Next
【返工血淚史】每朝搭巴士都有人發爛渣 打工仔：遲到多得佢哋唔少……
【返工血淚史】每朝搭巴士都有人發爛渣 打工仔：遲到多得佢哋唔少……
2024-03-21
香港交通擠塞問題向來嚴重，特別是早上繁忙時間，上班族與學生哥分秒必爭，經常為了搭車而引起爭執。最近有打工仔在討論區不吐不快，指每日都有乘客在巴士上「發爛渣」，爭先恐後迫上巴士，有時更要車長調停，影響行駛速度。「究竟香港人係咪好大壓力？日日都因為呢啲人而搞到返工遲到。」
延伸閱讀：【返工血淚史】搭車總有人大聲傾偈、播片 打工仔：想喺巴士補眠都唔得！
點解事主咁嬲？（按圖了解）
打工仔埋怨：「唔知係咪我唔好彩，每朝搭巴士都總有人發爛渣。成日係度大叫『行入少少啦、企入去啦』，死都唔畀道門閂埋。上到車就叫你唔好逼，上唔到就叫你逼入啲啦。大佬，有位行到先得㗎？你喺車門糾纏5至10分鐘，下架車都嚟到啦。到佢終於放棄唔再逼，又會喺巴士站問候你祖宗十八代，然後有人搭嗲鬧埋一份。有時仲會搞到司機幫手調停，令到巴士無得開！香港人係咪好大壓力？日日都因為呢啲人而搞到返工遲到。」
網民意見：
網民A：返工最攰就係搭車，千辛萬苦迫到上車之後，架車又搖嚟搖去，小腿為咗平衡要好用力，落車個人都散晒。
網民Ｂ：事實上係好多人企晒喺車頭車中間唔行入去，好多時見到巴士車頭滿晒但其實入面大把企位，起碼可以上多十幾人囉！
網民Ｃ：每日朝早望見 巴士同埋地鐵，都好似豬車運豬咁，香港人好辛苦。
網民Ｄ：所以我返工都係搭的士或者Uber，寧願畀多少少錢，可以安心地瞓多陣。
網民Ｅ：根本而家香港公共交通已經飽和，就算巴士開多啲班次，咪又係塞車，最後都係遲到……
網民Ｆ：我上到車係我本事，憑咩要我企入啲？
網民Ｇ：好有共鳴，朝早返工已經躁底，仲要聽住啲人鬧交，被佢搞到心理好唔平衡。
事實上，由於大部分寫字樓均位於港島或九龍東商業區，因此許多打工仔都要「南下」上班，令觀塘、金鐘、觀塘等交通長期處於擁擠狀態。有網民提議在新界西北建設商業區，能夠分散人流，同時節省交通時間，究竟可不可行呢？
按圖了解更多：
延伸閱讀：【返工血淚史】網民嚴選最難上車的港鐵站 邊個站比金鐘更迫爆人？
延伸閱讀：【職場熱話】公司由九龍灣搬上水 70名員工走剩10人 網民: 順便cut埋人?
延伸閱讀：【返工血淚史】遇有交通事故遲到 阿姐話要再預早啲返工 網民：意外有得預？
最新專訪片︰
【女強人的誕生】轉行半年由經理晉升至主管 戶戶送香港區客戶經理主管Yoko自發統籌培訓課程 關心團隊自我成長
Look out for further updates on our Facebook fan page!
Follow CTgoodjobs for the latest career news, hot topics and recommended jobs!