【打工仔辛酸】打工仔請病假 老細即刻話要review工作表現?事主大嘆:點解返工請病假好似有罪咁?

【打工仔辛酸】打工仔請病假 老細即刻話要review工作表現?事主大嘆:點解返工請病假好似有罪咁?

f外科醫生打工仔除了希望升職加薪外,亦都希望自己能夠身體健康,遠離疾病。不過,最近天氣反覆無常,打工仔又要經常出入冷氣地方,容易患病。為求自己能夠盡快康復,打工仔都會申請病假,在家休養。

近日,有網民於連登討論區發文,指責香港職場文化十分畸形,指自己因患病向公司申請病假,但竟遭到老闆指責,老闆更明言會評估事主的工作表現,令到事主大呻「為何打工仔請病假會變成有罪行為」……

延伸閱讀:【2024勞工法例|僱傭合約|解僱原因】10大老闆迫辭職常用手段!架空員工可令其自願離職?

按圖了解網民回應:

事主:我感冒唔舒服請咗2日病假,同老細講完之後,佢即刻話要review吓我工作表現,有時真係唔明點解返工請病假都好似有罪咁……

網民A:呢啲公司即刻辭職啦,對住呢啲老細真係唔使諗咁多。

網民B:樓主你可以send多封辭職信畀佢,順手叫佢review埋。

網民C:唔好話請病假,我請AL老細都畀說話我聽……

網民D:呢啲係老細手段嚟,佢哋就係想將公司營造成「病假都係罪」嘅文化。呢啲工做落去只會辛苦自己,除非人工好好,否則一律建議辭職保平安。

網民E:香港就係咁樣,唔係點做快樂指數最低嗰堆城市……

網民F:其實香港返工文化係咪大部分都係咁?外國就提倡work life balance,行 4天工作同最低工時,香港就個個鬥做奴隸獸、黎生……

網民G:拎張醫生紙出嚟,老細黑面咪由佢。好多老細連AL都唔想啲員工請,同佢講請假去旅行就會黑面、畀說話人聽,但係自己去就好理所當然。

網民H:諗起以前啱啱出嚟做嘢,有晚食完大閘蟹就腸胃炎,請咗日SL。第二日上司話我明知自己腸胃唔好,仲食呢啲高危食物,應該要自己負責任,下次要攞AL。結果唔知係咪報應,之後老細有日去咗食大閘蟹,然後有腸胃炎,佢仲要好似食物中毒咁半身麻痹咗成個星期,衫都要人幫手着,之後佢返嚟即刻同我講對唔住。

網民I:有時臨收工feel到唔舒服,同老細講想聽日請SL,佢哋會唔信,再質問你點解會知自己幾時病;到朝早起身真係唔舒服想請假,佢哋又會話你請得太急、無交帶,真係好難捉摸……

網民J:畢業第一份工做咗9個月,上司有日同我做review,佢話我9個月入面請咗5日SL,咁樣好唔專業,我嬲到下個禮拜直接辭職……

網民K:慣咗香港病都唔敢請假,之後喺外國返工,有次病咗都照返去做嘢,點知畀上司鬧,仲逼我請病假。

延伸閱讀:【職場英語】請病假英文點寫先啱?即睇WhatsApp、Signal、電郵請病假範例(內附常見疾病英文)

對於事主的經歷,不少網民都有所共鳴,表示香港有很多老闆均認為員工既然作為受薪方,理應為公司付出所有,他們亦覺得員工申請任何假期只會令公司有所虧損,因此都會用不同方法壓榨員工,盡可能讓自己付出的薪金物超所值。

此外,網民一致表示申請病假是員工的權利,在家休養可以保護自己和他人的健康,指責事主老闆漠視員工的身體狀況及權利,因此建議事主應該盡早辭職,以免自己因長期待在不合理的職場環境,最終潛移默化,甘願成為「奴工」。

病期Q&A

Q:病假一定有糧出?

A︰病假並非一定有薪。《僱傭條例》第33條指出,「僱員放病假日數不足連續4天者,無權就該等病假日獲得疾病津貼。」從此可見,僱員必須連取4天病假才有權獲發有薪病假。若連續病假天數為3日或以下,《僱傭條例》並沒有規定僱主向僱員支付疾病津貼,所以常見的單日病假是可當作無薪假。

不過,若懷孕僱員因產前檢查、產後治療或流產而缺勤,僱主必須每天支付疾病津貼。根據《僱傭條例》,疾病津貼最低要求為病假首天前12個月內所賺取的每日平均工資的五分之四,意即法律只保障僱員病假薪酬為日均的80%,而非平均日薪的全數。

Q:我請緊有薪病假,老闆可唔可以突然解僱我?

A:除排因僱員犯嚴重過失而將其即時解僱外,僱主不可在僱員放取有薪病假期間解僱該僱員。僱主如違反上述規定,即屬違法,僱主可被檢控,一經定罪,最高可被罰款10萬元。

此外,僱主必須在終止合約後7天內,支付下列款項給僱員:

  • 解僱代通知金
  • 一筆相等於7天工資的賠償款項
  • 僱員應得的疾病津貼
  • 此外,若僱主並非基於條例規定的正當理由解僱僱員,僱員可向僱主提出「僱傭保障」補償的申索。

    Q:我申請病假,但老闆要求我申請年假代替病假,這樣有否違法?

    A:在《僱傭條例》中,並未有以年假抵銷病假的條文,只有說明有薪年假及疾病津貼是分別有各自的申領資格。若員工符合申請連續4天或以上的有薪年假,卻遭到公司扣糧,或無合理辯解下不支付疾病津貼,才屬違法。可見出現時法例並沒有監管以年假頂替病假的做法。

    延伸閲讀:【2024請病假理由】5個「老細最易接受」的Sick Leave藉口?有醫生紙/病假紙都扣糧?

    按圖即看網民公司將病假同事私人物品扔棄經歷:

    延伸閲讀: 【職場熱話】同事受傷要請病假半年 點知平日放lunch見佢送外賣!事主:所有同事敢怒不敢言!

    按圖即看打工仔入院竟被老闆瘋狂問何時出院事件:

    延伸閲讀:【職場熱話】同事話撞車原來係撞到OO車 網民:有醫生紙證明就得啦


    最新專訪片︰

    【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱

    ⏩⏩  需要請人?立即刊登招聘廣告!  ⏪⏪

    Look out for further updates on our Facebook fan page!

    Related News

    • 【會計熱話】Big4有機會變Big3?Big4行業人工、工時同出路好過以前?一文睇清2024年最新big4薪金、工時同發展前景

    • 【員工薪酬】打工仔希望今年加薪5.6% 三分一人意欲轉工?中小企挽留人才關鍵係?

    • 【MBTI】16型人格邊個最高抗壓能力?唔怕畀老細鬧 職場「襟撈王」!

    • 【投行面試】投行面試會問咩問題?一文睇清10條熱門問題!

    • 【Tesla裁員】科技巨頭Tesla傳全球裁員10% 涉及人數料1.4萬人!2名資深高層亦相繼離職!

    • 【職場熱話】同事受傷要請病假半年 點知平日放lunch見佢送外賣!事主:所有同事敢怒不敢言!

    • 【員工福利】一人一個只得自己公司有嘅福利!4天工作周、女士生理假、電費豁免!

    • 【強積金】3月MPF人均賺$3,700 首季每名成員平均賺取$6,000!日股成2024年首季表現最佳資產類別

    • 【2024通脹率】2月通脹率升至1.2% 整體消費物價按年升2.1% 均較1月高

    • 【年度評核】Appraisal 爭取升職加人工失敗 千祈唔好黑面兼反枱!

    刊登招聘廣告
    ;
    Follow CTgoodjobs for the latest career news, hot topics and recommended jobs!
    Maybe Later Follow