【網民職場Talk】同事南韓返港僅隔離4天 網民提供另類應對方法

【網民職場Talk】同事南韓返港僅隔離4天 網民提供另類應對方法

自上月25號起,從韓國抵港的港人須接受14日醫學監察,而由南韓抵港的非香港居民更禁止入境。醫學監察措施包括每天量體温及外出時須戴上口罩。而不少企業均要求曾到訪高危地區,或居於確診住宅附近的員工,需自我隔離後,確保並無「中招」才上班。有打工仔於討論區指,有同事從南韓返港,但僅隔離4天,弄得公司上下人人自危……

延伸閱讀:【人才管理】社企員工被要求放無薪假 防疫標準不一增感染機會

隔離僅4天 同事擔心中招
事主表示:「今次真係死梗!公司只係叫佢自我隔離四日,之後就叫佢返工,我同其他同事都好驚呀!敢怒不敢言,又怕出聲之後會無咗份工,點算?萬一有咩事,係會連累身邊所有人…」。事主的同事日前曾到訪首爾一星期,得知公司只建議他隔離4天,不少同事都表示擔心「中招」。

上班及日常生活小心至上
網民紛紛留言,指公司只安排該同事隔離4天實屬不足:「得4日,乜罩都死」、「好大機會中武漢肺炎,師兄小心」、「為你祈禱」。有人認為現時各地均受疫情影響,仍執意去旅行,實在太自私:「呢個時勢仲要去旅行?」、「都唔明啲人仲去旅行」。有人更指出,各地傳染情況驚人,應多加注意:「巴士好恐怖,放工時間超多人搭巴士。有時巴士上聽到有人咳,咁多人逼架巴士,真係估不到有無人有肺炎。上次新聞講,有個大陸人搭兩程旅遊巴已傳染13人」。

延伸閱讀:【人才管理】Apple為員工送上防疫慰問包 內含一項產品令人驚喜

網民建議應對方法
不少人向事主建議應對方法:「戴口罩,小心」、「小心點好,戴好口罩,離遠點」、「顧埋手、衣物好啲。唔小心hi到鼻、眼、口都中招」。儘管公司有高危人士,但事主仍可做足個人衛生以自保:「唯有自保,少同佢接觸,勤消毒雙手。回家立即除衣服,洗澡,在家自我戴口罩,自我獨自在房隔離14天」。有人更提供另類處理方法:「即場咳幾聲,同上司講:『我願意自我隔離一星期』,後補醫生紙」、「畀間房佢做隔離」。
 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!
刊登招聘廣告