【職場熱話】Fresh Grad不滿公司出手低 接受Offer後要求加薪無回音

【職場熱話】Fresh Grad不滿公司出手低 接受Offer後要求加薪無回音

大部分求職者都經歷過薪酬談判的階段,希望僱主能滿足Expected Salary,達到雙贏的局面。協商薪酬需要技巧,對於入世未深的Fresh Grad有一定難度。最近有畢業生在討論區發文,指自己不滿公司出手低,在接受Offer後要求對方加薪,但過了幾天仍無消息,質疑是否已落選,引起一眾網民討論。

延伸閱讀:【職場人際】初入職場唔想撞板?Fresh Grad要知的5大溝通方式

點解事主接受完Offer先要求加薪?(按圖了解事發經過)

 

-我今年畢業,有一間公司好想做,好彩對方畀機會我interview。
-因為係50人左右嘅細公司,所以2次都係老闆直接in我。
-事緣first in嗰時,我想對方快啲請我,於是我expected salary開價15k。
-去到second in,我同老闆更正返,話希望人工會有16k。
-之後我收到email offer,公司肯出15.5k請我。
-我覆返對方會接受offer,但係想加1000蚊人工。
-成篇email我有引用行業市價數據做比較,總之好想說服佢加到16.5k。
-封email我已經send咗超過一日,但到而家仲未收到任何電話/email回覆。
-我好驚對方會扮睇唔到我email,然後直接放棄我……
-利申:我成篇文好強烈表達自己真係好想入去做。
-我無其他公司做後備,即使最後佢say no,我都會照想做呢間公司。
-唉,我都知自己處理得唔夠好,而家除咗等都唔知可以做咩,本身約咗下星期簽約……

網民一面倒地認為事主行動魯莽,「bargain人工唔係接受咗offer先做,你應該見工時講清楚,而唔係而家先學人扭計囉」。加上事主一而再而三地改變心意,是欠缺誠信的表現,僱主不會喜歡這類求職者,大部分網民皆勸解事主另覓工作。

按圖了解網民建議:

-自己開15k,上來又話16k,人哋還完價你又用average起人價,我睇post都覺得你煩膠,真心你咁改嚟改去我係HR都唔理你。
-其實你一開始開15k,老細都肯畀15.5k offer你都算係咁,同埋bargain人工唔係accept咗offer先做囉,搵定第二份工啦!
-你15.5k 入去做,坐穩咗個位證明到自己係有料嘅,一年後扭計要加人工好易啦,但未坐埋位就要扭500蚊真係笑大人個口!
-而家唯有等多一兩日,千其唔好打電話去煩個HR,佢都要時間幫你同上頭bargain,祝你好運~
-今年FG除非你係專業技能工,否則15k已經正常。加上市場有大把有工作經驗嘅失業人士等工開,人哋個個鬥賤價你就鬥高價,自己諗定後路啦!
-我覺得最緊要其他對手比你差,或者佢哋開價比你更aggressive,如果唔係我睇唔到任何要請你嘅理由。
-點解你唔一早叫高價等公司壓價?今次當經一事,長一智,FG係要撞吓板先會成長。
-老老實實,我係HR會俾offer第二個人囉,Fresh grad無經驗仲學人討價還價……
仲有係人搵工都寫到自己幾有熱誠㗎啦,唔通話我唔想做咩?
-其實成件事嘅重點係個人誠信問題,未返工已經 彈出彈入,你根本唔知自己想點,又點畀信心僱主呢?
-因小失大,個1000蚊根本唔值得你晒時間去嘈,仲搞到自己形象差晒,何必呢?

 

如果畢業生想爭取面試機會,一份「靚仔」的CV好重要。不過大部分Fresh Grad欠缺工作經驗,CV是白紙一張,那麼要如何包裝自己,突圍而出?其實除了履歷表,同學仔還可以從以下3方面著手,讓僱主看到你多方面的能力!

看圖了解更多:

延伸閱讀:【家庭關係】Fresh Grad一畢業就要養退休雙親 月入僅$13,000感巨大壓力

延伸閱讀:【職場熱話】新入職Fresh Grad禍從口出 直呼上司同事中文全名 背後原因係……

延伸閱讀:【職場測驗】Fresh Grad搵工必睇!10條問題測出你最適合入邊行

 

【最新調查】《CTHR 2021年畢業生薪金及就業調查》結果出爐!立即下載調查報告!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【職場熱話】朋友愛比較工作待遇 打工仔大呻心好累:每次食飯都傾人工講到悶

  • 【職場熱話】升職加人工唔敢同屋企人講?網民:加$500人工都要添家用

  • 【職場熱話】2.2萬返大公司 VS 2.8萬做細公司 打工仔苦惱:轉唔轉工好?

  • 【Ansonlo生日】《大叔的愛》取景大公開!可以去田田閨房Staycation?

  • 【職場熱話】工作事事上心冇好結果 網民慨歎:慢慢變成自己初初最憎嗰啲人…

  • 【職場熱話】請假去Staycation 老細要睇酒店証明先批 網民:肚疴請病假咪要影OO?

  • 【職場熱話】打工仔男友超庹縮 學生女友:毫子都要同我計到盡!

  • 【職場熱話】黑雨地盤都要照返工 員工:水浸到要坐艇走!

  • 【職場熱話】「能者多勞」係讚美定懶人嘅藉口?網民:難聽過粗口!

  • 【行業辛酸】網民大數最辛苦嘅Part Time 呢份工做到收工行路無力?

刊登招聘廣告