【職場熱話】獲邀請返回舊公司　打工仔思索應否食回頭草

辭職需要一定的勇氣，一個人並不容易離開習慣了的舒適區（comfort zone），箇中原因人人不同，但必定是對現狀有所不滿，可能是環境一成不變，可能是同事間爭鬥激烈，可能是薪金水平過低，也可能是公司文化惡劣。一名打工仔早前向舊公司請辭，豈料不久之後卻收到舊公司邀請回巢，由於未能作出抉擇，遂向社交媒體專頁「奴工處」投稿，詢問網民意見。究竟是否「好馬不吃回頭草」呢？網民意見如何，且看下圖分解。

延伸閱讀：【職場熱話】Peak Season辭職好衰仔？網民喻唔使諗咁多

即睇事主分享及網民回應：（按圖了解）

+15

+14

事主：話說我唔滿意舊公司太刻薄而辭咗工，結果公司呢段時間唔夠人做嘢，出招聘廣告都無人肯見工。

事主：過咗一星期後舊公司搵返我，話想我幫手做住兼職度過呢段時間，但佢俾兼職嘅時薪，其實同我做長工嗰時嘅時薪係無分別。

事主：舊公司話只要我肯幫公司，他日我喺出面撈唔掂，舊公司都會接受返我做。

事主：我想睇下大家意見返唔返去幫手好。

網民：咪傻啦，好嗎……

網民：而家好似係你舊公司撈唔掂，想你無條件返去幫手呀。

網民：刻薄開唔會突然闊佬。

網民：咁嘅問題都要諗，抵俾人刻薄！

網民：仲要過你一棟話你係出面做唔掂，自己諗。

網民：做唔掂？接收？佢詛咒緊你嗎？真係多謝喎！叫人返去幫手仲踩人，除非你真係好唔掂，唔係就唔建議幫手囉！

網民：返去滿足你想俾人虐待嘅心願。

網民：好彩你仲識上網搵人問，等大家一齊嗌返你個靈魂返嚟！

網民：講咩時薪月薪+N%都無用，唔需要諗間舊公司，只需諗自己，要價錢吸引到你願意犧牲休息私人時間去賺呢舊part time錢，先值得考慮。

網民：真係痴線，一樣價錢都番去幫手，世人都睇你唔起！

網民：而家係佢地唔夠人手做嘢，個bargaining power喺你度，唔好咁戇居啦，拜託！

網民：要有返個主場氣勢出嚟，你可以善意表示只要價錢合理亦願意考慮以part time形式繼續合作，唔需要直接拒絕，主導權仍然喺自己度。

網民：時薪一樣但係無保險、MPF、福利，其實係蝕咗，最基本都應該一定要時薪高過以前先至著數，甚至乎你要有揀時間返嘅自由。

網民：唔好心軟呀！心軟就返去個地獄㗎啦。

好馬不吃回頭草？　網民：請緊記離開的原因

眾多網民認為事主想法不智，甚至質問：「你唔鐘意佢刻簿又想返去part time？」不少人指出現時是舊僱主請求事主回巢，事主在談判期間應是佔上風的一方，有網民提醒如果舊工作可有可無，「不如叫高啲人工」，看看舊公司如何回應。

網民齊聲希望事主緊記離職的原因，指出「前題係公司刻薄才離職」，即使有同等薪金，但兼職回巢也會失去過往擁有的全職福利。另有網民揶揄事主「有斯德哥爾摩症候群」先兆」，意即被害者對加害者產生情感，更可能反過來協助加害者。

好馬是否不應吃回頭草，每人心中皆有自己的答案，但回巢時應釐清辭職當時所考慮的種種因素，以免重蹈覆轍。

「凡事留一線，日後好相見」，與公司好好說分手，為自己留後路的6個辭職技巧：（按圖了解）

+10

+9

延伸閱讀：【網絡熱話】網上流傳診所助護被迫去後樓梯食飯 網民：為份工失去尊嚴值得嗎？

延伸閱讀：【職場熱話】自覺生活圍繞舊公司 無咗自己失方向 網民：畀多啲自由時間自己

延伸閱讀：【職場熱話】新人入職被要求請下午茶　事主：唔好問我點解辭職

⏩⏩  需要請人？立即刊登招聘廣告！  ⏪⏪