【職場文化】例假放閒日 vs 放週末打工仔會點揀？網民：放weekdays 不知幾好

2021-11-15

雖然每個行業、公司上班模式、休假制度都不一樣，當中有不少打工仔的公司都是實行五天工作制。他們的例假多數固定在周末，亦即是星期六、日；至於以輪班制工作的人士，就多數在平日放假，日子並不固定，如果是你會選擇在週末還是平日放假？

延伸閱讀：【職場健康】失眠有原因！話你知6個助長失眠嘅睡前習慣

最近就有打工仔在討論區發起討論，問到大家喜歡在固定的時間休假與否、會希望在平日，還是週末放假，有網民就表示「放平日不知幾好！」

點圖了解更多網民回應：

A/放平日不知幾正，出去玩少人好多，價錢又平過星期六日
B/平日先好，試吓晏晝出一轉旺角，少人過星期六、日多多聲
C/最唔鍾意放週末嗰陣，我阿媽會一朝早叫我起身飲茶，星期六日茶樓啲人多到，有啲仲會限你只可以食個半鐘，真係唔明點解老人家咁鍾意週末一朝早去飲茶，轉咗放平日之後，瞓到10點鐘起身踢住對拖鞋出去，落街買點心食，休閒咁沖杯咖啡飲，晏晝出去影吓相，返屋企聽吓黑膠唱片，想出街都得，反正無乜人，諗返轉頭都唔知點解以前嘅自己咁堅持放星期六、日
D/放平日真係無得輸，但如果想約朋友遊山玩水就難啲
E/以前份工係輪班制，返五日，我成日都會安排自己返兩三日放假，而且閒日有事好方便就請到假，唔使特登放AL
F/我自己反而就唔多鍾意固定返一至五
G/吓，放閒日會斷六親喎
H/我自己做開飲食業，所以都係放閒日，喺週末好多車，唔係個個會讓路，仲會亂Cut線；相反返閒日就度度都好少人，我都會慢慢喺服裝店試衫、非Lunch時段食店好快有位，搭巴士都無人
I/前題係份工唔好成日OT，要人帶啲嘢返去做，否則真係…星期六日香港度度都係人，相反放平日就好好多
J/我覺得首先要睇你朋友返咩工先。如果佢哋放星期六、日，你就難約到佢哋，如果你無咩朋友就當然放閒日最好啦

延伸閱讀：【職場貼士】集中唔到精神成日放蚊？教你7個改善專注力嘅方法

充實渡過假期才是最重要
無論是平日，還是週末放假都好，都有各自的好處，讓自己的假期過得充實才是重點。如何能夠讓自己放假的時候過得更充實，不會有假期症候群？有外國健身教練就分享了5個方法：

1.保持身體活躍，經常做運動
2.補充身體水份，減低暴食機會
3.保持規律作息，才不怕回不了工作模式
4.規劃行程，才不會自覺一事無成，感疲倦
5.好好享受假期，不要逼得自己太緊。

以輪班制式工作的你，會否有失眠的問題？有沒有想過因為你睡眠時間太不定時？（點圖了解更多）