Next
【職場熱話】20歲女難頂公司是非但覺薪酬高唔願轉工 網民：18K都高薪？
【職場熱話】20歲女難頂公司是非但覺薪酬高唔願轉工 網民：18K都高薪？
2022-09-05
職場生活難免有不如意事，不少人認定由女性主導的工作團隊較容易充斥是非。初出茅廬的打工仔面對流言蜚語或會選擇默默承受，為了薪酬而接受無理評論甚至指控，但心中卻留下了一道傷痕。
最近，社交媒體專頁「奴工處」有一名20歲的服務業女從業員投稿，表示自己受是非中傷，並感到龐大工作壓力，但卻因為「高薪」而承受種種惡劣狀況。
延伸閱讀：【職場八卦】同事成日喺公司廁所講人是非？網民：聽得好開心
即睇事主分享及網民回應：（按圖了解）
事主：小妹20歲頭，而家第一份full time做服務業，要輪shift，人工18K，貪佢好paid。但女人多是非多，返得唔開心，壓力大到發夢都返緊工，每日起身諗到要返工就好想辭職。試過搵過出面嘅工，就算Office又好其他服務業都好，人工始終都冇咁高，搞到唔捨得走。好辛苦，你哋會點做？
網民：18k叫好paid？多啲睇下招聘啦！就算唔敢跳或唔啱做都好，擴闊眼界啦！
網民：轉工作找份開心又健康嘅，加油！
網民：做得唔開心，幾多錢都無用！搵到工即走啦！
網民：咁後生，不如學啲專業技能，18K唔難搵！
網民：第一份工唔使咁緊張，做夠一年唔高興咪走！
網民：趁20歲仲後生，大把機會跳工啦！18K其實唔算多。
網民：人生流流長，18K係小數目，人生先係重點。返到討厭生活咁，幾多錢都補唔返。年紀細、冇乜負擔咪試多幾份工，年輕開心先係最緊要。
網民：其實office都可以好恐怖。可能調整一下心態，睇吓自己免疫力會唔會高咗囉，高咗就覺得佢哋原來好傻同浪費人生。
網民：學吓邊啲人唔使理。
網民：度度一樣，要學識裝聾作啞。
網民：人多必然口雜，即使轉工有機會遇到相同情況，只係睇你遇到口多多嘅人，定係還是真係心地唔好嘅人。
網民：其實男人堆還是女人堆都一樣可以大把是非，但總有好人嘅，不過返工對人都唔好太大期望……
快樂工作或需調整心態 網民指18K不算多
眾多網民鼓勵事主要開心工作，趁20歲還年輕，轉換工作也沒有所謂，但同時提醒她每個職場都會有流言蜚語，即使是「office工都可以好恐怖」，要「學吓邊啲人唔使理」。
另有一批網民著眼於薪酬方面的討論，認為18K薪酬對於輪班工作的打工仔並不吸引，勸告事主多看招聘廣告，尋找心儀工作。普遍人覺得，工作令自己討厭生活並不值得，精神健康損耗是「幾多錢都補唔返」。
輪班工作影響員工健康與精神，不少企業會提供輪班津貼（shift premium）作為補償。18K人工是否合理，相信還是見仁見智吧。
返通宵更命都短幾年？堅守以下5個原則捱夜不傷身（按圖了解）
返工壓力爆煲！以下9種方法紓緩工作壓力（按圖了解）
延伸閱讀：【職場熱話】長期返通宵更好爽？事主：每日好多時間做自己嘢！
延伸閱讀：【職場熱話】打工仔嘆返shift好難約朋友 網民：唔通返shift等於斷六親？
Look out for further updates on our Facebook fan page!
Follow CTgoodjobs for the latest career news, hot topics and recommended jobs!