【見工面試】傾得開心實請？ 見工時老闆暢談發跡史 網民：搵定下份工啦

見工時求職者和面試官的對話，很影響個人評價。所以求職者十分在意面試過程，如果和面試官對談順利，甚至有講有笑的話，他們難免會有期待。有網民在香港討論區發文，指自己到一間律師行見工，獲老闆親自面談40分鐘，對方卻甚少提問，更大談自己發跡史。他見狀向網友問道是否有機會獲聘，惟不少網友認為機會不大，建議預早搵下一份工。

延伸閱讀︰【面試攻略】打工仔Second in完翌日就想知結果 幾時問？點樣問最好？ 網民：唔好咁心急

按圖了解事主、網民分享：

+11

+10

事主：「見完工，個老細叫我返去等電話，話睇埋其他人見工。當時覺得有8成機會，老細親自見40分鐘。好搞笑，佢唔問我上一份工嘅工作內容、經驗。佢講嘢時間仲多過我，分享自己其他生意，講自己點發跡，有問過我覺得做呢個職位要咩特質/技能/條件之類，我覺得表現唔差㗎！呢間公司都唔錯，都係普通律師樓仔，唔大間，目測就十幾至二十人。但過咗幾日都未有電話，依家覺得5成機會。」

網民A：通常一星期，最重要覺得自己表現如何？有誠意對方係感受到，我都試過覺得應該都冇機會，但突然打畀我。

網民B：咁好明顯唔係有心請人……講自己點發跡之類！？你搵下份工仲好，唔好浪費時間等佢電話……

網民C：畀啲信心自己，我見醫院文員要等十個星期。

網民D：我同事試過老細分享生意，最後冇請到……你話你有幾多成呢。

網民E：律師樓依家生意超差，長期出post，請咗都可能好快搵過份。

網民F：通常等1至2星期，又有可能會有SECOND IN。

網民G：唔知你見間公司有幾大規模，有啲大公司閒閒哋等兩星期以上先有聲氣，一啲都唔出奇！搵工總之有工就見，見成就返，唔使等某公司回覆至搵另一間。

網民H：好明顯，佢說話嘅意思，你唔係佢哋第一選擇，經驗話畀我聽，就算請，都可能要Second interview，不過應該有10%想請你……

網民I：叫你上嚟聽故事，唔使錢。平時律師秒秒鐘收費。喺朋友面前曬命，再本事嘅大有人在。搵女朋友吹水，成日聽到瞌眼瞓。叫你上嚟聽，你又唔會駁嘴，專心聽又唔夠膽瞌眼瞓。抵到爛！

網民J：冇期望就冇失望，若然樓主是Mr、Ms. Right，應該會盡快聯絡，例如做second，樓主是人才的話，間公司都驚走寶。

網民 L：多數等1至2天，過3天就再搵過。睇工種，大行的可能要check信用會遲啲，我見過馬會就係咁。

相信不少打工仔都有「返去等消息」的經驗，無論最後請不請，HR很多時都會說這一句，所以求職者不應因此灰心或開心。每一間公司都有不同程序，HR甚麼時候出offer沒有特定答案，公司規模愈大，程序、涉及的人事愈多和複雜，加上要聯絡不同應徵者，最後可能花上一星期以上。

現時不少公司會在招聘資訊及面試提到，如某個時間內沒有收到通知，將被視為落空，讓求職者可以參考判斷。當然亦可以像其他網民所講，同時申請不同工作，為自己增添一點選擇。

延伸閱讀︰【見工面試】HR小動作可預測面試成功？扮友善？ꓳꓳꓳ走不掉？

【見工面試】咩玩法？Offer彈弓手？！事主：乜而家請人咁兒戲？

+12

+11

延伸閱讀︰【辦公環境】打工仔唔適應辦公座位缺乏私隱 網民建議：買塊屏風圍住自己

【職場熱話】同一日收到兩個offer 應該揀錢定揀興趣好？網民：唔好後悔一世

+16

+15

最新專訪片︰

【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！

⏩⏩  需要請人？立即刊登招聘廣告！  ⏪⏪