【網絡熱話】豪宅住戶出價$800請大學生清潔+私補+教琴 網民：你係無知定刻薄？

香港地搵食艱難，很多打工仔都要身兼多職，處理林林總總的工作，但人工往往與付出不成正比。最近在討論區流傳一則招聘廣告，有一位豪宅住戶欲聘請「萬能姨姨」，不但要求對方做4小時家居清潔，更要幫其兒子補習及教授樂器，而薪金只有800元一日。大量網民指責僱主刻薄無良，「連有8級鋼琴資格嘅大學生都要做埋清潔，咩世界？」

延伸閱讀：【職場貼士】擔心無辦法成為正式員工？5個順利通過試用期的竅門

網上流傳一則九肚山住戶的招聘廣告，僱主表示家居實用面積約1,000呎，希望聘請「萬能姨姨」於星期六或日協助清潔家居，以及幫其兒子補習及教授樂器。並列出7大入職要求，包括學歷要有大學程度，奈何人工只有800元一日。

按圖了解工作職責及入職要求：

+17

+16

工作職責：
-4小時日常家居清潔（浴室x2, 廚房, 拖地, 換床單, 熨衫, 抹窗）

-1小時幫7歲兒子補習及睇功課

-1小時教兒子鋼琴或小提琴（二選一，初學沒基礎）

入職要求：
-大學程度及鋼琴／小提琴8級或以上

-已打至少一針疫苗

-半年內沒有離港

-工作準時、有交帶、爽快積極

-清潔衛生、不吸煙

-工作期間需配戴口罩

-自攜乾淨衣服入屋更換

薪金：$800／一日

網民有咩意見？
網民A：800蚊做6個鐘，即係時薪$133，齋補習／教琴／家務助理單項都唔只呢個價啦！

網民Ｂ：係咪打少咗個0？住得九肚山，又要人萬能，你出8000蚊就差唔多。

網民Ｃ：究竟佢係無知定刻薄？淨係請鐘點做清潔都唔只$800啦，傻的嗎？

網民Ｄ：$5000一日都應該請唔到人，有學歷幫人補習教琴就唔會同人做清潔，做得清潔9成9唔會識樂器。

網民Ｅ：又要補習又要教琴，我仲以為嗰800蚊係美金，好痴線！

網民Ｆ：就算唔講錢，你要人喺4粒鐘裡面做咁多家務，都已經係一個challenge。

網民Ｇ：如果有人咁都應承肯做，就真係頂爛市嘅幫兇，我會好鄙視佢。

網民Ｈ：九肚山位置仲要咁隔涉，朝早分分鐘未有車到，交通費都蝕埋。

網民Ｉ：如果有8級鋼琴資歷，直接教琴一堂都多過$800，仲要清潔4個鐘？不如叫人做義工算啦，Cheap到咁。

各行各業都有自己的辛酸史，日前有網民就在討論區發文，盤點曾經返過最辛苦的工作，飲食業與地盤當然榜上有名，有網民表示當AV後期剪接一樣有苦自己知。

網民盤點最辛苦的行業：﹙按圖了解﹚

+11

+10

延伸閱讀：【勞工法例】女同事入職不久即結婚兼大肚 產假有薪無薪點樣計？

延伸閱讀：【職場熱話】無品同事偷睇糧單 周圍唱𢭃幾錢人工 網民提議：搵HR搞大件事

延伸閱讀：【職場貼士】公司面臨倒閉有先兆？7個要盡快轉工的警號

【最新調查】《CTHR 2021年畢業生薪金及就業調查》結果出爐！立即下載調查報告！

⏩⏩  需要請人？立即刊登招聘廣告！  ⏪⏪