【職場熱話】高薪厚職就係好?畢業生呻因為屋企人唔敢轉行 網民:想試就試

【職場熱話】高薪厚職就係好?畢業生呻因為屋企人唔敢轉行 網民:想試就試

在學生時期,讓我們最苦惱的其中一件事,就是接下來的路我們應該怎麼走。當我們不像別人早就找到自己想做的事,決定未來的方向,無奈會在路上迷失。身邊的人總會跟我們說,只要擁有高職級、理想的薪酬,就是一份好的工作,這又是否我們真正想要的?

延伸閱讀:【轉職篇】轉行不會太遲 獵頭分享:要衡量hard skill與soft skill

「大學畢業之後,當一個文員不行嗎?」在討論區有畢業生提出這個疑問,並說到因為家人不敢轉行,網民抒發己見:「想去試的話,就去試」。

點圖了解更多事主經過:

1/我喺大學嗰陣讀工程系,畢咗業之後返咗一份月薪18k嘅工,但其實我對工程系一啲興趣都無,
2/當初讀大學揀科只係覺得,最重要都係拎張畢業證書,遲啲先再揀做咩。
3/其實我由於細到大都想做文員,穩定又固定,最好係面對嘅人唔多,因為我係有輕微嘅社交恐懼症,就係打電話都會手心出汗、手都震晒嗰種。
4/工程要面對咁多人,對我嚟講好難克服,我有嘗試過同屋企人傾過,但佢哋一下子就反駁我,覺得我浪費咗大學學位,而家佢哋仲不停幫我搵返工程關嘅工,想我人工再高啲。
5/咁我都知做工程,考到牌做15年以上應該都可以搵到60-70k,但睇住啲朋友而家做Assistant Engineer,個個有返工無放工,壓力大到無得瞓。
6/我就覺得我唔係想要呢種生活,我唔介意搵少啲,生活輕鬆少少,其實做文員都唔一定成世都賺得少嘅…
7/但我唔敢轉行,好大程度都係因為屋企人,佢哋同人講個女做工程師好似會開心啲,而且我都想賺多啲等佢哋生活好啲
8/我信文員呢份工好啱我,之前我返過兼職資料輸入員,工時長、人工低、工作多,但我做得好開心,咁諗係咪好無大志?
9/或者有無人可以介紹啲人工高少少,又唔需要對人嘅工畀我,等我可以說服屋企人同自己?我曾經有考慮過做殯儀業

網民回應:
A/有個工程師嘅女,個名佢哋拎嚟講係開心,只係辛苦嗰個係你,無論去到邊係被剝削嘅一方
B/你要搞清楚喎,兼職同全職好唔同,做文員唔代表唔需要對人,細公司對得人少,但人工低;大公司可能人工高,但要對好多人。同埋你係唔係真係接受到成世人工得萬頭先?會唔會試吓轉做文員先?文員出得夠低價,就幾時都有人請,做兩三個月體驗吓,到時你可能會有新嘅諗法
C/文員首先要不停打電話
D/做工程文員咪得囉,問題解決!其實無咩工係唔需要對人,建築界係班工人先唔使溝通,IT除咗Support,坐Server房嘅,都要見人。或者做吓維修同物業管理
E/做殯儀館都有對人嘅工作,而且係好多唔開心嘅人,你肯定頂得住?
F/我做工程嘅Research & Design,日日喺電腦面前畫模型畫圖,要對嘅通常都係自己Team嘅人,其實工程都未必要對好多人嘅
G/我唔係好建議人做文員,做嘅嘢千篇一律,做得耐就會同世界脫軌,人到中年仲分分鐘有機會被炒,換個畢業生慳唔少啦,同埋文員呢個行業只會越縮越細,有能會被AI取代,到時你唔後生,但又咩工都當你白紙
H/Follow your heart
I/有啲嘢你始終都要克服,你屋企人早就為你諗咗將來,你有錢嘅話,到時想點摺埋都得,但你做咗文員就真係返唔到轉頭,你可能會因為咁磨蝕咗個心。忍一忍,適應一下,走條好啲嘅路,遇到人都會好好多

 

延伸閱讀:【見工面試】HR問「點解突然轉工」點答好?網民紛紛獻計

考慮自己的職涯
在選擇職業的時候,挑自己喜歡又令感到舒適的工作,會讓你工作得較為愉快。但同時都要考慮自己的職涯發展,好像想想這份工作在未來有甚麼晉升的機會,能讓你學到甚麼等等。要為自己作打算,才能豐富自己的經歷,走上更理想的道路,成為一個不可多得的人才。

應否轉工?如果出現了以下5大徵兆,就要考慮現在的工作是否適合你!(點圖了解更多)

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【職涯規劃】疫情衍生10個熱門未來職業 XR顧問、智能家居設計師……

  • 【職場熱話】中六畢業打工仔毅然裸辭轉行 26歲仔慨嘆:月入1.2萬做人好失敗

  • 【職場文化】例假放閒日 vs 放週末 打工仔會點揀? 網民:放weekdays 不知幾好

  • 【職場熱話】拎雙糧賠錢走等於唔道德?網民:返工都係為錢啫…

  • 【職場熱話】打工仔應否為工作搏命?網民:但求心安理得

  • 【行業趨勢】逾半數新聞工作者考慮移民 超過八成人認為工作環境變差

  • 【職場兩性】老公無縫轉工都被老婆鬧 網民:咁就一世喇

  • 【職場熱話】獲邀請返回舊公司 打工仔思索應否食回頭草

  • 【職場熱話】打死一世工到老一場空? 網民:最重要學識知足

  • 【職場熱話】大學轉過4科都無畢業 無打過全職工 27歲女網民:人生已完?

刊登招聘廣告