Next
【讀者投稿】公司衣着要求勁嚴格 短裙、短褲要及膝、鞋要有包踭 網民：有冇風紀捉？
【讀者投稿】公司衣着要求勁嚴格 短裙、短褲要及膝、鞋要有包踭 網民：有冇風紀捉？
2024-02-27
大家的公司有沒有上班衣着的要求？有些需要專業形象或需要見客的行業，都會要求員工以正式或smart casual的形象上班，因為這間接是代表公司的形象，所以較為嚴謹，亦希望員工有所自覺。不過有些公司嚴謹的程度更加是規定員工不可穿甚麼，有集詳盡的指引，令員工不禁憶起學生時代的校規……
延伸閱讀：【MBTI】邊個MBTI人格智商最高、工作最醒目？即睇頭10名IQ王！
讀者Celia投稿，指自己的公司對女同事真的非常嚴苛，實在令她嘖嘖稱奇的地步，她在一間公司做文職工作，平時根本不用見客，不過自從前幾個月換了上司後，新上司突然要求大家由便服上班改為要smart casual形象上班，更加多多要求，彷如每天都要被檢查校服一樣……
即睇事主分享及網民回應：（按圖了解）
事主：「首先，我覺得我哋成班都唔使見客，都唔知着smart casual畀邊個睇！但smart casual都唔緊要，我自己鍾意襯衫，其實都覺得係一個樂趣嚟，點知！個新上司都唔知係活喺邊個年代，佢對smart casual好多限制！女仔着短裙要及膝，連一啲西裝短褲都要及膝先令我最驚訝！童軍呀？同埋鞋要包踭，即係而家有啲皮鞋款嘅拖鞋款loafer slippers，就算個樣都幾正式，但都唔畀着！涼鞋又唔畀着、見腳趾嘅高踭鞋都唔得！
一開始都唔知佢咁多rules，大家日日返工就畀佢捉呢樣嗰樣，又話捉夠5次要出warning，唔講我以為自己返緊中學！講真，咁多規限又冇fashion sense，佢不如整套制服畀大家着仲好！
仲有！我想講嘅重點係，原來呢啲都唔係HR嘅意思！HR有日都好不解咁同我哋講，唔知點解要咁做……呢個上司係咪太得閒？！」
網民：「其實佢係咪想炒晒你哋，要求大家着smart casual只係一個手段。」
網民：「勁喎！咁多要求，勁過學校啦！佢會唔會指派啲同事做風紀捉人裙短？」
網民：「日日畀佢捉，佢都真係幾得閒，好想知佢本人點着，係咪Mr. Bean咁日日一樣？」
網民：「吓！仲以為HR要求，咁你上司會唔會捉埋HR着短裙？」
網民：「不過我又覺得啲裙同褲唔好太短都啱嘅，保障大家啫。」
網民：「要求大家着smart casual係着畀佢個人欣賞！」
網民：「好煩，我真係寧願着制服，唔使用腦，日日一樣。」
網民：「捉夠5次出warning！乜有權咁樣做咩？」
網民：「有冇唔畀gel頭、唔畀染頭髮？你上司可能做開風紀大隊長！」
網民：「佢嘅smart casual唔讓註明返係80年代smart casual。」
網民：「你老細可能想玩復古！笑死我啦！咁掂啦！你搵個大墊膊西裝着返去，睇吓佢歡唔歡喜？」
網民：「訓導主任嚟！着制服啦咁煩！」
便服還是制服？
根據網民的意見，對於公司衣着要求的嚴格度，意見不一。有人認為遵守一些基本的規定是有必要的，以保障整體形象和專業性，而有些人則感到這樣的要求過於繁瑣和限制自由。此外，有網民認為上司可能有其他目的或個人喜好，而要求這麼多限制。
着便服上班的好處：
．彈性和舒適：便服上班讓員工有更大的自由度和舒適感，可以更輕鬆地處理工作。
．個人風格表達：便服上班可以讓員工展現自己的個人風格和品味。
着便服上班的不便：
．形象和專業性：在某些行業中，正式或smart casual的衣着可維護公司形象和專業形象，對於與客戶或外部人士的互動尤其重要。
．不一致性和混淆：若每個人都有不同的理解和標準，可能導致衣着不一致，產生混亂。
着制服上班的好處：
．一致性和專業形象：制服確保每個人以統一的形象代表公司，有助於建立專業形象。
．減少煩惱和決策：制服消除了對衣着選擇的煩惱，節省了時間和精力。
着制服上班的不便：
．個人風格和自我表達：制服可能限制了個人風格和自我表達的機會。
．不適應不同場合：在一些場合可能需要不同的服裝，制服可能無法適應這些變化。
建議事主面對這樣的環境，可以考慮以下做法：
1/與上司溝通：嘗試與上司討論這些要求的理由和目的，以了解其背後的考慮和期望。2/遵守規定：盡量遵守公司的衣着要求，以避免可能的衝突和問題。
3/提出建議：如果事主覺得某些要求過於苛刻，可以嘗試提出合理的建議或變通方案，以改善這種情況。
4/盡量適應：努力適應這樣的環境，並尋找在限制範圍內表達個人風格的方式。
最重要的是，事主應該保持專業態度，努力履行工作職責，並與同事和上司建立良好的溝通和合作關係。
延伸閱讀：【MBTI】邊個MBTI人格智商最高、工作最醒目？即睇頭10名IQ王！
延伸閱讀：【職場熱話】逢40歲就唔請？網民：香港公司有年齡歧視 35歲都難搵工
延伸閱讀：【勞工合約】返新工被合約嚇倒 無試用期、離職通知期半年 網民：多數超惡頂
延伸閱讀：【職場蓄儲】30歲返咗10年工 都只係儲到5位數錢！事主嘆：唔投資嘅話係咪呢世都儲唔到錢……
最新專訪片︰
【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!