【職場兩性】女朋友辭去文職轉行做米線舖姐姐 男友不滿：佢值得更好的工作

最近有男網民在討論區發文，透露女朋友最近辭去文員工作，轉行應徵某大連鎖米線舖的樓面，令他大感詫異。他認為女友值得一份更好的工作，「點解明明大學畢業，但做要埋啲唔需要學歷嘅工？」，遂希望網民集思廣益勸阻女友。有不少網民認為做侍應的福利隨時比文員好，還有餐飲津貼，未嘗不是一件好事。

延伸閱讀：【職人故事】譚仔CEO︰「譚仔話」是香港文化 請人會一視同仁

點解男事主抗拒女友做飲食業？（按圖了解）

+8

+7

+7

+6

男事主：「我女朋友本來做文員，人工有萬四蚊，人工低又難升職，無咩前途。佢成日同我呻好悶，搵唔夠錢想轉行，我就話你諗到做咩先再轉啦。後來佢見咗幾份工都無消息，話不如去做譚仔，我初時以為佢講笑，大家嘻嘻哈哈就無咗件事。今日同佢食晏，佢竟然笑住話去咗譚仔見工，係咪好驚喜呀。佢仲話聽日遞辭職信，一個月後就返得工，我嗰時除咗驚訝都唔知講咩好。我問佢咁後生做乜鬼譚仔姐姐，佢就好似嬲爆爆咁，怪我唔支持佢。之後仲message我話：『 I am譚仔小姐，not姐姐。』到而家我都係難以用語言去形容我嘅心情，佢明明值得更好嘅工作。我唔係狗眼看人低，現實中有邊個想女朋友有文職唔做，走去做飲食業。點解明明大學畢業，但做要埋啲唔需要學歷嘅工？雖然而家睇人工高過做文員，同埋有津貼，但又辛苦又更加無前途……」

網民點睇？
網民A：而家周街都係大學生啦，有張沙紙好叻咩，大學生都有人做地盤啦。
網民Ｂ：入職人工又高過文員，分分鐘譚仔有得升職，文員做四五年都仲係咁，仲周不時裁員，譚仔仲有好多公司福利。有你呢啲咁唔支持自己嘅男朋友先慘！
網民Ｃ：唔係個個都對事業咁有野心，如果佢做得開心咪ok囉，又唔使你養佢。
網民Ｄ：我成日見啲譚仔姐姐拍廣告片，CEO都會上鏡，我諗譚仔都幾玩得，如果樓主女朋友係後生靚女，有可能做到譚仔小姐KOL添～
網民Ｅ：香港飲食業咁難頂佢都肯捱，你女朋友係好女仔嚟，好好珍惜！
網民Ｆ：你應該畀機會佢試吓，太辛苦的話佢自然會quit，之後同佢搵吓有無地方再進修增值自己啦。
網民Ｇ：我成日覺得返工除咗錢之外，最好係可以令自己增值，我真係諗唔通做譚仔可以學到乜，你女朋友將來想點？
網民Ｈ：如果你女朋友真係想以後喺飲食界發展，咁譚仔又唔算差，係一個起步點。
網民Ｉ：的確係辛苦工，明白樓主點解唔想女友做，無得坐一日返十幾個鐘，又要不停拎重嘢。我有個阿姨都係做樓面工，做到五勞七傷，而家要成日做物理治療。
網民Ｊ：其實返咩工做啲乜係佢自由，有人返工為興趣，有人為錢為福利，有人為夢想，點解要將你嘅價值觀強加喺人哋身上？

無論是轉工或轉行，求職者都要思考得更全面及長遠。哈佛商學院曾進行一個研究，發現求職和轉職的失敗，約7成是目光短淺所造成，加上沒有做好事先調查。不妨循著「AWAKE」轉工心法，5步找到適合自己、幸福的工作。

參考以下「AWAKE」轉工心法：（按圖了解）

+7

+6

延伸閱讀：【職場熱話】怪責女同事鍾意食米線 打工仔被鬧︰有女同事陪你仲想點？

延伸閱讀：【職場兩性】幫男友打工3年無糧出 最後更被背叛 工具人女友決定……

延伸閱讀：【職場兩性】女友做gym上癮 棄高薪轉做健身室接待員 男朋友：完全無同我商量

如果大家在職場上有不開心想發洩，或是對《勞工法例》有疑難，歡迎投稿給我們，我們會盡量解答你的問題，當打工仔的樹洞！👉 https://forms.gle/o2K2DaZWXzLFhypT7

⏩⏩  需要請人？立即刊登招聘廣告！  ⏪⏪