【職場熱話】唔過試用期 公司竟然要求簽離職聲明?網民:因為可以唔使賠7日糧畀你!

【職場熱話】唔過試用期 公司竟然要求簽離職聲明?網民:因為可以唔使賠7日糧畀你!

不少公司都會設置試用期,希望僱主及僱員雙方透過3個月的時間,互相適應彼此的工作模式,讓雙方判斷是否能夠勝任目前工作及職位。近日,有網民於連登討論區發文,指自己早前收到未能度過試用期的通知,數日後卻被HR要求簽下自願離職聲明書,因此使事主大感困惑,不解公司為何會作出如此安排。

延伸閱讀:【辭職學問】試用期內離職只須一日通知?打工仔︰點樣先好嚟好去?

按圖了解事主及網民回應:

事主:話說我前幾日就畀公司通知過唔到試用期,公司通知我嗰陣係臨完試用期前2個星期。我都接受嘅,因為呢份工都唔係返得幾開心,諗住搵到新工就會辭職。啱啱HR嗰邊叫我簽份離職聲明書,話係我因為私人理由而辭職。我唔太明,唔係公司炒我咩,點解會變咗係我私人理由而辭職?想問有冇人可以解答吓我?

網民A:因為你話自己離職,公司可以唔使賠7日代通知金畀你。

網民B:究竟係公司炒你定勸你辭職?叫你即刻走定畀足通知期你先?

網民C:無咩所謂啦,你做得幾個月都唔會寫落CV度,公司炒你定自己辭職都無分別。

網民D:我諗你公司個HR想成件事好睇啲,你簽自願離職,咁HR就唔使同公司解釋咁多,你封reference letter又唔會大大隻字寫明解僱,大家好嚟好去。

網民E:公司通知你唔過試用期之後,有冇話幾時last day?有嘅話公司已經畀咗2星期通知期你,樓主你係無蝕底。公司叫你自願離職,reference就唔係寫被炒,其實對你係有幫助,除非你公司係要求即日走,又要簽自願離職。

網民F:公司已經畀足通知期你,係唔使賠代通知金。賠代通知金係炒你,要求你即日離開先要賠。

網民G:好奇樓主衰啲咩先會唔過試用期?

網民H:畀人炒有分係咪即炒對方定係等通知期完,如果唔係即炒嘅話,都係通知期內繼續出糧。

網民I:樓主簽咗離職聲明即係等於你自己辭職,咁你通知期內都係會有糧出;如果係公司炒你,公司有權揀即炒或者留你到完咗通知期。

網民J:唔好諗太多,純粹你老闆唔想寫炒你嘅原因,你自己離職就唔使處理麻煩事。

網民K:樓主你諗定自己衰咩先啦,怕你下份工又會過唔到試用期。

延伸閱讀:【CV技巧】未過試用期工作應否寫入CV?唔寫怕有空窗期?5個完美答案助你解釋空窗期 同場拆解4大Probation迷思

網民普遍都對事主的經歷有所共鳴,指不少公司在決定解僱員工時,都會以明示或暗示的方法通知員工,希望他們可以自行請辭,讓雙方都可以減省工序:僱員在履歷表上可以填寫自行離職,而非遭到解僱;僱主可以免卻程序上的麻煩,因此不少網民表示公司是給事主下台階,避免影響事主的履歷。

不過,有網民指出有部分黑心公司為求逃避賠償代通知金,會在解僱員工後要求簽署自願離職聲明,其聲明會列明離職日期為當日,使僱員喪失代通知金的賠償,因此建議事主應看清自願離職聲明的細項,以免失去應有的權利。

勞工法例怎樣說?

根據香港勞工法例,如僱主或僱員想終止僱傭合約,須跟足《僱傭條例》的守則。僱主或僱員在終止僱傭合約時,須給予對方適當的通知期或代通知金。所需的通知期或代通知金如下:

試用期內:

  • 試用期內的首個月:無需通知期、無需代通知金
  • 試用期內的第一個月後:    

  • 僱傭合約有明確規定︰依照合約訂明的通知期,但不少於7天
  • 僱傭合約無明確規定︰不少於7天通知
  • 無試用期/完成試用期的連續性合約:

  • 僱傭合約有明確規定︰依照合約訂明的通知期,但不少於7天
  • 僱傭合約無明確規定︰不少於1個月通知
  • 代通知金:

    通知期以日或星期為單位

  • 通知日期每日平均工資 X 通知期內的日數
  • 通知期以月為單位

  • 通知日期每月平均工資 X 通知期內的日數
  • 僱主在以下情況,可即時解僱僱員,而無須預先通知或給予代通知金。如果僱員在與其僱傭有關的事宜上:

  • 故意不服從僱主合法合理的命令;
  • 行為不當
  • 欺詐、不忠實
  • 慣常疏忽職責
  • 僱員在以下情況,亦可以即時終止僱傭合約,而無須預先通知或給予代通知金:

  • 合理地恐懼身體會受到暴力或疾病的危害
  • 受僱主苛待
  • 已為僱主連續工作不少於 5 年,而經註冊醫生或註冊中醫發出指定的證明書,證明永久不適合擔任現時的工作
  • (資料來源:勞工處)

    延伸閲讀:【勞工法例】辭咗職仲有冇得拎Bonus?僱傭合約細則咁樣講!

    按圖即看唔過試用期應否填入CV:

    延伸閲讀:【勞工合約】返新工被合約嚇倒 無試用期、離職通知期半年 網民:多數超惡頂

    按圖即看試用期期間突然被公司解僱原因:

    延伸閲讀:【係咪無理解僱?】臨過試用期前一個禮拜 打工仔毫無預警地被即時解僱 事主:我到底衰咩?


    最新專訪片︰

    【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行?!

    ⏩⏩  需要請人?立即刊登招聘廣告!  ⏪⏪

    Look out for further updates on our Facebook fan page!

    Related News

    • 【職場技能】7成僱主最想請呢類人 金融服務業最睇好呢個職場技能!人工升幅高達28%!

    • 【職場熱話】公司氛圍似邪教?日日同打工仔sell熱血團結!事主大嘆:好似用友誼情緒勒索啲員工

    • 【2024市值最大公司】全球市值最大公司 亞馬遜排第6 蘋果排第2 第1名係OO!

    • 【銀行大不同】銀行同投行係2個世界?兩者究竟有咩分別 想報銀行或者投行有咩要注意地方?

    • 【金融熱話】舊公司加薪40% 希望打工仔回巢處理公司投資後續事宜 事主困惑:好唔好食回頭草?

    • 【職場熱話】返工幾時變咗朝九晚六?明明以前係朝九晚五!網民:因為係6天工作變5天工作!

    • 【職場熱話】老細覺得同事叮飯搞到有小強出沒 唔再畀同事叮飯!網民:根本治標唔治本

    • 【職場理財】單身導致財務不穩定?26%單身女性指「單身太貴」有伴侶反而可以有助儲蓄!

    • 【職場熱話】公司竟然Block咗WhatsApp 搞到同事做唔到嘢?事主大嘆:我點同客溝通呀?

    • 【2024通脹率】3月通脹率按年升2% 略低於市場預期 煙酒升幅最高?

    刊登招聘廣告
    ;
    Follow CTgoodjobs for the latest career news, hot topics and recommended jobs!
    Maybe Later Follow