【見工面試】家庭與工作怎平衡？ 獵頭教路：要OO咁答

 成得獲得面試的機會，但又不懂得應付面試官的刁鑽問題，可以怎辦？這次久保為大家帶來一個在面試中，婉如「阿媽同我跌落水你救邊個」的世紀大難題，就是：

 「家庭與工作怎平衡？」

 作為求職者的你，又會如回答？

 延伸閱讀：【職場兩性】打工仔初嘗交友App 淨係識問食咗飯未 女網民：仲煩過我阿媽！

撰文：久保

好友丹爺同我求救，話我聽佢收到上星期啱啱識嘅95後女朋友一個WhatsAppMessage，問如果自己同男朋友阿媽跌落水，男朋友會救邊個先？

 呢條千古難題真係難答。

按圖了解久保分享：

+10

+9

一啲過於醒目嘅Candidate，會選擇隱瞞，話自己單身，同老闆講：「我依家想Focus喺事業度，暫時唔考慮愛情。」不過始終紙包唔住火，他日畀老闆知道你結咗婚，你估佢會點樣？比較大體嘅答案，有人會講：「其實屋企都有工人姐姐幫手照顧小朋友，正常我都應該可以處理得到。」、「小朋友已經大個，有老爺奶奶同埋老公睇住，長時間工作同埋Travel完全冇問題。」

試過幾年前自己有個Candidate，佢同老闆講：「我唔介意工作到兩三點鐘，只要我可以中間抽兩三個鐘頭返屋企同我小朋友做功課、煮飯畀老公食，我唔介意佢哋瞓咗之後再返嚟公司做嘢。」最後成功畀佢攞到Offer。我仲聽過一個好爆嘅答案：「老闆，呢度係香港。我哋冇家庭只有工作；我哋冇生活只有生存。我會好好打好呢份工。」最尾個Candidate都有Offer。

其實答這條問題嘅時候，需要逆向思考、將心比己諗吓老闆做咩要問你呢個問題，佢只不過想睇你有冇急才同埋人生觀係點。正如女朋友問你想救邊個先一樣，永遠都唔會有一個正確嘅答案。雖然我有一個答案係萬試萬靈，不過萬試萬靈都需要一樣嘢去支持，就係「真誠去答」。

（本文由受訪者提供）

 久保
從事獵頭工作近十年、並一直有提供Career Coaching服務，平時喜歡在社交平台「全職獵人」專頁與網友分享獵頭界奇人異事，並喜歡教大家搵工技巧。

延伸閱讀：【職場兩性】打工仔初嘗交友App 淨係識問食咗飯未 女網民：仲煩過我阿媽！

延伸閱讀：【職場兩性】男友40歲創業失敗、工作不穩 女網民：唔想一齊中年失業

延伸閱讀：【職場兩性】收入比男友多兩倍 女事主：佢份工冇前景 一諗將來就…

延伸閱讀：【讀者投稿】耐心教、用心幫 點知新同事突然補水即走 同事：畀佢一鑊翹起

⏩⏩  需要請人？立即刊登招聘廣告！  ⏪⏪