【家庭關係】在職媽媽工作壓力大又要湊仔欲辭職遭奶奶強烈反對

2021-07-29

在香港做Working Mum要面對很大壓力，工作時數長不在話下，放工還要趕回家煮飯、做家務及教仔女做功課，忙碌起來隨時捱壞身子。最近有在職媽媽在討論區呻苦，指自己兼顧不了工作及家庭，身體越來越差，因此打算年尾辭職，全心全意照顧家庭。不過奶奶就表示強烈反對……

延伸閱讀：【職場熱話】打工仔：工作壓力大到要食藥但又唔敢辭職網民：舒壓可從日常入手

新抱點樣講？（按圖了解）

+12

+11

-我份工好大壓力，老公份工一樣高壓，大家工時都好長。
-我放工仲要教仔做功課同溫習，做咗十幾年，個人越來越殘，身體又差。
-因為我見仔仔成績差，所以同奶奶講我想年尾辭職，全心全意照顧家庭。
-點知佢即刻黑面，鬧我做咩要辭職，話我太緊張仔仔學業。
-如果我咩都唔緊張咩都唔理，呢個屋企好多嘢都會出現問題。
-奶奶唔知我為頭家出咗幾多力，以為自己個仔好掂，成日睇唔起我。
-其實好多嘢我都親力親為，一眼關七，希望做到盡善盡美。
-而家佢唔畀我辭職，心情好差，說不出的苦……

網民建議：
-一係叫你奶奶教個孫讀書溫習囉，佢又做唔做到先？
-連自己父母都無權管仔女返咩工，更何況係奶奶？只要你兩公婆經濟上搞得掂就得，唔洗理佢咁多！
-仔仔功課可不可以外判畀補習老師教？令自己唔使咁辛苦。我唔會因為咗仔仔功課而選擇辭職。
-最重要保重身體，你辭職與否同老人家無關，兩公婆有共識就得。
-可唔可以轉份壓力細嘅工或者做兼職？因為小朋友朝早返學後唔需要你照顧，唔做嘢有D嘥咗你嘅工作能力。
-如果兩公婆少一個人返工，收入OK又搞得掂支出，完全唔需要同奶奶交代辭職！
-好多老爺奶奶都怕新抱唔做嘢，要個仔養老婆。但又期待新抱返工之外，仲要服侍個仔，照顧成頭家。香港女人唔易做。

無論身處哪一個崗位，只要自己盡力做問心無愧就可以了，不必太在意旁人的批評，以免徒添生活壓力，影響身體及心理健康。以下有5款容易烹調的減壓食物，平時在屋企或辦公室也能輕易完成，食完會令人開心一點。

按圖了解5款減壓食物：