Next
【見工面試】工作能力合格但因●●而不獲聘用 網民：外觀要配合企業形象
【見工面試】工作能力合格但因●●而不獲聘用 網民：外觀要配合企業形象
2022-11-18
給予企業一個良好的第一印象是見工面試重要的一環，得體而有禮的形象或多或少會增加獲聘用的機會。雖說在實際工作上，能力較外觀重要，但若外觀導致失去聘用機會，就算能力出眾也無用武之地。最近，有名打工仔到「香港討論區」發文，談及其公司招聘過程，指HR認為某求職者各方面都合格，但卻因一個外觀問題淘汰了該求職者。
延伸閱讀：【面試攻略】見工被問上一份工離職原因 6大模範答案得HR歡心
即睇發文者分享及其他網民回應：（按圖了解）
發文者：有個位請緊人，公司HR話有個人嚟見工，其實各方面都算合格，唯一最大問題係染咗好金嘅頭髮。HR覺得觀感唔係太好，雖然份工唔使成日出去見客，但HR覺得咁樣嚟見工都好無誠意，點解唔染返黑先？所以最後決定唔要佢。你覺得HR算唔算保守？我覺得有少少，不過成間公司都無人染到咁，唔通為咗佢破戒咩？
網民：呢個理由？！個HR咩年代呀？連染髮都接受唔到……
網民：如果染得好睇，又唔使見客，可以接受。依家又唔係返學……
網民：唔係淨係返學唔可以染頭髮，出嚟做嘢都有好多規矩，當然你可以執著，但見工選擇就會少咗……
網民：其實而家都應該無咁高要求，不過係有啲HR會歧視。
網民：唔染一定無問題，染咗可能有問題，就係咁簡單。
網民：唔使成日出去見客，即係都要見客，client facing role又真係爭啲喎……除非你公司係fin-tech、e-commerce、crypto之類，咁可能會inclusive少少。
網民：睇吓係做乜嘢工啦，如果係creative嘅嘢都OK嘅。
網民：銀行的話，我都唔會對住個金毛傾我戶口裏面十幾萬點用啦……
網民：對實質工作唔大影響，但係而家請人都要判斷面試者能否融入公司文化，金毛去見工即係買大細，博取公司文化比較接受咁就唔好……
網民：睇吓乜公司，貿易公司、保安之類係接受唔到，保險、豬肉佬應該過到。
網民：打扮突顯個性。如果個性同公司裏面原本嘅員工爭太遠，恐怕入咗職都融入唔到。
網民：HR唔會咁笨叫人染返黑頭髮，因為會被人投訴，所以有經驗嘅HR唔請你一定唔會同你講原因。
網民：我試過相反嘅經歷，本來我喺間港資公司打緊工，衣著傾向平實，呢個係公司要求，而且個個同事都係咁。有次放咗公去見recruitment agent，佢話有份工，外資公司嘅，同一行業同一工種，一樣唔使見客。Agent叫我，如果有得in，唔好著到咁老土，要著得型啲。
網民：HR，尤其啲HR阿頭，特別執著一啲佢地認為基本嘅嘢，好似上次我去見工，個HR阿頭都就好介意我空白期長，言語間我feel到佢唔想請我，不過佢最後都交畀dept head去決定，dept head話請，我先有得入去做。之前做完第一次Appraisal，我得分好高，基本上我入職後工作態度同能力係得到認同，但如果當日由個HR阿頭揸主意，我一定入唔到嚟，公司會少咗一個幫到手嘅員工。
外觀衣著要合乎職位 網民：金毛見工如買大細
雖說發文者認為公司的HR有點保守，但多名網民回應表示職場甚少希望員工標奇立異，相關決定不無原因。其中一名網民直言「幾十歲人仲染到成頭金毛似咩鬼」，整個感覺令人感到不成熟，猶如「MK仔」一樣。
不過，有人則指企業是否介意染金毛視乎業務性質，例如：創意行業要突破傳統，未必介意金色毛髮；但銀行等傳統行業，染金毛未必可令客戶放心。雖然網民不否認金毛見工也可成功，但這如一場買大細賭博，因為面試前不會知道面試官對外觀的取態。
總括而言，網民認為外觀要配合企業體統，合乎申請職位的形象，這才能令面試官有意更深入了解求職者。
面試穿西裝好老土？可嘗試參考10大面試穿搭法則，即使穿闊腳褲同樣大方得體！（按圖了解）
延伸閱讀：【求職攻略】面試最後問咩好？人工？福利？最不應該問的問題
延伸閱讀：【面試技巧】拆解銀行見工常見Apt test題型及系統 有4個貼士幫你順利過關
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!