【轉工跳槽】公務員薪高糧準福利好咁都想辭職？打工仔：但呢個位好惡做！

2023-11-14

政府公務員薪酬水平逐年「跳point」，福利也相當不俗，因此吸引不少人爭「鐵飯碗」。根據2023年聯合招聘考試（JRE）的申請數據顯示，共有超過2萬人爭取306個公務員職位空缺，競爭十分激烈。

不過，一名任職公務員的網民日前卻在連登討論區發文，直言工作壓力十分大，想到在政府內捱下去感到十分絕望，打算辭職，趁早轉到私人市場工作。

按圖即了解事主分享和網民回應：

事主：政府工辭唔辭職好？我喺政府做咗幾年，但而家個位好惡做，又大壓力又難捱，諗到嚟緊仲有成30幾年捱，日日都想辭職。但而家轉出去出面私人市場，又唔容易搵工，因為我讀冇專業技能嘅學位，好苦惱，辭唔辭好？

網民A：你做政府工都受唔住壓力，私人市場9成收皮。

網民B：你呢世仲有冇機會搵到咁多？係人都知政府工overpaid。

網民C：入紙等調部門囉。

網民D：做住等，而家出面個招聘市場好靜。

網民E：考第2個政府post。

網民F：唔求升職，其實做到好hea都冇你辦法。

網民G：我由政府工轉私人公司，間間都有提出concern，擔心政府出嚟嘅人未必受到壓力，覺得政府出嚟嘅人係廢。

網民H：唔覺做政府工係廢人，但覺得佢哋個人冇咗靈魂，唔會有創意。

網民I：唔係讀專科都幾難搵得多過做政府，無謂同錢過唔去，同埋私人市場都唔一定好做。

大部份網民認為事主不應該辭職，因為政府工作機會可遇不可求，私人市場的工作也普遍比政府工辛苦，工資水平也不可觀。同時，網民指出現時私人市場的工作機會少，市場競爭大，事主非專業學位的出身並不吃香，日後也較難找到滿意的工作。於是，有網民建議事主若然感到工作壓力大，倒不如考慮申請調到其他政府部門工作。

返工唔開心辭職冇用？最緊要改善心態？

打工仔做定期收息嘅錢仲多過返工？

Get latest jobs,career news and
job invitations on-the-go.