司要派幾多？銀行開工利是全港最多？

---

最新專訪片︰

【職業背後】26歲突告別摯親後 棄家族生意成殯儀策劃員 決心用香燭燃亮每位家屬前路

 

⏩⏩  需要請人？立即刊登招聘廣告！  ⏪⏪