【網絡熱話】辭職卻因一件事被上司鬧爆 打工仔衰在遲遞信?

【網絡熱話】辭職卻因一件事被上司鬧爆 打工仔衰在遲遞信?

農曆新年過後,又是一輪轉工潮,雖然本港的最新失業率創近年新高,但打工仔都希望可以向外闖一闖,搏一個升職加薪的機會。日前,有打工仔在社交網站出post大談最近辭職的經歷,本來他計啱返新工日子,打算遞信後14日便離開公司,但卻因一個舉動被上司鬧爆,而大部份的網民都力撐該名上司做得啱,究竟打工仔做錯甚麼事,失去網民支持?

(按圖了解打工仔辭職的故事)

打工仔︰「新年之前Send咗啲CV出去,上星期四見完工,今朝就畀電話我話有Offer畀我。工同位都比呢邊高同好,咁當然立即打信走人,疊埋心水扣埋假,仲有成個星期可以休息下。我Lunch食完返公司打信,啱啱Send過去畀HR,實體信印出嚟畀上司。點知佢行過嚟,好大聲咁鬧我,話點解臨收工先畀信,係唔係要佢OT,係唔係要佢今晚唔使返屋企…喂!辭個職都要被人鬧?咁公司規矩畀信嗰日計,14日可以走,唔通我又過兩日先畀咩……好在走得快,唔係對住呢個上司,都唔知會發生乜事。」

網民點睇?
1/ 換個角度諗,如撞正公司炒人,你想公司早啲同你講,定臨放工先講?已經出嚟做嘢,諗嘢可以全面啲。他朝閣下升職管人時,若下屬用你今日嘅方法辭職,記得唔好鬧人。

2/ 辭咗職就大晒?辭咗職嘅人最惡,竟然唔知個死字點寫。

3/ 畀着我會返到公司便辭職,交代清楚所有嘢,上司畀即走咁咪走囉。

4/ 樓主,resign 無分幾點遞信。但確實係臨收工至出聲,你上頭是要通知HR , HR 要follow up。

5/ 如果係我,我會朝早遞信,費事自己成日心掛掛,又唔知下晝有咩阻滯,萬一老細下晝開會開到夜晚8點,唔通我等佢?定聽日先遞?不過有啲人會臨放工先遞信。有咩問題?唔明點解下屬臨收工辭職會令老細開OT返唔到屋企。

6/ 你問佢使唔使睇過通勝擇個好日子先遞。

7/ 又唔係即日走,放工先遞信有乜問題!就當會令到上司好麻煩,咁又點,高層就梗係要食呢啲嘢!否則點解要畀咁高人工你?

8/  睇嚟你上司係變態,係又鬧唔係又鬧,恭喜你搵到工!

延伸閱讀︰【辭職學問】網民大數打工仔離職原因 「衰老闆」最易逼走員工?

與公司好聚好散 你要學識6個辭職技巧!
以為「辭職大晒」,不用再照顧上司及同事的感受?其實在香港打工,行業的圈子非常小,有時只是做錯小小事,就足以成為眾人的話柄,這些說話不幸落入新僱主耳中,新工可謂凶多吉少。想避免與公司鬧翻,就要學識以下6個辭職技巧。

延伸閱讀︰【辭職學問】Last Day仲派西餅咁老套?創意散水「餅」大檢閱

延伸閱讀︰【辭職學問】與公司好好說分手 6個辭職技巧為自己留後路

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【返工血淚史】經理帶頭玩針對 打工仔大爆公司6宗罪︰生不如死

  • 【讀者投搞】老闆記得先有Annual Dinner 唔記得就乜都冇 員工:今年仲要星期六搞…

  • 【職場熱話】22歲打工仔欠債20萬 學歷低打份牛工 大呻:好後悔賭錢

  • 【職涯規劃】30歲仲係不停轉工 曾幻想做女強人 點知10年轉8份工…

  • 【履歷表】唔過試用期 使唔使寫落CV?網民:我畀人炒都有寫落去喎!

  • 【讀者投稿】員工祖父母相繼過身要請恩恤假 點知畀刻薄上司寸:下星期到邊個死?

  • 【職場熱話】想由飲食業轉做文員 但文員要做啲咩?網民:所有文書都關你事!

  • 【職場熱話】趁Lunch去幫老細拎花 被女同事誤會表白 畀佢拎走咗紮花…

  • 【職場熱話】做管理層有6位數薪酬 打工仔︰人工高但不快樂

  • 【職涯規劃】26歲中學畢業做清潔工 打工仔︰月入$16500月月清

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow