【職場熱話】新工二選一 最後揀咗份壓力大兼同事差 好後悔…

人生由不同的選擇所建構而成，我們的生活時時刻刻都在面對不同的抉擇。小至今天去哪間餐廳食飯？凍飲還是熱飲？大至申請哪份工？接受哪一間公司offer？面對大量的選擇，會選擇錯誤是在所難免的事……

延伸閱讀：Speed Dating定用交友App好？ 最多單身職業係工程師、醫生……

有網民在社交平台專頁「奴工處」上以「二揀一，揀錯咗份工」為題投稿，指自己有兩份工在跟前，可是因為其中一份較為高薪，他沒有比較薪金以外的方面，因而作出了令自己後悔的選擇。不過，其實每個人都一定曾經作出當刻認為不正確的選擇，一切在於自己怎樣去接受和學懂教訓。

即睇事主分享及網民回應：﹙按圖了解﹚

+10

+9

事主：「本身見了A工和B工，結果A工返先，同事勁好，但人工好低，勝在無壓力同埋係自己興趣。」

事主：「但跟住無耐B畀offer，多3千。當時因為有家庭負累，最後決定就辭咗A嗰份，跳咗去B工。」

事主：「新工見工嗰陣要求係專業職系工作，點知做就係主力做行政嘢，不斷整表格入data，上司係女人，覺得我做唔到佢要求。」

事主：「日常返工有冷暴力，試過當所有人面鬧，亦試過當面叫佢都唔應人，間中仲會黑面，基本上唔敢同佢溝通，但佢又會投訴咩都唔報告佢知。」

事主：「未過試用期，有日佢叫我入房，笑笑口講其實大家都覺得唔適合，你都可以各自搵下第二個地方可以試吓。」

事主：「我亦都知佢唔會出錢叫我即走，自己因此變咗好抑鬱，日日唔開心，明明當初叫我嚟做嘅態度好好，而家我變咗用完即棄。」

事主：「恨自已無睇清佢本人，我就唔會辭原本份工，而無咗個長工機會，新年後都一樣會失業……」

網民：「唔好被一份同你唔夾嘅工影響自己心情同能力！就當睇清一間公司吧！有料唔怕，一定會有人賞識！」

網民：「其實對方都講到出口，盡快搵過另一份啦。」

網民：「唔好推卸責任，當初你都因為佢多啲人工先至走嘅啫。」

網民：「如果知道自己個行多衰公司，遇到好公司好同事就唔好咁易走，當買個教訓啦！」

網民：「有家庭負擔，見有高啲人工梗係會跳，無錯的。」

網民：「為咗份糧過檔，其實無得怪邊個，畀多次你揀，都可能因為嗰3千而走。」

別怪責自己
網民都很好，他們認為事主不必過份責怪自己，並指有家庭負擔下，為了高一點人工而轉工，並沒有不對，乃人之常情。而其實，第一份工，誰知道不會日久見人心？沒有知曉。既然都不知道從未發生的事，不如好好調整自己的情緒，重新出發吧！

人生面對林林種種選擇，難免會有後悔的時候，不過即使你此刻認為這是錯的選擇，但在此環境中，你都會有所得着，就如面對逆境的心理質素、知道自己對工作有甚麼追求等，這都是難得的經驗，有助你更順利找到合適自己的前路！

延伸閱讀：Speed Dating定用交友App好？ 最多單身職業係工程師、醫生……

延伸閱讀：Speed Dating活動種類多 整蛋糕、郊遊 最受歡迎竟然係…

延伸閱讀：【時鐘酒店】新式主題爆房吸年輕人 負責人：SM、和風乜都有！

延伸閱讀：【時鐘酒店】分手嗌交、玩屎都未算衰 最驚係成床OO！

⏩⏩  需要請人？立即刊登招聘廣告！  ⏪⏪