Next
【職場理財】25至30歲要儲幾多錢？網民：至少要有6位數字！
【職場理財】25至30歲要儲幾多錢？網民：至少要有6位數字！
2024-02-23
正所謂「積穀防饑」，人需要為未來作準備，以備不時之需。打工仔都知道儲蓄越早開始越好，不過總是知易行難；假如有初步目標，能否幫助打工仔在理財之路上邁進一大步？
有台灣打工仔在網上討論區Dcard分享煩惱，指自己今年25歲，存款卻只有0元，對理財感到迷茫，網民都紛紛分享個人意見，有人認為「至少要有6位數字！」
點圖了解更多事主分享：
事主：「如題，我今年25歲，但一蚊存款都冇，都係『賺咁多，使咁多』嘅狀態，然後我身邊嘅朋友都係差唔多；觀察我另一半同佢嘅朋友就唔一樣（我哋差2歲），佢哋份工越換越好，人工當然都係越嚟越高，都好識儲錢、投資理財，完全同我係兩個世界。
不過觀察其他人，先驚覺我完全冇儲錢，投資理財嘅習慣，都唔知自己喺30歲之前應該要儲幾多錢好？題外話，觀察嗰陣先發現而家好多人都係月光族，屋企本身條件好好，先會比較儲錢規劃投資理財，請問而家嘅人真係咁嘅狀態？」
網民回應：
A/我係唔用腦嘅三分法，1/3存款、1/3投資玩樂、1/3所有開銷，家庭正常冇太異常負債，都用呢招就好，都唔需要睇你月收到底幾多，就算基本薪酬都得，都可以睇清其實你有資格過嘅生活係咩等級。
B/比上不足比下有餘，睇你想過邊種生活啫。
C/唔使講家庭條件好先有理財規劃，而係有冇意識到儲錢同未來。我屋企條件好差，出社會先有意識要儲錢，斷斷續續身體出現問題，先可以好好休息，只要肯儲錢，都係咁嘅開始。
D/你係女人真係冇乜人在意你儲幾多錢，只在意娶你要付出幾多。
E/有啲好奇，你有冇諗過未來老嗰陣啲錢要點算？
F/我同你一樣25歲，存款300萬台幣（約766,036港元），有主業同副業，都有投資理財，娛樂費用主要用喺外遊（1年2至3次左右）。
G/如果一個月冇辦法儲到1萬（約2,553港元），咁至少都要強迫自己儲5,000台幣（約1,276港元），所以由啱啱出社會到30歲至少要有40至45萬台幣（約102,138至114,905港元）？
H/如果突然有咩事，冇咗份工都有生活到半年到1年嘅備用金，我至少要有15至20萬台幣（約38,301至51069港元），唔係突然有咩事，冇錢會好慘。
I/呢啲目標每個人都唔一樣，何必咁限制自己，不過儲多啲，有咩意外，你會覺得慶幸。
J/至少50萬台幣（約127,672港元），喺30歲之前，有啲錢可以畀到未來自己有選擇權。
對於事主的提問，網民都提出自己的個人經驗。有人指自己會將收入分成3份，至少有1份用作存款之用。聽畢事主的分享，有網民認為他比上不足比下有餘，只視乎他想過的是甚麼生活。
事主曾提及個人認為家庭有經濟條件，才會有儲蓄、投資及理財的習慣，有人反對事主的論點，認為這都在番事主有否存款及未來的意識。每個人對於存款的需要都不一樣，與其跟隨別人定下的目標，不如審視個人日常消費習慣，撇除必需數額外，嘗試省卻不必要的費用再存起來。
怎樣審視消費是否值得？（點圖了解更多）
即睇6大財務治療師嘅慳錢秘訣！
延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者
最新專訪片︰
【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!