【熱話】做主管親力親為 係「以身作則」定「做壞規矩」？

作為領導層，無論工作能力及經驗理應比下屬多，解決困難的能力亦應比下屬更高。最近有網民於討論區發文，指自己作為部門主管會親力親為減輕下屬的工作負擔，但就被其他部門主管認為他「做壞規矩」，令他不知如何是好。

部門流失率高 青黃不接
事主指自己於公司由低做起，才一步步晉升至主管級別，但部門流失率高，下屬（多為年輕人）的交接工作亦做得不好，所以「叫佢地做，又個個都唔識做，識做嘅工作又晚晚做到6點都未做完，影響到其他部門。」他又指，同事不太願意OT，令工作愈堆愈多，他亦唯有繼續親力親為「落手做幫輕下」，但就被其他部門的主管認為他「做壞規矩」，應該要更強硬地叫下屬處理好自己的工作，然而事主就覺得如果再迫下屬工作就會令他們辭職，到時大老闆一樣會認為他管理不善。

帖文一出，不少網民都大讚事主的作風，認為他做好榜樣才可以服眾，而且更應該親力親為「教佢地點做」，讓他們學懂以後就可以放手，再處理自己主管的工作。不過就有其他網民認為另一個主管的說法有道理，因為主管的工作應該是負責安排及督導下屬完成工作，而非替他們「執手尾」，如果再繼續縱容下屬「唔識做、做得慢」，事主只會是個「能力較高同積極工作嘅下屬」，但就無法發揮主管的功能。

網民回應
網民A：「佢地唔識唔做，你又唔鬧唔教，咁你真係會自己做晒所有野。」
網民B：「因為怕人走就唔鬧？唔好睇少班後生嘅抗壓力，有啲真係要間中鬧下先做到野。」
網民C：「你應該諗點樣簡化工作去提升部門效率。」
網民D：「如果你認為公司要求員工嘅工作量合理，而佢地喺合理時間內都未能達標，咁你真係要建議公司請過批人。」

⏩⏩  需要請人？立即刊登招聘廣告！  ⏪⏪