【職場熱話】做荀工好定做同本科相關工作好? 網民:讓返個位出嚟畀我哋爭!

【職場熱話】做荀工好定做同本科相關工作好? 網民:讓返個位出嚟畀我哋爭!

有多少打工仔真的「讀嗰科,做返嗰行」?在選擇工作上,大家又會考慮甚麼因素?如果有一份荀工,卻又與自己的專業沒關的話,你會想做荀工還是找本科的工作?還是看人工最重要?

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

有網民在社交平台專頁「奴工處」上投稿分享,以「新手上路,點揀好?」為題闡述自己正面對的兩難局面:「我係FG,返咗一份與本科無關,但叫『絕世好工』﹙AL 15日、Lunch 兩個鐘、返工放工flexible﹚嘅工,同事很好,老細都很好,很體諒。但三個星期之後,收到另一份同本科相關嘅工offer,依家諗緊要唔要辭職,好struggle!」

這並不是一個容易的選擇,各網民都有道理,考慮的因素都非常貼地。

即睇網民回應:﹙按圖了解﹚

-前景邊份好啲先?

-你走啦,讓返個位出嚟畀我哋爭!

-post主返咗3個星期啫,可能有啲嘢未睇清。

-如果你只係啱啱出嚟做嘢,不如就做返自己有興趣嘅工作。個人嚟講,返工除咗搵錢之外,成功感都重要嘅。當然,你喺依度每日都過得好開心,但如果10年後畀人炒咗,你自身有咩價值搵到另一份咁好嘅工?

-比較想知係邊間公司,好想入職!

-真係人生交叉點,以客觀分析,前途、金錢、工作環境、對所在工作興趣呢類條件,自己作判斷。

-有前景使乜走呢?有幾多人真係讀嗰行做嗰行?

-曾經FG返過一份荀工好多年,最後怕缺乏競爭力所以裸辭,依家雖然辛苦,但係有成就感得多,人工倍增。而留低嘅同事日日提心吊膽怕畀人炒。其實好睇你個人要求啲咩,冇一定答案。

-睇前景,也要穩定。

-你當初讀嗰科真係興趣嚟?如果唔係梗係唔好走!好工難求。

-咁正都走,記住返工係搵錢,興趣就上興趣班。

-梗係唔辭啦,大把人返唔係本科嘅工啦!

-如果你之後想跳返出嚟,人哋問起,就真係唔好怨。

 

網民反應兩極 要清楚自己的諗法
有些打工仔指,返工是為錢,當然優優閒閒的荀工最為適合!可是有些有歷煉的打工仔則表示,若只看眼前的舒適,而忽略了前景,其實是一大危機,「你喺依度每日都過得好開心,但如果10年後畀人炒咗,你自身有咩價值搵到另一份咁好嘅工?」

亦有身為過來人的網民分享自身的經驗:「曾經FG返過一份荀工好多年,最後怕缺乏競爭力所以裸辭,依家雖然辛苦,但係有成就感得多,人工倍增。而留低嘅同事日日提心吊膽怕畀人炒。其實好睇你個人要求啲咩,冇一定答案。」

大家考慮到事主的年紀,覺得他有可以闖闖的本錢,鼓勵他做回本科的工作。不過,其實都要考慮事主是否真心喜歡自己本科的的專業,日後的路想怎樣走,說到尾,是要清楚自己的想法!

 

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

延伸閱讀:【轉職故事】前攝影師到老字號銀都冰室學沖奶茶 賣樽仔奶茶延續傳統

延伸閱讀:【全職爸爸】由舞蹈員到全職爸爸 試過凍水開奶、搽錯cream、仲有唔小心……

延伸閱讀:【職場戀愛】男上司同男下屬打機 情到濃時鍚咗啖 網民:快啲表白!

延伸閱讀:【職場戀愛】男上司追男下屬 結局竟然反轉? 網民:sweet過睇BL!

 

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【行業辛酸】以為做cafe好chill? 員工大爆:沖嘢飲、洗碗、拖地一腳踢!

  • 【職場文化】老細鍾意放假突擊返公司 check大家有冇遲到 網民:唔偷懶咪唔怕佢查囉!

  • 【職場熱話】未返工先課金買衫?服裝店sales:返工要畀錢買公司衫真係好貴…

  • 【職場熱話】網民公司褔利排行逐個數 雙糧、生理假、彈性上班邊個最重要?

  • 【職場熱話】工作事事上心冇好結果 網民慨歎:慢慢變成自己初初最憎嗰啲人…

  • 【職場熱話】請假去Staycation 老細要睇酒店証明先批 網民:肚疴請病假咪要影OO?

  • 【職場熱話】打工仔男友超庹縮 學生女友:毫子都要同我計到盡!

  • 【職場熱話】黑雨地盤都要照返工 員工:水浸到要坐艇走!

  • 【職場熱話】「能者多勞」係讚美定懶人嘅藉口?網民:難聽過粗口!

  • 【職場熱話】做藥房都要跑數? 唔夠數要大懲罰:放無薪假、仲有…

刊登招聘廣告