【都市傳說？】人工$3萬嘅hea工係咪真實存在？好想輕輕鬆鬆咁返工呀！網民：外資公司大把，不過唔會請FG！

不少打工仔都夢想自己能夠任職一份高薪而事少的工作，可以長時間「扮工」處理自己的事務、沒有任何工作壓力，又能獲得不俗的薪金應付日常開支，可以好好享受生活。近日，有網民於連登討論區以「其實$3萬以上嘅 hea工係唔係都市傳說？」為題發帖，希望得悉這是否都市傳說，還是真實存在！

延伸閱讀：【銀行熱話】銀行員工扮工扮出鑊？美富國銀行突炒10多名員工 因為用咗OOO神器！僱主又可以點樣有效防止員工「扮工」？

按圖了解網民回應：

+20

+19

樓主：其實有人工$3萬或以上嘅hea工係唔係都市傳說嚟？

網民A：喺某外資back office做，我唔係專業人士，份工朝九晚五，唔使OT，食飯2個鐘，星期五例行放早，月薪$5萬，咁樣算唔算？

網民B：IT業，做軟件工程，份工剩係需要做好每季度嘅feature就得，好多時都係hea住過。

網民C：外資公司大把呢啲職位，只係好少會請FG咁解。

網民D：我而家份工就係，每日做嘅嘢就係覆一兩封email，好多時全日都無嘢做，1個月實際工作時間加埋可能得3至5個鐘，返工時間自由、隨時可以出去行街、睇戲、剪頭髮。缺點係唔知間公司幾時執……

網民E：你個人hea，你去到邊都hea啦，如果你做人成隻牛咁，有hea工你都唔識得點做！

網民F：我做IT業，而家份工返五日，一日WFH，人工$3.8萬，年尾有雙糧加花紅，返朝八晚五。我每日8點45分返到公司打卡，然後去食早餐，10點先再喺公司出現，睇吓email、放吓煙break。Hea到2點就去食tea食到3點半。如果朝早check email見到有嘢做就做，無就等收工。準時4點45分執嘢，5點打卡收工！份工每年都有得加人工，但只係加8至10%。只要上司電話搵到人，我答到嘢就ok。

網民G：每日workload唔超過2個鐘，lunch time有2個鐘時間慢慢食，等到5點半就走！

網民H：我都係做IT，當年FG搵萬幾蚊係最辛苦，咩都要一腳踢，又好多新嘢要學。之後做多2年，人工上到$2萬幾，開始搵到方向，可以分配到唔同時間做唔同工作，基本上無OT、工作壓力細。

去到有$3萬月薪開始係最輕鬆，因為熟咗手，你會有自己一套工具去生產啲相類似嘅產品，成件事可以好快就搞掂，但就會同公司講要用一段時間嚟做。每星期真正工作只有2個鐘，其餘時間做自己嘢或者學新嘢。返工咁多年，睇到職場上越識得思考、變通嘅人，壓力就越少。

網民I：唔係傳說，好多大公司有好多呢種人。只要你學歷夠高，識得講嘢、同其他同事打好關係，同埋識卸膊，你就可以有$3萬人工嘅hea工！

網民J：其實有就一定有，但正常係唔會同你講係咩工嚟，同埋你都唔會入到去。你問得就證明你唔係搵呢啲錢嘅人，人工高又hea，講真點會話畀你知先得㗎！

網民K：喺大學做行政，入職就$2.5萬，每年都會加人工。講就話要9點返工，但9點至10點其實都係喺位慢慢食早餐，之後用1個鐘時間就做晒嘢，有時甚至完全無嘢做。

午膳就12點至2點，我慣咗食1個鐘，跟住瞓1個鐘，lunch完之後都係無咩嘢做。5點半就準時收工，每日如是。大學好多呢啲職位，拎住funding一定要開但又無嘢做嘅位。不過太後生入去真係會有浪費人生嘅感覺。我做咗1年之後都quit咗。

網民L：好多做緊銀行中層嘅都係冗員嚟，每個月有$4萬至6萬人工，又有花紅，仲要一個星期有2至3日WFH。

延伸閱讀：【職場趨勢2024】打工仔「扮工」成常態？超過1成人計劃暑假「安靜休假」！唔敢放假因為呢個原因？

帖文一出，網民紛紛留言分享自己的工作經歷，例如每月薪金有$3萬以上，但每天工作時間不超過2小時、每星期有1至2天在家工作、可以在辦公時間時內出外走動等，令不少網民感到羨慕不已。在網民的分享中，不難留意到大多均從事IT行業，有網民指出因為數年前受疫情影響，大部分工作都能透過遙距操作來完成，加上自己累積夠一定經驗，便能提升工作效率，達到看似「hea」工的假象。

有部分網民表示，能否任職「hea」工的關鍵，在於打工仔自身的能力及思考，若然能夠提升自己的工作效率、懂得以最少的力氣來作出最大的成果，那樣所有的工作對他而言都是一份高薪且輕鬆的工作。

延伸閲讀：【職場八卦】新人不滿同事「蛇王」向上司報寸 好上司：準時交到嘢又少甩漏我理得佢哋。

按圖即看5個提升工效率的小秘訣：

+8

+7

延伸閲讀：【職場熱話】一人一個返工時間偷走 做過最離譜嘅事！睇戲、學車、揼骨係基本？

按圖即看6個提升專注力的方法：

+20

+19

 

延伸閲讀：【職場熱話】錢多事少嘅工作真係好？老闆叫事主：得閒想碌手機就盡量碌

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！
 

⏩⏩  需要請人？立即刊登招聘廣告！  ⏪⏪