Next
【求職見工】內向打工仔有見工恐懼症 CV都唔敢Send！網民：我連睇招聘網站都會驚恐發作
【求職見工】內向打工仔有見工恐懼症 CV都唔敢Send！網民：我連睇招聘網站都會驚恐發作
2025-02-28
對於許多內向的打工仔而言，求職的過程往往充滿恐懼和焦慮，從接聽面試電話到正式面試，每一步都像一場挑戰。近日，一位打工仔在社交平台「Threads」分享了他的「見工恐懼症」，指自己從求職第一步開始已感到害怕，不敢發送履歷！「見工恐懼症」是事主特有的情況嗎？網民有共鳴嗎？
按圖即看事主分享及網民回應：
事主：我有見工恐懼症，唔敢Send CV！Send CV驚，收到面試Call又驚，面試仲驚，返新工勁驚！有冇人明？
網民A：我明！Send咗出去之後又驚電話會響，叫你去見工。
網民B：有，所以我呢幾年唔敢搵工，結果就係一直做緊一份一萬頭人工嘅文職，仲要冇乜福利，完全唔想轉工，畀身邊人恥笑。呢排因為屋企經濟問題，要打破心理關口，瘋狂搵工又Send CV，雖然得個吉，不過點都叫做行出咗第一步。
網民C：當傾吓偈就得，反正除咗自我介紹要用英文，好多時都轉返廣東話。
網民D：I人表示好驚面試，唔知點介紹自己好，所以搵到份工就唔會想轉工。
網民E：明啊，每次見工前都會用半日準備，見工後用半日平復心情。
網民F：我超驚！每次睇到啱嘅位，都要諗幾日先Send到CV，Send岀去嗰一剎那真係心慌，不斷想像收到電話會點，見工會點……所以好怕辭職，又好怕搵唔到工。我最近一次係轉咗份容易搵嘅半職有返啲收入先，然後再繼續搵全職。盡量搵啲地點熟悉嘅，可以驚少樣，諗定一兩套見工衫走天涯，個心會定返啲，唔使吓吓都咁焦慮。
網民G：其實唔使驚。對方缺人，你缺工，面試係互相了解吓啫。最緊要CV執得清楚整潔，見多幾次，知道大概情況就唔會驚。
網民H：見工都可以同自己講，就算大家唔啱都係一個鐘啫，頂得住嘅。而我有返工第一日逃跑症，因為9個鐘仲難頂！不過今日捱過咗啦，你都加油！
網民I：係呀，好想轉工，好想快啲搵到工，但係又好驚收到電話要見工……成件事都好矛盾，如果第時可以對住AI見工會放鬆啲。
網民J：我反而係好驚寫Cover letter（求職信），個Word都未開已經焦慮到Hang咗機。
網民K：我連睇招聘網站都會驚恐發作！
克服恐懼 邁向新機會
不少網民表示深有同感，指畏懼求職導致他們不敢轉工，更有人在瀏覽求職網頁和撰寫求職信時已感到焦慮和驚恐，面試結束後需要半天調整心情。有網民提醒，面試只不過是雙方互相了解的過程，不必過於恐慌；亦有網民建議事主可以尋找地點熟悉的公司和準備面試專用的服裝，減少不確定的因素，有助於減輕焦慮的情緒。
網民的看法各有道理，與事主一樣有「見工恐懼症」的打工仔不妨參考一下，將面試看作一場簡單的聊天以及一個學習和成長的機會，不要讓恐懼阻礙你追求理想職業的腳步。此外，以下有5個克服求職恐懼的建議可供參考：
1/ 逐步突破心理障礙
從小事做起，例如每天瀏覽一兩個招聘廣告，慢慢進入求職狀態後，再發送履歷，不必急於面試，讓自己逐步建立信心。
2/ 充分準備
在面試前，準備好常見問題的答案，並模擬面試情境。可以請朋友或家人幫忙練習，讓自己熟悉流程。準備好一套面試服裝和所需文件，讓你在面試當天更從容。
3/ 調整心態
面試是雙向了解的過程，試着將面試官視為未來的同事，輕鬆交流。即使結果不如預期，也能從中學習，為下一次面試做好準備。
4/ 降低門檻
不必急於找到完美的工作，可以先從兼職或短期工作開始，累積經驗和信心。這樣既能減輕經濟壓力，也能讓你在求職過程中更有底氣。
5/ 尋求支持
與朋友、家人或專業顧問分享你的恐懼和焦慮，他們的支持和建議能讓你感到不孤單。也可以加入求職社群，與有類似經歷的人交流，互相鼓勵，共同面對挑戰。
延伸閱讀：【社交恐懼】自覺有「社恐」擔心影響見工面試 10個克服人際關係方法
延伸閱讀：【職場熱話】內向人被誤解感氣餒 網民：好上司會肯定你努力
延伸閱讀：【I人地獄】一人一個內向仔職場行為！網民：行樓梯返工放工 唔想同人接觸！
延伸閱讀：【Interview代表一切？】內向打工仔大呻以Interview評定一個人適唔適合工作崗位唔公平！網民：人哋就係唔想要啲轉數慢嘅人！
最新專訪片︰
Look out for further updates on our Facebook fan page!
Latest IT Salary Trend
-
View Jobs35kMedian Salary
-
View Jobs30kMedian Salary
-
View Jobs26kMedian Salary
-
View Jobs25kMedian Salary
- More IT Salary
Related Articles
Follow CTgoodjobs for the latest career news, hot topics and recommended jobs!