【熱話】返工去廁所要登記 網民：喺位都唔代表做緊嘢

雖然香港打工仔出名「捱得」，但當「人有三急」就不是個個「忍得」，暫時放低手頭上的工作亦無可厚非。近日有網民於討論區訴苦，指公司實施新政策，員工去廁所須向部門主管登記，記錄如廁次數，令同事叫苦連天。

廁所門外長現人龍
事主指政策實施半年，的確減少了部分員工趁機偷懶的情況，但同時卻出現另一「漏洞」。雖然同事如廁次數減少，但如廁時間就變得更長，某些同事更會直接躲於廁格不出來，令公司廁所門外經常出現人龍。事主曾與董事開會反映，當中亦有聲音表示要取消登記制度，但就可能會出現「啲人成日儲埋啲『屎尿屁』返公司先痾」的情況，浪費公司人力資源，考慮是否還需記錄時間以起警效作用。

帖文一出，不少網民都認為政策不近人情，更言「坐喺到唔代表做緊嘢，大部分人都係釣緊魚，去個廁所反而可以諗橋。」亦有網民表示自己公司廁所整潔，發現真的有不少同事在內偷懶睡覺，影響「真正用家」，但都認為如此政策相當「無謂」，不能起太大作用。

網民回應
網民A：「唔做啦！除非人工特別高。」
網民B：「本來無事都俾公司攪到尿道炎！」
網民C：「竟然有咁嘅規則（矩），真係好離譜！」
網民D：「一個唔生性，累全家結果。」

⏩⏩  需要請人？立即刊登招聘廣告！  ⏪⏪