Next
【行業辛酸】銀行前線大呻顧客無理行為 唔肯排隊、最叻恐嚇取消戶口
【行業辛酸】銀行前線大呻顧客無理行為 唔肯排隊、最叻恐嚇取消戶口
2024-02-29
在香港從事服務業一點都不容易，不時都會見到員工在網上大呻「西客」行為，部分顧客無理的要求令他們身心疲憊。最近有自稱銀行前線職員在討論區分享香港人的4大醜態，指部分客戶不肯排隊、為零碎手續費而爭論，「佢哋最叻就係話取消戶口」，引起大家熱烈討論。
延伸閱讀：【銀行熱話】香港銀行公會疫苗大抽獎接受申請 豪送650萬免找數簽賬額
銀行前線職員對客人有咩控訴？（按圖了解）
１／排隊等耐小小嘈
成日話自己lunch hour好趕時間，其實個個都要排隊，咁趕咪唔好嚟，或者趁朝早少人嚟囉。
又話入張票點解要等咁耐，我叫佢可以用入票箱／入票機唔使等，佢又唔肯用。
２／為雞碎手續費嘈
紙本月結單一年收一次charge又嘈，戶口透支有罸息又嘈，自己遲交卡數罰錢又嘈，最叻就係話取消戶口。
難聽啲講句成個乞衣咁，唔通銀行開善堂咩？一蚊都唔收好唔好？
寄月結單、紙張、人手、郵寄全部都有成本。
３／死都唔聽職員建議
好多人E-banking自己入錯密碼login唔到，我建議佢重設密碼即日更新，佢會堅持自己無錯，又嫌麻煩唔肯整。同埋其實有face ID同指紋解鎖可以用，又唔願意搞。
自己唔開通每日轉帳額，轉唔到錢又搵我哋嘈，總知咩都係銀行錯。
４／為撳飛仔而鬧交
分行朝早一開門，好似成班餓狗搶屎咁，衝入嚟撳飛仔。
撳完飛又喺度嘈生晒，話自己喺門口排第一，撳飛唔公平點點點，真係好鬼白痴。
其他網民點睇？
-佢話取消戶口、cut卡嗰陣，你應該落力啲爽手即刻幫佢做嘛！
-第一日返工？做得服務業就係咁，受氣份糧包埋，全世界都一樣。
-其實行行都係咁，不過亞洲客特別麻煩，畀少少錢就以為自己大晒咁。
-講真分行真係排好耐隊！職員做嘢手腳勁慢，明明有10個counter永遠只開兩三個。鬧客之前檢討吓自己先啦。
-如果無呢啲客，個個客都正常醒目，咁銀行就唔再需要你啦，全部Online chat咪算。你連自己個價值係邊都唔知！
-有朋友做frontline，成日都聽到佢講慘過做狗……你呢幾年搏啲之後轉去private banking啦。
-有時去銀行排隊入數，我都會聽到好多無理取鬧，真係辛苦晒前線同事。
-成日要人落分行，大佬返緊工點有時間去？一係你開足24小時或者開埋星期日，根本就係銀行分流做得唔好，唔好賴啲客。
各行各業都有辛酸史，即使是自己話事做老闆，也有很多不為人知的困難。近日有餐廳繼承人在討論區發文，表示所謂的太子仔，其實只是廉價勞工。不但工時長，還被長輩員工看不起，累積了很多壓力。
究竟事主面對什麼困難？（按圖了解）
延伸閱讀：【行業辛酸】以為做cafe好chill？ 員工大爆：沖嘢飲、洗碗、拖地一腳踢！
延伸閱讀：【行業辛酸】做保安遭同事屈偷懶唔做嘢 被經理列黑名單 打工仔鬧：好黑暗
延伸閱讀：【行業辛酸】大爆60歲姨姨上車唱Mirror新歌 的士司機︰男人仲要受幾耐？
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!