【網民職場Talk】DSE成績欠佳靠讀碩士洗底 打工仔:好自卑

【網民職場Talk】DSE成績欠佳靠讀碩士洗底 打工仔:好自卑

如果公開試表現欠佳,或者未能升讀理想大學,有些打工仔會選擇進修去「洗底」。不過,近日有網民坦言,即使碩士畢業,仍然感到自卑,為甚麼?

延伸閱讀: 【自我增值】讀錯科靠Master洗底轉行?留意3個貼士

有感能力及出身平庸 未能獲聘感自卑
有網民在討論區Dcard留言,透露2015年在香港中學文憑試考得5科2級成績,未能升讀大學,於是他報讀高級文憑,其後升讀銜接學士,2019年更成功獲碩士課程取錄,並於今年畢業。

不過,該名網民坦言自己「咩都唔夠膽好自卑」,因為身邊同學都是海外回流和名校出身,只有自己是Band 3中學出身,而且有感少時未有打好基礎,「同外國人用英文講嘢直頭好難」。該名網民又稱想投考政府工,但未能達到DSE中英文科3級成績,加上現時市道不景,目前難以求職,所以心情難免沮喪。

延伸閱讀:【求職路向】大學畢業仲做緊兼職 係咪真係好無用?

網民:你讀到碩士證明你勁!
一眾打工仔紛紛留言鼓勵網民:「睇完件事我淨係覺得,係DSE唔啱你,唔係你讀唔到書!」、「你讀band3,到最後你都同佢哋一樣嘅嘢,證明你勁」,亦有人提醒網民,如果中英文成績不理想,可以報考10月舉行的政府公務員綜合招聘考試(CRE),只要中、英文考獲二級,能力傾向測試及格,就有資格躋身政府工行列。

此外,打工仔們認為網民的主要問題不是公開試成績欠佳,而是不敢開口說英文,所以建議他要進修英文之餘,亦要勇敢多說英文,才能提升語言水平。打工仔亦安慰網民,指近日市道確實較難求職,而僱主亦不會理會求職者修讀哪間中學,著網民不必自卑。

延伸閱讀:【搵工快】揾工艱難?唔怕! 3個步驟教你用WhatsApp揾前線、兼職職位空缺

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow