【職場熱話】新同事賠糧過嚟返咗幾日被人炒網民不忿：無良銀行！

2021-05-20

轉工，是人生不斷經歷的課題，打工仔不斷尋求更優質的工作環境，是理所當然的事。可是，以為收到了offer、正式上班後便安全？以為可以安安穩穩地展開人生新一頁？有時結束總是來得太突然……

有任職銀行職員的網民在社交平台專頁「奴工處」上投稿分享，表示：「話說我做銀行櫃枱，早排我哋分行有個新同事入職做出納，聽講之前做另一間銀行嘅，聽返個新同事講，佢賠糧過嚟做，點知做咗幾日就畀人炒咗，個高層仲要周圍話佢冇出納經驗所以炒佢。」

「但個新同事一早已經講咗冇出納經驗，咁你嗰陣又請佢？請完人做幾日，又話人哋冇經驗炒人，搞到人哋冇咗份工，有冇賤咗啲呀？ (P. S. 個同事畀人炒嗰吓喺度喊，個高層仲假惺惺咁安慰人，真系好噁心呀)」

事主同事的經歷真的非常可憐，很多網民都為此感不值！

即睇網民回應：﹙按圖了解﹚

+10

賠糧咪亂試
即使有心儀的工作令你很想立即脫離地獄般的舊公司，賠糧這決定實在要深思！若不是新公司替你賠糧，實在需要多加考慮，因為新工作實在有太多變數，你不知道人事與環境是否真的適合自己，試用期內，亦可能發現自己不適合公司，賠糧這決定豈畢很太成本？

而事主的同事真的非常無奈，可是有網民指：「唔夠七日只需即日通知……」公司的確有權如此處理又不犯勞工法。雖然無奈，可是只能當買一個教訓，凡事都需要謹慎地靜觀其變，太衝動通常都沒有好結果。

Tags︰

Look out for further updates on our Facebook fan page!

Get latest jobs,career news and
job invitations on-the-go.