Next
【兩性關係】丈夫要求介紹女同事畀佢識？打工仔：係咪一種語言暴力？
【兩性關係】丈夫要求介紹女同事畀佢識？打工仔：係咪一種語言暴力？
2024-01-15
夫妻的相處向來都是一門學問，應該如何維持彼此的關係，很多人都在尋找屬於自己的良方。無傷大雅的笑話，能夠增進夫妻之間的感情，但有些事情絕不能拿來開玩笑，即使關係再好，也會受到影響。
延伸閱讀：【聖誕節】27%人承認曾與同事搞上！邊個職業最可能與同事發生一夜情？
在台灣網上討論區Dcard有打工仔分享，指丈夫經常要求自己介紹女同事給他認識，事主曾經向對方表達不滿，對方卻表示只是開玩笑，沒有別的意思，網友不禁問到：「你有必要委屈自己跟他一輩子嗎？」
點圖了解更多事主經過：
1/我老公經常要求我介紹公司女同事畀佢識，嗰位女同事係後生、對腳好長、身材好，加上好靚女嘅類型。
2/喺結婚之前到而家，佢都將呢個話題掛喺嘴邊，我成日都同佢講：「唔該你唔好再講啲咁嘅嘢，我好介意，接受唔到」，佢都話只係講笑，無其他意思。
3/我老公平時如果喺街邊見到打扮性感嘅靚女，佢都會一直望住，仲會同我講，有幾正，有幾性感之類。佢話呢啲係開玩笑，但我完全唔理解有咩咁好笑。
4/呢個情況維持咗幾年，我越來越自卑，會諗自己點解無啲女仔咁後生、咁瘦、對腳咁幼、塊面咁精緻，亦都好討厭自己做唔到好似啲女仔咁。
5/最近一次我老公喺收工時段搭車嗰陣，見到企斜對面嘅年輕OL掛住張電視台員工證，老公係咁叫我幫佢望吓個OL嘅名，話好想知道人哋叫咩名，我嗰陣覺得好難受，唯有將個頭擰開拒絕佢嘅要求。老公不停要求我咁做，我就堅持Say no，直到落車為止。
6/返到屋企，我即刻衝咗廁所，忍唔住喊咗出嚟，望住自己甩嘅頭髮，以及生出嚟嘅白頭髮，更年期為身心帶嚟嘅變化，而我就咩都做唔到，喊到崩潰，於是就走出去同老公對質。
7/我同佢講，忍受唔到啱啱喺搭車時發生嘅事，佢居然理直氣壯話係想識個電視台OL，覺得對方對佢事業有幫助。我好心痛，但都將我見到嘅嘢話咗畀佢知。
8/結果唔到一個星期，我老公又突然指住印有我公司女同事樣嘅印刷品，同我講：「你介紹呢個女同事畀我識啊，唔係嘅話，呢個都OK！」
9/我想問咁嘅行為，算唔算係語言暴力嘅一種？我同佢講，如果你鍾意嘅話，我會努力變成佢哋咁，我真係好討厭咁樣嘅自己。
10/呢段婚姻關係裡面，我感到好大嘅無力感，又好無助，我應該點算好？
網民回應：
A/你都話結婚之前已經係咁，點解仲會想，同佢結婚……
B/呢啲人真係無藥醫，你有必要委屈自己跟佢一世咩？
C/點解要為咗一個唔尊重你嘅男人委屈自己，改變自己，變成你討厭的自己？就算係變成佢鍾意嘅樣都好，如果佢話睇厭咗，咁你點算？我係你嘅話，我實會同佢嚟個最後通牒，簽好離婚協議書放定喺度，佢再講埋呢啲嘢就拎出嚟畀佢簽。
D/佢根本完全唔在意你感受
E/一睇就知佢唔安份守己，請你「以其人之道，還治其人之身」，叫佢介紹公司嘅靚仔畀你識。
F/唔怪得佢會睇你唔起，你唔對自己好，邊個會對你好？
延伸閱讀：【職場兩性】女同事專門在公司搵對象 原因是避免男朋友ＸＸ？
彼此尊重與了解
夫妻之間想維持一段良好的關係，必須要尊重並諒解對方，善用溝通技巧。好像事主的情況，應該認真向對方說明，這種玩笑讓他感到不舒服，要求對方不要再用這種事情開玩笑，讓他了解到事情的嚴重性。如果在談判過後，情況依然沒有改善，就該考慮應否繼續維持這段關係。始終顧及自己的感受，愛護自己，比任何事情都重要。
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!