【網絡熱話】月入2萬住100呎劏房 睇唔到升職機會 打工仔:日日都好唔開心

【網絡熱話】月入2萬住100呎劏房 睇唔到升職機會 打工仔:日日都好唔開心

政府統計顯示,現時全港共有超過22.6萬人居於劏房。在樓價及租金高企的環境,有不少人打工仔面對在職貧窮問題。最近有女網民在討論區發文,表示自己獨自生活,月入不足兩萬元,要支付租金、水電煤、飲食、交通費等,每月最多儲一半人工。為了實現她的置業夢,現租住新界一間僅100呎的劏房,居住環境惡劣。堆積了生活及事業種種壓力後,她對人生失去希望,希望其他網民指點迷津。

延伸閱讀:【社會調查】港人平均儲蓄$6600 呢類人居然儲最多錢?

按圖了解事主的處境:

女事主:「畢業唔夠一年,父母及兄長幾年前已經返咗大灣區住,喺上邊發展,唔再理我。我無人無物,雖然唔使畀家用,但係衣食住行都要自己顧。人工唔過二萬蚊,每月開支扣除租金水電飲食交通,儲得一半人工左右。劏房住開最平,三千五蚊月租,不過喺大西北鄉村,出入西鐵站要25分鐘,夜晚無車返要行路。而且得100呎,住得超唔舒服,每日未夠11點都唔會想返去,根本只當間劏房係一個瞓覺地方。但因為長期目標係儲錢買樓,所以唔打算增加租屋開支,只會迫自己死忍。平時無任何消費娛樂,嗜好基本上得跑步。來來去去都係著嗰三幾套平衫,一件衫著三五年。平日放工後基本上都係去快餐店食飯,拎部notebook去圖書館上網上到十點鐘先走人。諗住一世單身,對男女都無咩感覺,無心情同人social,根本唔會想拍拖。因為幾乎零應酬,可見未來有得升職機會渺茫。最近發現人生無希望,睇唔到未來,日日都唔開心,類似處境嘅大家係點生活?」

網民意見:
網民A:咁嘅情況如果有BNO,不如移民去英國重新開始,轉個環境可能你會開心啲。

網民B:如果你做開運動,又真係堅決要買樓,咁你不如考份消防救護咪仲好,點解要打份2萬蚊牛工。

網民C:你又唔結婚生仔,儲乜鬼錢買乜鬼樓?咁辛苦到時退休生活都無得享受,成世人為乜……

網民D:畀多幾千蚊租好啲咪算囉,你儲咁少錢點買,就算有首期都過唔到壓測啦。比你辛辛苦苦供完樓,捱到得返半條命,一個唔好彩死咗,供咗成世嘅樓就送畀政府。

網民E:畢業唔夠一年就話自己無得升?努力做多幾年嘢先再講啦,做人咪咁短視。

網民F:咁你不如畀多啲錢住得好啲,試下培養興趣,搵返啲人生樂趣好過。

網民G:香港地做女仔做到你咁頹真係第一次見,唔好過分追求買樓,單身無子女其實一直租到老都不失為下策。

香港在職貧窮的問題一向嚴重,加上公營房屋供應不足,打工仔要捱貴價租私樓,想找一個舒適的居住環境亦不是易事。社聯早前發表調查報告,發現約有15.8%的劏房戶的實際租金較正常高2成。

社聯估算各區劏房租金︰(按圖即睇)

延伸閱讀:【職場熱話】「社會合格」條件? 月入2萬係基本? 網民:睇銀碼無意思

延伸閱讀:【職涯規劃】26歲中學畢業做清潔工 打工仔︰月入$16500月月清

延伸閱讀:【職場熱話】外賣送遞員最高月入6萬蚊 網民:呢啲辛苦錢唔係人人賺到

如果大家在職場上有不開心想發洩,或是對《勞工法例》有疑難,歡迎投稿給我們,我們會盡量解答你的問題,當打工仔的樹洞!👉 https://forms.gle/o2K2DaZWXzLFhypT7

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related News

  • 【家庭關係】老婆問老闆借首期買樓 對方豪爽借3個月人工 網民:帽事嘅~

  • 【職場熱話】低人工有嘢學定係高人工齋坐?網民激辯:當然錢重要

  • 【網絡熱話】琴行出$18,000請演奏級鋼琴老師 一星期返60個鐘惹爭議

  • 【職場熱話】外賣送遞員最高月入6萬蚊 網民:呢啲辛苦錢唔係人人賺到

  • 【網絡熱話】打工仔發現新同事人工高一截 大呻心理不平衡 網民:你有料咪轉工

  • 【職場熱話】新工加20%人工 舊公司挽留加15% 打工仔陷兩難 新公司竟然……

  • 【家庭關係】住得屋企就要畀家用?網民:唔會同屋企講有幾錢人工

  • 【網絡熱話】返工幾努力都無得升 打工仔感慨:接受自己係平庸嘅人

  • 【網絡熱話】豪宅住戶出價$800請大學生清潔+私補+教琴 網民:你係無知定刻薄?

  • 【職場熱話】Fresh Grad不滿公司出手低 接受Offer後要求加薪無回音

刊登招聘廣告