Next
【辭職學問】上司唔肯寫reference letter畀下屬 搞喊同事！網民：其實有OOOO咪夠！
【辭職學問】上司唔肯寫reference letter畀下屬 搞喊同事！網民：其實有OOOO咪夠！
2023-05-04
不少打工仔在辭職轉工的一個階段時，都想好來好去，希望可以獲得上司的一封推薦信（Reference Letter）！不過並不是所有上司都如此慷慨，同樣地，不是每一位員工都值得推薦，那如果沒有推薦信，對於轉工是否很不利呢？
延伸閱讀：【職場文化】你身邊有冇「職場巨嬰」？苦主大哭訴：伸手黨唔用腦、冇禮貌、多藉口…
有網民在社交平台專頁「奴工處」上投稿，指：「同事轉工所以辭職，佢想主管寫reference letter，主管竟然話覺得冇需要寫！」當覺得主管很不近心情時，有些網民反覺得沒所謂，因為比起reference lettter，其實有另一種文件都可以令你的求職過程順順利利！
即睇事主分享及網民回應：（按圖了解）
事主：「公司不明文規定做滿一定年資先有得升，最低門檻係7年，仲要睇個主管鍾唔鍾意你。個小氣鬼主管平日已經對一啲唔擦佢鞋嘅初級員工串串貢，年年人工加得百幾蚊，慘過地底泥，總之唔得佢歡心就連呼吸都係錯。公司冇得升職，有個男同事搵到好工自然劈炮，好聲好氣想個主管寫個reference letter畀佢，都唔望寫得靚仔，但求做咗5年冇乜大過，先想個主管循例寫返張，個小氣鬼答話覺得冇需要寫，因為個同事已經有next offer，賤到冇人有，個同事真係喊出來。」
網民：「佢連reference check都唔使就已經收到offer，咁就搵HR寫 proof of employment 得喇，上司張reference可有可無。」
網民：「上司個reference letter 只係錦上添花，我唔想寫畀你未唔寫囉，總有呢啲人。又或者樓主嘅工作表現麻麻哋，佢唔想寫都可能。我都試過拒絕一位做得麻麻哋嘅intern 要求，淨係同佢講公司唔畀個人名義出。」
網民：「我前同事自己離職，係無問直屬上司寫reference letter，因為真係唔值幫佢寫，所以佢只係搵HR要 employment letter。」
網民：「明顯撈亂離職證明同reference letter！Reference letter 寫得唔靚寧願唔要，有封唔靚仔reference letter 仲慘過無，做奴工都醒啲啦！」
網民：「我做咁多年嘢，都未問過上司攞啲咁嘅嘢。HR張工作証明夠做有餘！」
網民：「其實法例無要僱主寫工作證明，有稅單、出糧紀錄。最多只可以講主管無乜人情味。」
網民：「年年加得幾百都做到5年，你同事都幾好恰！」
網民：「其實有張HR出嘅工作證明都夠喇！又唔係要推薦信讀書。」
網民：「張reference letter無乜用，有幾多HR會睇。叫人事部出張工作證明，證明你幾時幾刻返工就ok。」
網民：「有糧單、合約、人事部嗰張夠，除非你見高層。」
網民：「係咪對reference letter有咩誤會先覺得一定要寫？」
網民：「其實reference letter係HR出，證明你幾時到幾時喺公司做、咩post，同係你主動resign，唔係被炒。上司真係唔係應份寫畀你，有嘅係bonus，而且真係無咩用。」
有OOOO就足夠？
其實大部分網民都搞錯了「推薦信」（Reference Letter）與「離職證明」，有網民出：「唔寫reference letter 就『賤到無人有？』定你哋搞錯Reference Letter 同離職證明呀？」並有不少網民都指其實有HR出的離職證明就已經足夠，而事主的同事已經有offer，就更加不用介懷那封reference letter了！
其實「推薦信」和「離職證明」是兩種不同的文件，它們的目的和內容也不同。
推薦信是寫給潛在僱主或其他機構的一封信，目的是向對方推薦一位申請人。推薦信通常由申請人的前僱主、老師、教授或其他人士撰寫，用於幫助申請人在求職或升學過程中獲得優勢。推薦信應該包括對申請人的評價、優點和能力的具體描述，以及對他們適合申請的工作或學習機會的建議。
離職證明則是由一個公司或組織簽發的文件，證明一名員工已經離開了該公司或組織。這份文件通常包括員工的基本信息、工作職位、離職日期、工作表現的總體評價等。離職證明通常是申請人在找新工作時需要提交的必要文件之一，以證明他們的工作經驗和離職情況。離職證明的主要目的是確認離職事實，並提供必要的背景信息，而不是提供對員工的推薦或評價。
延伸閱讀：【職場文化】你身邊有冇「職場巨嬰」？苦主大哭訴：伸手黨唔用腦、冇禮貌、多藉口…
延伸閱讀：【電郵範本】想email叫同事幫你做嘢 除咗講Thank you 仲要注意咩？
延伸閱讀：【職場文化】返工返到好辛苦 想同家人講捱唔住、想祼辭…有冇人都係咁？
延伸閱讀：【見工面試】求職者被問「點解會想轉工？」要點答先好？即睇5個貼士！
最新專訪片︰
【星級斜槓族】Shirley陳欣妍積極經營YouTube展現最真實自我 孖男友沈震軒升呢健身室老闆
Look out for further updates on our Facebook fan page!
Follow CTgoodjobs for the latest career news, hot topics and recommended jobs!