Next
【三十而立】30歲仲未有穩定工作 搵唔到適合工種點算好？事主：我係咪好失敗？
【三十而立】30歲仲未有穩定工作 搵唔到適合工種點算好？事主：我係咪好失敗？
2024-10-25
從小到大，我們都被灌輸「要找穩定工作」的槪念，才能擁有固定的收入，為生活帶來更大的保障。有台灣求職者在網上討論區Dcard分享個人故事，指自己本來在辦公室上班，但由於工作不合心意而決定辭任，現年30歲的他因而感到迷茫，遂向網民徵求意見：「這樣的我是否很失敗？」
點圖了解更多事主分享：
「30歲工作還未有穩定工作，本身係做Office，返咗一排覺得工作好唔順利，做得唔開心，工作唔得心應手，所以搞到信心受到好大打擊，決定主動離職。（唔可以唔返工，所以空窗期唔可以太耐，始終生活需要使費。）
本身唔鍾意做服務業，唔鍾意做餐飲業同業務，最近搵工都到處碰釘，搵極都無適合我嘅工種。想聽吓大家嘅意見，對於未來覺得好渺茫……咁樣嘅我，係咪好失敗？」
網民回應：
A/睇你嘅一技之長係咩？有認識嘅同事由做行政專做IT。
B/我而家都係30歲，仲未有方向，都幾唔穩定吓，我試過好多唔同嘅工，做過幼稚園助教、服務業銷售、客戶服務，有啲做得唔長，發現唔啱又換，覺得唔知自己可以做到啲咩。
我都係做Office做得唔開心，而且同同事唔太夾。其實我幾鍾意做服務業，好自由，同啲同事又相處得唔錯，做得幾開心，但就覺得做服務業，對未來好迷茫。啱啱好前排辭職搵工，覺得好挫折，到而家搵咗就嚟4個月，In咗10間，結果只得兩間公司請，仲要唔係好理想嘅單位。後來又繼續面試，終於搵到份工12月開始。希望你都唔好放棄！如果冇方向都唔緊要，可以先去試試，試咗就知自己適唔適合。
C/你做咩都話唔得心應手，咁有咩係啱你做？
D/你可以先審視自己擁有嘅技能同經歷，再列出自己所擁有嘅技能同經歷，喺列出自己想從事嘅產業同職位空缺。即使係相同嘅位，每間公司嘅工作內容、薪水同福利都會有差異。你都30歲，就唔好眼高手低，如果你條件好好，當然就可以揀嘢嚟做；如果唔算特別好，可以揀嘅自然有限，唔想委屈自己做唔鍾意嘅工作，咁就要精進自己，畀選擇掌握喺自己手上。
我30歲之前同你個情況都差唔多，後來搵到方向，而家從事coding嘅工作。
E/我同你好似，只係後生過你2年，之前有去服務業打過工，其實都幾開心，只礙於我消閒活動係喺假期，服務業又唔可以有太多休假，最後都係離咗職。到返返辦公室，都唔知咩原因做得唔長。
F/坐Office真係幾痛苦，尤其係我遇到啲愛講八卦，但磁場又唔啱嘅人喺隔籬做。
G/我28歲，為咗份履歷仲撐緊，坐Office真係好痛苦。
H/唔一定係你唔適合個領域，可能係咁啱工作環境唔適合你。
好好裝備自己更重要
對於事主的疑問，網民都提出不同的意見，有人分享個人經歷，指求職時曾遇上瓶頸期，但還是繼續找工作，最後得償所願，鼓勵事主加油。另外，有網民提出實用建議，指事主應該審視自己擁有的技能及經歷，並排列出想要從事的業務及職位，找出適合的自己的工作。
對於「穩定工作」，沒有人能夠提出準確的定義，與其急忙找一份穩定的工作，事主不如想清楚自己希望投身哪個範疇，再嘗試入行。比起穩定的工作崗位，打工仔或求職者應該追求擁有穩定的能力，這樣才能夠激烈的職場生存下來。
你可能比想像中更成功？（點圖了解更多）
即睇5個極速被淘汰的性格：
延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!