【職場熱話】學生受傷叫白車驚動警方 校務處竟要職員辭職?

【職場熱話】學生受傷叫白車驚動警方 校務處竟要職員辭職?

受傷或者出現急病時,許多人會選擇召喚救護車,當然前提是不應濫用相關資源。學校每日有數以百計的學生、老師和其他職員出入,加上部分活動如實驗、運動等存在一定風險,有時需要救護車實屬無可厚非,但原來召喚救護車竟會觸動學校的神經?早前,一名曾於學校校務處任職的網民憶述過往被勸辭退一事,並將事情的來龍去脈投稿至社交媒體專頁「奴工處」。

延伸閱讀:【職場熱話】做老師好過唔少工?最麻煩係○○○○

即睇事主分享及網民回應:(按圖了解)

事主:N年前做過某官校校務處,經常有學生受傷要勞煩校務處職員叫白車。

事主:當時校務處主任同我講,叫白車唔好叫到有警察上嚟,有次有個學生帶火機返學玩,唔小心焫親自己,收到老師報告之後立即Call白車。

事主:結果十幾分鐘後,除咗白車之外,仲有警車同消防車操上學校門口,警員、消防員齊齊上嚟調查。

事主:校務處主任見到咁壯觀嘅場面即刻火滾,馬上話我叫白車叫到咁壯觀就覺得我唔適合做校務處,仲叫我馬上辭職。

網民:我都做過校務處,都有主任話唔好俾消防員入學校,話怕嚇親啲學生,啲消防員聽到就話,吓,消防員都怕?

網民:唔係怕嚇親學生,而係驚影響「校譽」啫。

網民:主要係怕自己的前途。

網民:一件事睇清楚間學校都係件好事,學校聲譽重要過學生。

網民:係怕傳媒突發組追訪。

網民:向傳媒鬧大,學校也要找人祭旗。

網民:官校最驚其他部門入嚟。

網民:呢啲校務處主任,隨時累死學生。

網民:聽過有校長interview老師嗰陣會問如果有學生燒你頭髮你點做,如果你唔答大事化小都唔會請你。

網民:多謝你救咗個學生。

 

校譽大過天? 曾有學校知悉跳樓事件不報警

眾多網民指出事主遭遇的事件與學校聲譽相關,直言「學校最怕搞衰個名」,因而令校務處主管大發雷霆。學校看重聲譽,因為校譽構成公眾對學校觀感,長遠會影響收生和將來學生質素。有網民隨後詢問「記唔記得小學生跳樓個校長唔俾人報警?」

2013年12月上旬,葵涌區某小學一名五年級女生在校內離奇墮樓身亡,但學校卻未有立即報警,僅先召喚聖約翰救傷隊。救傷隊隨後到場,見狀隨即通知警方。該女生墮樓後逾半句鐘才獲送院救治,最終證實不治。該校副校長其後表示,該校一般做法會先召來救護車,但不會即時報警。

是否所有學校校譽大過天呢?當然不能妄下評論,但究竟安全還是名譽比較重要,每個人應有各自的道德標準。有另一網民曾遇到與事主類似事件,指其公司一名雜工暈倒,怎料「老細阻止call白車,話累到佢」,該網民不理會警告召喚救護車,最終「返屋企諗諗下,三日後辭職」。

延伸閱讀:【職場熱話】同事辭職原因係老闆?打工仔質疑不負責任 網民:合情合理

延伸閱讀:【職場熱話】同事當自己係上司點人做嘢 仲越來越過份...

延伸閱讀:【職場熱話】困惑同事銷售太誠實是否好事?網民反指:你應該成日講大話

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【職場熱話】做老師好過唔少工?最麻煩係○○○○

  • 【職場熱話】大學轉過4科都無畢業 無打過全職工 27歲女網民:人生已完?

  • 【畢業就業】語言學畢業必定難搵工?入職宜認清學科優點

  • 【職場兩性】老公經歷事業低潮 與另一半冷戰一個月 老婆:唔知可以點幫佢

  • 【職場熱話】10招捱到Last Day 被炒後做過最狠毒係......

  • 【移民澳洲】澳洲就業人口不足 政府點名需要大量咖啡師、護理員

  • 【保險熱話】保協成立MTA獎項及CTA認證 以誠信行先為從業員覓新機遇

  • 【職場遊世界】日本社畜文化好嚴重?揭示6個上班族辛酸史

  • 【2020東京奧運】盤點9位吸金力最強的運動員 第一名年收入高達5.8億港幣?!

  • 【見工面試】誇張照騙?帶屋企人面試?HR最不想遇到的8種求職者

刊登招聘廣告