【職場熱話】月入$9,600平面設計師自白 分享月儲$4,000生存之道 午餐$10搞掂?

【職場熱話】月入$9,600平面設計師自白 分享月儲$4,000生存之道 午餐$10搞掂?

根據政府統計處最新數據,香港打工仔月入中位數為$18,700。拿住這萬多元在百物騰貴的香港地生活,扣除衣食住行費用後也所剩無幾,但竟然有人月入九千仍表示「生活好舒服」?早前在連登討論區,有自稱月收入$9,600的平面設計師發文,分享一個月的使費,每月更可儲到$4,000,究竟如何做到呢?

延伸閱讀:【職場理財】24歲女打工仔4年儲62萬成功買樓上車 分享4個慳錢大法

按圖即睇平面設計師自白:

 

事主:「小妹職業係平面設計師,住藍地喺屯門返工,有個師字都算半個專業人士。人工$9,600,一星期返5日半,食飯有錢,唔會飯鐘無糧出。平日早餐一係飲水,一係就6蚊買罐咖啡飲。午餐食4蚊菠蘿包加6蚊個腸仔包,基本10蚊就搞掂。夜晚一係痴屋企食,如果想食街外嘢,25蚊買兩餸飯或者燒味飯,基本就ok。返工來回都係10蚊1日,所以2,000蚊已經夠我一個月伙食同交通。」

「我返得工,家用都照畀,少少地畀2,000蚊屋企,當租張床都要嘅。電話買個大mon少少嘅.平時打無聊game、睇MIRROR、煲劇。仲要做埋24個月分期,每個月畀150蚊左右,加埋電話費88蚊任用。有時女仔都要買吓衫,濕濕碎碎錢,都要使500至1000蚊。一個月計返,我都淨到$4,000左右,勉勉強強都儲到少少錢。喺香港生活其實都唔錯,有食有住有得買,仲有錢儲。希望第日可以去日本窮遊,4,000蚊又可以玩兩星期,relax吓!」

網民意見:
網民A:你應該cut埋電話費,淨係用免費Wi-Fi,咁就再慳多筆。

網民B:香港地仲有4蚊個菠蘿包?樓主你成篇文個物價都係起碼5年前喎。

網民C:去少啲日本,儲多幾年錢,就買到樓啦~

網民D:咁樣搵埋另一半都做平面設計都唔錯,兩個人加埋都唔過入息限制,排公屋仲會快啲!

網民E:$2,000家用,住屋企食屋企,包水電,梗係唔錯啦,你試吓出去住就唔係咁講。

網民F:設計師係香港數一數二付出同收入嚴重失衡嘅工,工時長、用腦多、人工少!

網民G:慘,喺香港設計唔值錢,有無諗過轉去做UX/UI design?人工至少double。

網民H:樓主你真係樂觀,不如疊埋心水快啲搵個有錢人嫁,全職做家庭主婦唔使捱麵包。 

網民紛紛感嘆平面設計師在香港不值錢,「付出與收入嚴重失衡,工時長、用腦多、人工少」,建議事主早日轉行,或者自我增值找尋UI/UX設計師工作,人工會翻倍。早前亦有讀者Stephanie(化名)投稿,指客戶希望她先「試畫」某一部分,才考慮與她合作,令Stephanie感到不被尊重。

即睇事主分享及網民回應:(按圖了解)

同場加映:香港打工仔最新月入中位數(按圖了解)

延伸閱讀:【職場熱話】90後高收入難買樓? 8成5按揭負擔重 80後比較幸福

延伸閱讀:【人生勝利組】公屋首抽樂華南邨 打工仔難決擇︰仲搏二抽

如果大家在職場上有不開心想發洩,或是對《勞工法例》有疑難,歡迎投稿給我們,我們會盡量解答你的問題,當打工仔的樹洞!👉 https://forms.gle/o2K2DaZWXzLFhypT7

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【網絡熱話】返工幾努力都無得升 打工仔感慨:接受自己係平庸嘅人

  • 【職場熱話】返工睇手機訊息 打工仔被派警告信 網民:咩年代呀…

  • 【職場趨勢】4成管理層擬上半年轉工 留職僅加薪3%至5% 轉職加薪逾一成半

  • 【見工面試】HR見工多次被震驚!應徵者:阿媽幫我申請

  • 【見工面試】你點解會唔做之前嗰份工?面試應該點答先唔會變成訴苦大會?

  • 【面試簡歷】樂視見工不須報年齡和婚育狀況:冀消除職場隱形障礙

  • 【薪酬調查2024】港漂月入中位數有$20,000?公開內地、海外人才在港薪酬狀況!最多人喺呢行返工?

  • 【薪酬調查2024】邊個行賺最多錢?即睇各行業、階層及地區月入中位數!呢區返工月薪高達$28,000?

  • 【CTgoodjobs獨家調查】《2024年第一季薪酬調查》 打工仔最新月入中位數為港幣$29,715 逾6成打工仔獲加薪 中西區公司月入中位數為18區之冠

  • 【職場熱話】人工45K冇壓力但冇前景 公司減人手推「肥雞餐」賠半年人工!點揀?

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow